اطرح سؤالاً
ماهي أفضل ثلاجة موجود بالسوق ، من حيث الجودة ، لأن الخيارات كثيرة ،  ثلاجة هيتاشي أو ثلاجة سامسونج أو ثلاجة شارب  أو غيرها ؟

ما رأيكم ماهي أفضل ثلاجة ؟

إجابتك

أحب الناس إلى الله أنفعهم للناس ، هذا الموقع قائم على التعاون ، شارك واكتب رأيك ليستفيد منه الاخرون

اسمك الذي سيظهر (اختياري):
نحن نحرص على خصوصيتك: هذا العنوان البريدي لن يتم استخدامه لغير إرسال التنبيهات.

18 إجابة

 
أفضل إجابة
بالنسبه لي من واقع تجربه هيتاشي وويربول (Hitachi + Whirlpool) أضمن لك بحول الله وقوته ان تخدم معك لفترة طويلة وهذا الكلام من واقع تجربة لعدة ماركات لفترة 25 سنه...
ننصح بالانتباه للوكيل. انا اخذت هيتاشي وخربت علي بعد استخدام طبيعي 4 سنوات او حتى اقل ما اذكر. المهم اني كلمت الوكيل حقها عشان يصلحوها لان ضمان الكومبريسور عشر سنوات. اخذ اسبوع عشان يجي عماله يشلونها، ولا ما جاو الا بشكوى عند وزارة التجارة. بعدين اسبوع على ما بدلوا الكومبريسور ورجعوها.
ظلينا15يوم من غير ثلاجة وكله اكل مطاعم
الافضل للشخص يكون عنده ثلاجتين مبرد مع مجمد وقافيات بدل لا يشتري مبرد و فريزر مستقلات علشان لم تخرب وحدة تغطي مكانها الثانية
والله فييه فرق بعض الثلاجات الاكل لو يقعد فيها مده ماتطلع ريحته بس بعضها يفوح بمجرد ماتفتح باب الثلاجه وهذا دليل على الجوده والبروده
الثلاجات اللي عليها الكلام وممتازة جدا ثلاجات جبسون الامريكية ووستنق هاوس القديمة اللي بدون شاشة الكترونيه  ويربول الزقزوق بعدها يجي الياباني هيتاشي توشيبا فيشر وبعدها الكوري دايو سامسونج LG  الصيني في الثلاجات ماهي كويسة تخرب بعد فترة بسيطة وتلقاها ماتبرد او ماتجمد كويس لا احد يغامر ادفع فرق بسيط وخذ كوري او تايلاندي
بالنسبة لي أنا استخدمت ثلاجة سامسونج الهيبة بي أتوماتيكية طبعا بالرياض مزبوط عقب ما نقلت للقصيم مالها صيانة خربت لأن الكهرب عندنا ينقطع في الخبراء ‏وبالنسبة لل إلكترونية ما تصلح عندنا في القصيم أفضل شي العادية الكهرب ينقطع عندنا
لحد ياخذ سامسونج زبببباله ماكملة سنه الا وخربانه
نصيحه بالثلاجه خذ اكبر حجم تقدر تشتريه لان الثلاجات تمتلي بسرعه بشكل عجيب مره شريت ثلاجه ال جي حجم متوسط وكنت اضن انها اكثر من كافيه بما اني عزوبي اكتشف انها ماتكفي بالاخير عطيتها مامتي حطتها بغرفتها
الافضل الكوري ثم  الياباني وغالب الياباني يتصنع في تايلاند وكويس انا عندي سامسونج 17 سنة والحمدلله ولا اختلفت ولا تعطلت وبعد العمر ذا تعطل الكمبروسر بسبب مفتاح احترق، ونصيحة خذ ثلاجة ماركة معروفة لك وللزمن
القديم غير ، الآن الثلاجا اختلفت ، ماهو مناسب قديماً قد لايكون مناسب الآن
اتوقع توشيبا النوع غير الالكترني افضل ثلاجه
الي يبي شي عدل ياخذ white westinghouse شركة معروفة ولها سمعتها وانا عندي فريزر من قبل 18 سنة من white westinghouse وعايش عندي و الكهرب 110 بعد نظام امريكي كامل ولاقطعه مصنعة في الصين او برا
وستنق هاوس الآن صينيه لم يعد في اسواقنا ثلاجات امريكيه اصليه
غير هيتاشي لا تدور، شريت هيتاشي من أكسترا 19.4 قدم لون سلفر بـ3500ريال شامل توصيل وضريبة15% قبل سنتين
اشتريت ثلاجة توشيبا والارفف البلاستيكية تكسرت  هل لها قطع غيار من المصنع
انتبه من ثلاجة دايو  مروحة الثلاجة يتجمع عليها ثلج الفريزر ، بدلوها مرتين خلال سنتين
والان خربانه من تجمع الثلج
باقي الاجزاء ممتازة
والوكيل عشان يرسل فني لازم تاخذ موعد شهر بالتمام والكمال ، وبعدها يجيك
انتبهوا ثم انتبهوا تشترون ثلاجة كلفينيتورمن ابراهيم الجفالي .. دماااار ... الثرومستات يعلق مايفصل.. تبرد بدون انقطاع  البيض تكسر من البرودة الطماطم صار حجارة اعدم لي الفواكه والخضار وغيرهم ... غيرت الثرموستات 3 مرات ونفس المشكلة وشكاوي وبلاوي لحد ما طلبوا لي ثرموستات من برا لان الثلاجة صناعتها سعودية لكن للاسف شوهوا سمعت الشركة العريقة ... يعني قطعة بسيطة تحوس لك المنتج كله وفشلوا في تصنيعها ..
احسن ثلاجات الصينيه حقت كرف وعمليه واسأل مجرب ولا تسأل طبيب
واصلاً جميع الاجهزة الكهربائية كلها الآن صينيه تحصل صناعات ثانيه بس الأكثر  المنتجات الصينيه
نصيحه ابتعد عن الثلاجات الصينيه  .  ال جي الكوريه حتى لو غاليه في السعر لكن تأخذ راحه بال لمده ١٥ سنه اقل شيء اذا لم تصل الى ٢٠ سنه  . الصيني تحتاج ٣ ثلاجات خلال ١٥ سنه اذا ما تكسرت رفوفها وابوابها وتسريب التبريد من الباب وعدم توزيع التبريد بطريقه متساويه لجميع اجزاء الثلاجه ولو رفعت التبريد للفريزر انخفض التبريد في الثلاجه وغيرها وزمن التبريد اطول من غيرها وصوت الماطور يوم يقربع كانه غساله   .. خدعه الصيني انه يعتمد على مصنع واحد وهذا المصنع ينتج ٥٠ ماركه كانه مخبز بشكل واحد وجوده واحده لتقليل تكلفه المولدات وسعر الوحدات وتكلفه الانتاج والتجميع من اجل يعطيك سعر وينافس وانت تتنقل بين العلامات التجاريه وانت مصدق انهم مختلفين وهم مختلفين في السعر وامهم واحده وكل من سافر الى الصين واطلع على واقع التصنيع يعرف هذي الحقيقه  فالمشكله في الجوده وماتقارن بصاحب علامه تجاريه عريقه كوريه او امريكيه او يابانيه وخبره موثوقه واسم رفيع في السوق يملك مصنعه الخاص وفريق تكنولوجي خاص واختبارات كثيره لضمان الجوده وقوه الدعم مابعد البيع بحسب الوكيل وتوافر قطع الغيار ..
شريت ثلاجة صينية ولها ف ضمان شهرين مالها قطع غيار بنهاية راح يتم تعويضي بمبلغ ثلاجة ناقص قيمة الاستهلاكي لها نصحية لاحد يشتري صيني نهائيا
اهم شي في الثلاجات غير الكفاءة والنوع والسعر فيه نقطه مهمه جداً يجهلها الكثر من الناس ومن ربات البيوت وهي :-

