ما رأيكم أفضل ثلاجة ؟

Question

السلام عليكم ، ماهي أفضل ثلاجة للمنزل ، يوجد شركات كثيره ومحتار ؟

Answer 1

الثلاجات اللي عليها الكلام وممتازة جدا ثلاجات جبسون الامريكية ووستنق هاوس القديمة اللي بدون شاشة الكترونيه  ويربول الزقزوق بعدها يجي الياباني هيتاشي توشيبا فيشر وبعدها الكوري دايو سامسونج LG  الصيني في الثلاجات ماهي كويسة تخرب بعد فترة بسيطة وتلقاها ماتبرد او ماتجمد كويس لا احد يغامر ادفع فرق بسيط وخذ كوري او تايلاندي

Answer 2

عندي ثلاجة هيتاشي ، بصراحة روعة ، شكل حلو ، وجودة .. لها عندي أكثر من سبع سنوات أو ثمان

Answer 3

الأمريكي القديم ، لكن وينه الآن ، لاتكاد تجده
المهم أشوف هيتاشي كويسه
واذا ميزانيتك ماتسمح فيه خيارات ثانيه

Answer 4

انا عندي عندي ثلاجة فالكون وخدمتني 11 سنه وبصراحه ما قصرت معي ممتازه جدآ

 لكن قبل شهر صلحتها مرتين صلحت المنظم حق التبريد للفريز وبعدها صلحت عبيت فريون ناقص مع تنظيف الكمبرسور واليوم اشوف تبريدها خفيف مره

وقررت اشتري ثلاجة جديده ورحت لاغلب المحلات وكلهم يمدحون ثلاجة ال جي وهيتاشي لكن بصراحه اسعارها شوي عالية

Comments

ايه الأصلي يريحك .. غاليه لانها الأفضل

تم التعليق عليه منذ 3 سنوات

بواسطة منصور

Answer 5

ثلاجة فالكون تجميع سعودي
كانت اول ممتازة قبل عشرين سنة
اما من خمس سنوات ماتصلح فيها خرابات
ومن تبدا التصليح فيها تبدا المشاكل خاصة فالكون شهرين ثلاثة تبدا يضعف التبريد
الثلاجة من تبدا الخرابات خلاص بدلها بجديدة


 

Comments

فعلا كالفينيتور قريت كثير انها تغيرت وصارت صيني ، لم أجربها صراحة بس هذا ماقرأته عن أفضل ثلاجة

تم التعليق عليه منذ 2 سنوات

بواسطة admin

Answer 6

ال جي وسامنسونج انتبه منها كلها الكترونيات معقده

حاول تاخذ شيء تقليدي نفس النوع القديم

كل مازادت الالكترونيات زادت فرصة التعطل والخرابات

Answer 7

ثلاجة LG سعر وآداء لا مثيل لها، ليس هذا فقط بل خدمة ما بعد البيع من نقل وضمان وصيانة وأسعار قطع غيار ممتازة .
يكفي معاملة موظفي الشركة تجد منهم الجدية في العمل والعون والمساعدة للعميل .
فقط أبحث عن الشركة وفروعها وأشتر منهم مباشرتاً ، وأبتعد عن الوكلاء قدر المستطاع .
منتجات الشركة الخاصة بالمنزل بلا منازع :
1- الثلاجات بمختلف أنواعها .
2- الغسالات بمختلف أنواعها .
3- شاشات التلفزيون بمختلف أنواعها .
شركة Lg هي شركة كورية وكيل الشركة في السعودية شركة الناغي .
هذا إذا أردت بضاعة جيدة وممتازة ، أما إذا أردت مكيفات ومطابخ ( بوتجاز ) فهناك شركة الزقزوق .
1- البوتجاز شركة جليم غاز من الزقزوق .
2- المكيفات السبلت فقط شركة جنرال من الزقزوق والمتبولي .

Answer 8

الأمريكي حلو .. بس غالي

أخهم شي ابتعد عن الثلاجات المعقدة اللي كلها أزرار وتقنية ، كل مازادت التقنية زادت فرصة الخرابات

هيتاشي مجربها حلوه

Answer 9

قبل 28 سنة أشتريت ثلاجة ماركتها
FALCON
أمريكية الصنع

العام الماضي أهديتها عائلة محتاجة وبدلتها
طيلة 28 سنة ولا مرة خراب
ولا مرة بدر منها أي حاجة
سبب تبديلي لها بابها بدأ فيه نوع من الصدأ بسبب الشغالة تمسحه بموية الحنفية المالحه
وكانت صغيرة على مقاضي البيت

لو حصلت هالماركة فلا تتردد في شرائها
Whirpool أيضا ماركة ممتازة وسبق لزملاء جربوها ومدحوها
جنرال الكترك أيضا لايعلى عليها

