نصيحتكم أفضل دفاية زيت ؟؟

Question

السلام عليكم ، ماهي أفضل دفاية زيت موجودة بالسوق ، هيلر أو غيرها

الالماني جيد ؟

Answer 1

والله فيه عدة انواع لكن الافضل الياباني اكيد والألماني
واهرب من صناعة الامارات حتى لو كتبوا عليها اسم اكبر شركة بالدفايات

Answer 2

ممتاز اختيارك لدفاية الزيت

للغرف المغلقة خاصة غرف النوم
الزيتية وبس شغالة 24 ساعة الغرفة دافية على طول

صحية وآمنة وتدفي كل المكان
فيه ناس مايفضلونها لأنهم يحبون يقابلون الدفاية

بغرفتي لايمكن أضع غيرها والحمد لله رائعة ..

عليك بالألماني وأبعد عن الصيني ..

Answer 3

الصناعة .. لابد تكون من ماركة عريقة ومعروفة بالأجهزة المنزلية

مثل سيمنس الالمانية أو اريستون الايطالية .. ماركات زي elekta وغيرها .. مانصح فيها .. اغلبها مضروب

وعمرها الافتراضي قليل وأعطابها كثيرة.

Answer 4

الدفايات الزيتية انصحك بها فهيا تعمل على تدفئى كاملة للغرفة .. عكس الدفايات العادية فهيا تدفي من يقترب منها فقط ..

Answer 5

الياباني والالماني وشغلها بالمكان وانت صاحي
ما نمت ،،، افصلها تماما واسحب سلكها من الفيش
اذا نويت تنام ،،،
غرفه محكمة الاغلاق وبطانيات والحمدلله
لسنا في سيبيريا..


اياك والنوم وهي تشتغل

عاد المكيف الحار سالفه ثانيه
هذا يقضي على الأكسجين
في أي مكان


حفظنا الله واياكم

Answer 6

والله يالربع شريت دفايه سيمنس 12 ريشه والله انها خمام وعشه استفدت منها في شي واحد هو اني انشر عليها الثياب ولا الشراب الرطبه وغيره مافيه فايده يعني بح واخرتها عطيتها عامل وراحت ال550 ريال وانا الان محتار ودي بدفاية زيت عشان عند النوم تكون الغرفه دافيه ولا في الصاله والأماكن المفتوحه عندي دفاية قاز ممتازه وماركتها kirona وملبيه الغرض اعبيها وتكفيني 3 ايام لكن عيبها ماتصلح في غرفه مغلقه لأنها ممكن تسبب اختناق ووفاة لاسمح الله

Comments

سمينس الالماني عندي لها 6 سنوات وما شاء الله ولا احلى
اهم شي الماني .. مو تقليد

Answer 7

دفايه اسمها هيلر heller صناعه المانيه وسعرها على حسب حجمها دفايه عمليه لها عندى فوق ثلاث سنوات وما شاء الله عليها ، وانتبه من التقليد خذ المانية صناعة وتجميع ، واحذر من الامارات

Answer 8

pdk
ألمانية هنغارية

ماعاد فيه المانية المانية .. كل اللي بالسوق ياماليزي ياصيني .. راح زمن الألماني الأصلي ..

Answer 9

نصيحة عن تجربة وخبرة اي جهاز له علاقة بالحرارة مثل السخانات والافران والدفايات خذ صناعة ايطالية مثلا :

دفاية الزيت : ماجيك لاين - ايطالية
سخان ماء : اريستون - ايطالية
افران : ماجيك لاين و اريستون - ايطالية

عموما الصناعات الاوربية جبارة في الغسالات والنشافات والافران والشفاطات والسخانات ووووالخ

Answer 10

والله من يومني بالمهد لين جبت عيال وانا واهلي ما يدفينا الا دفاية الزيت الله عليها لا خلاء ولا عدم ياختي نطلع الملابس الصبح لراعيين المدارس مثلجه تقولين حاطينها بالفريز والا كابين عليه ماء ابد نحط علييها تدفيها وندعس عليهم غير غرفة النوم اللي ما يهنا لك النوم الا بدفاها