ميزان الثلاجة بميزان الماء بحيث تكون مستقيمه تماماً ولايوجد فيه نسبة ميول نهائياً لان الميول لدرجه واحده في اي اتجاه يسبب تبريد زائد ويثلج التبريد بالاسفل ويتلف الاكل والخضار بسبب البروده الزائدة
كنت شاري الكتروني دايم تخرب سويت صيانة ٣ مرات ، بعدين شريت دايو عادية والحمدلله لم أعمل لها أي صيانة أكثر من ١٠ سنوات ، اللي عنده خبره سبب المشكلة للالكترونية وهي الاكثرية في السوق حالياً ولاقي عرض في المنيع ولكن متخوف بسبب التجربة السيئة سابقاً
بالنسبة لي عندي ثلاجة جنرال لها اكثر من ١٤ سنه وصلتي على النبي نقلت من الشرقية لمكه ونقلت من مكه لرياض ولا خربت نهائي معي لين جاني اهل زوجتي من مكه ومعهم خدامه منحوسه تركت باب الفريزر فاتح يمكن نص يوم لين صار الفليزر ماعاد يبرد عندي جبت كهربائي قال الدينمو وشريت دينمو وجلست اسبوع ورجعت نفس الخراب والحمدلله ما رميت الدينمو الاصلي ووديته شيكت عليه قالوا حرام الدينمو عندك مزبوط مافيه اي شي وارجع اجيب عامل ويركبه وصلتي على النبي وجلست يمكن اربع ايام ويرجع الخراب نفس اول وكل ما جيت عامل يجيب خراب من راسه واحد يقول يمكن السبب الهيتر خربان وواحد يقول الكمبرسل خربان واحترات من اصدق فيهم والمشكله رمضان قريب
وفيه واحد سعودي كهربائي محترف بس جالس يتغلى يقول مره مسافر ومره موقف فترت كرونا ما اصلح
وللحين مدري وش اسوي مع العلم ان الثلاجه تحت تبريدها طبيعي بس الخلل في الفليزر

اسئلة متعلقة

34 إجابة 4,322 مشاهدات

السلام عليكم ، ماهي أفضل ثلاجة للمنزل ، يوجد شركات كثيره ومحتار ؟...

10 إجابة 401 مشاهدات

ما رأيكم ثلاجة باناسونيك هل تنصححون بها ، وهل هي جيدة من حيث التبريد وقلة المشاكل ؟ شاكر لكم تعاونكم...

13 إجابة 507 مشاهدات

قرأت كلام حلو عنها ، لكني مازلت متردد ، هل ثلاجة شارب جيدة ؟ هل تنصحوني بـ ثلاجة شارب ؟...

11 إجابة 1,048 مشاهدات

السلام عليكم ، مارأيكم ثلاجة سامسونج هل تنصحون بها .. يوجد شركات كثيرة هيتاشي ودايو وال جي وغيره ثلاجات كثير مارأيكم ثلاجة سامسونج...

 

لعشاق الأخبار : هذا تطبيق يمكنك من خلاله مشاهدة كل القنوات   smile 

اضغط هنا لتحميله من المتجر


...