هل تغيير زيت القير ضروري ؟؟

Question

السلام عليكم ، ماعمرتي غيرت الزيت ، لكن سؤالي هل تغيير زيت قير السيارة ضروري ، ومتى أغيره ؟

Answer 1

تغيير زيت السيارة خطير
لانه يحتاج دقة ومواصفات دقيقة

اذا السيارة ماشية كثيرة والزيت وصخ ، الافضل عدم تغييره ، لانه احتمال تصير مشاكل بالقير

 بعض الناس يتوقع اذا الزيت قديم والسيارة ماشية كثير لازم اغيره

بالعكس هذي الحالة تغيير الزيت خطير

يعني لو خيروك تغير زيت لسيارة جديدة وسيارة قديمة .. اختر السيارة الجديدة

بعض الناس اذا الزيت قديم والسيارة ماشية كثير ، يغريون الزيت بالتدريج .. يعني يزيدون شوي شوي .. هذا مافهمته

الزبدة : تغيير زيت القير مو سهل خصوصا للسيارات القديمة او اذا متسخ الزيت وفيه ترسبات

Answer 2

المشكلة بعض وكالات السيارات اذا غيرت زيت قير السيارة يروح الضمان

فانتبهوا من هذا الشيء

Answer 3

طبعا بتروح من بيتك للوكالة على شان يغيرون زيت القير و هو مشوار طويل غالبا مو كل الناس بيوتهم جنب ورش تصليح الوكالة
 الوكالة بياخذون السيارة بيفكونه و هو حار و بيغيرونه و يقولون لك أي شي يصير تحت مسؤوليتك  !!

Answer 4

اهلا اخي ..

هذا الفيديو يتكلم عن تغيير زيت قير السيارة

ضروري أم لا
وعند كم أغيره

Comments

اللي فهمته من المقطع

فحص الزيت اذا كان م يحمل ريحه وشوائب داخله
تغيير نصف الزيت
تغييره بعد اسبوع النصف الثاني عشان ينضف ويعتبر جديد
اول وقبل كل شي لازم السياره تكون بارده تماما
اختيار الزيت المناسب للقير

تم التعليق عليه منذ 2 سنوات

بواسطة حمدي

---

معلوماتك صحيحة ١٠٠ ٪؜  والزيت الإ ماتغير ٢٠٠٠٠ او قريب من هذي المسافه الافضل تتركه لا يفتح لك ابوااااب ويجاوب الجربكس

تم التعليق عليه منذ 2 سنوات

بواسطة ناصر

Answer 5

احذر من تغيير زيت القير وهو ساخن ، اتركه يبرد ، بعض الفنيين والوكالات مستعجل ،، ويعدم عليك القير

Answer 6

بارك الله فيك اخي وسلمك
من تجربه شخصيه عندي جيب فورتشنر ٢٠١٤ تجاوز ٢٠٠ألف ولم اغير له زيت القير ذهبت الوكاله وطلب مني مبلغ ١٢٠٠ ريال لتغييره مع اخلاء مسؤوليتهم عن اي خلل يحدث للقير  وكانت خطتهم بان يتم التغيير على مراحل

علبه كل ١٠٠ كيلو
 فرفضت وقمت بشراء الزيت
وتغييره في المنزل على اربع مراحل
والحمد لله نجحت العمليه والامور طيبه
 ولله الحمد الان مضى سته شهور ولله الحمد

 ووفرت مايقارب ٨٠٠ريال اجرة اليد التي طلبها الوكيل

Answer 7

عندي هايلوكس 2015 غيرت زيت الگير بعد ما مشت 200 الف كيلو، حاليا الامور تمام وما في اي مشاكل اطلاقاً، على العكس تبديل السرع صار اسلس. ملاحظة: لازم اتبدل الزيت بالدورة كلها الخاصه بالگير مو بس بالگير نفسه، ولا تنسون فلتر الزيت تبع الگير لازم يتبدل ايضا. ملاحظة ثانية: زيت الدفرنشل لازم يتغير ايضا. تحية لصاحب القناة

Comments

ماكل مره تسلم الجره

تم التعليق عليه منذ 2 سنوات

بواسطة تامر

Answer 8

انا غيرت زيت الجربكس كامل كنت جاهل وقتها وجيت عند ناس ماتخاف الله وماعلمتني والان القير يعلق وتنتع السياره عند الدعس

Answer 9

هذا فيديو يتكلم عن تغيير زيت قير السيارة

Answer 10

انا اخدت سوناتا 2011 مستعمله وماشيه 350 الف  وغيرته عند واحد فكه كامل وغير فلتر والحمدلله الامور تمام.

Answer 11

باختصار اللي اعرفه

الزيت اذا كنت مهمله ولم تقم بتغييره بشكل دوري ،، فالأفضل لا تقوم بتغييره ، لانه راح يفتح عليك باب مشاكل

Answer 12

زيت القير موضوعه معقد شوي
عموما انت مشيت فيه 100 الف أو أكثر مثلا
والمفروض كل 40 الف يتغير
طيب عندك حل واحد فقط لكن متعبه شوي
غير زيت و الفلتر وامشي عليه يومين الي 3 ايام بدون زر علي الموتر يعني دعس
ارجع للورشه وغير زيت القير فقط بدون الفلتر الان الفتر جديد
امش علي يومين او ثلاث ايام بدون دعس ممشي عادي
وارجع للورشه وغير الزيت للمره الثالثه والاخيره
وبأذن الله يظبط معك
ولكن يتم التغير بعد 40 الف من التغيره الاخيره ...
.

Answer 13

أكثر الناس يشتكي من خراب القير بعد تغيير الزيت والفلتر إذا كانت ماشيه فوق الحد المسموح به والسبب أن القير الجديد في السيارات

الجديده غير القير القديم لأن فيه حساسات ومخ قير وكمبيوتر وإذا تغير عليه الزيت راح تتغير البرمجه على القير والأفضل سحب 1 لتر

كل أسبوع ووضع مكانها 1لتر زيت جديد وتتكرر العمليه 8 مرات أو أكثر وبعدها تغيره كامل مع الفلتر هذا ماقرأته في أكثر المنتديات

وإنتبه من الورش التي همها الوحيد الكسب المادي حتى لو على حساب سيارتك

Answer 14

لو الزيت القديم محروق وفيه ريحه لا تغيره لانو بتنعدم الكلتشات لو مافي ريحه غيره وانت مغمض مع الفلتر عند ورشه متخصصه مو عند ابو يمن

Answer 15

السلام عليكم ورحمة الله
كل عام وانتم بخير حبايبي
ي اخوان انا عندي كيا ريو 2014 واللي حصل اني مشيت عليها أكثر من 80000 بدون تغيير زيت الجربكس وبعدها غيرته عادي جداً ومشيت فيه 40000 كيلو وغيرت الزيت مره ثانيه لكن المره هذي بدت تقطع وتتأخر في تغيير النمر روحت فحصت قال لازم تغير جربوكس لأنه خلاص تالف ياليت اللي يعرف شي عن الموضوع يفيدني