هذي فالكون القديمة ، فالكون  الجديدة مو زيها في الجودة حسب ماعرف

Answer 10

السلام عليكم

لا شيء تقريبا بنفس جودة القديم

يجب ان تعرف ان حتى الماركات العالمية المعروفة والمشهوره قد تغيرت سياسة تصنيعها
في السابق الجهاز يخدم معاك فوق العشر سنوات واكثر ولا يطلب صيانه وكان اشهرها الكلفينيتور والوايربول وتوشيبا والكينمور وغيرها من الماركات المشهورة حتى تم دخول عمليات التسويق والعمر الإفتراضي وإنتهاء قطع الغيار من السوق وغيرها من متطلبات تدوير التسويق وتحريك خط الإنتاج

الكلفينيتور ... لا يصلح اصبح نوعية مضروبة

الهيتاشي والسامسونق وغيرها من الثلاجات الكورية ديكورات ومميزات وكثرة اجهزة تجدك لست بحاجة اليها وانما كما يقولون اوبشيون وخرابها مترابط لذلك يجب علينا ان نأخذ الغرض لما نحتاجة بعيدا عن الإضافات التي يمكن الإستغناء عنها.


اجهزة مطبخي كينمور

فرن و ثلاجة  وغسالة صحون  كلها رائعة ولكن من الموديلات القديمة يعني ليست من الصناعات الحديثة

وسبيد كوين وجنرال ولكن البضاعة الحديثة ليست كالسابق

Answer 11

امريكي وبس

أما كلفينيتور هي  بالاسم امريكي لكن الحقيقة هي تجميع

نصيحه لا تسخسر الفلوس بالثلاجه كالفينيتور


ودائما خذ اكبر مقاس من حاجتك

Answer 12

شوف ، غالبا ثلاجات أي ماركه هي نفس جودتها في كل الموديلات
لكن السؤال هي ماهي أفضل ماركة ثلاجة

الثلاجة ميزتها مافيها تقنية كبيرة فمن السهل تجد ثلاجة جيدة عند أكثر من ماركة

عن نفسي كنت ومازلت استخدم ثلاجة هيتاشي ، لأني مرتاح معها

هذا الفيديو جميل ويوضح لك

Answer 13

النسبة لي عندي ثلاجة جنرال لها اكثر من ١٤ سنه وصلتي على النبي نقلت من الشرقية لمكه ونقلت من مكه لرياض ولا خربت نهائي معي لين جاني اهل زوجتي من مكه ومعهم خدامه منحوسه تركت باب الفريزر فاتح يمكن نص يوم لين صار الفليزر ماعاد يبرد عندي جبت كهربائي قال الدينمو وشريت دينمو وجلست اسبوع ورجعت نفس الخراب والحمدلله ما رميت الدينمو الاصلي ووديته شيكت عليه قالوا حرام الدينمو عندك مزبوط مافيه اي شي وارجع اجيب عامل ويركبه وصلتي على النبي وجلست يمكن اربع ايام ويرجع الخراب نفس اول وكل ما جيت عامل يجيب خراب من راسه واحد يقول يمكن السبب الهيتر خربان وواحد يقول الكمبرسل خربان واحترات من اصدق فيهم والمشكله رمضان قريب
وفيه واحد سعودي كهربائي محترف بس جالس يتغلى يقول مره مسافر ومره موقف فترت كرونا ما اصلح
وللحين مدري وش اسوي مع العلم ان الثلاجه تحت تبريدها طبيعي بس الخلل في الفليزر

Answer 14

نصيحه ابتعد عن الثلاجات الصينيه الجديدة واللي بأسماء مختلفة من اختراع المستورد السعودي وشفناها كثير بالسنوات الأخيرة

ال جي الكوريه حتى لو غاليه في السعر لكن تأخذ راحه بال لمده ١٥ سنه اقل شيء اذا لم تصل الى ٢٠ سنه  . الصيني تحتاج ٣ ثلاجات خلال ١٥ سنه اذا ما تكسرت رفوفها وابوابها وتسريب التبريد من الباب وعدم توزيع التبريد بطريقه متساويه لجميع اجزاء الثلاجه ولو رفعت التبريد للفريزر انخفض التبريد في الثلاجه وغيرها وزمن التبريد اطول من غيرها وصوت الماطور يوم يقربع كانه غساله  

خدعه الصيني انه يعتمد على مصنع واحد وهذا المصنع ينتج ٥٠ ماركه كانه مخبز بشكل واحد وجوده واحده لتقليل تكلفه المولدات وسعر الوحدات وتكلفه الانتاج والتجميع من اجل يعطيك سعر وينافس

وانت تتنقل بين العلامات التجاريه وانت مصدق انهم مختلفين وهم مختلفين في السعر وامهم واحده وكل من سافر الى الصين واطلع على واقع التصنيع يعرف هذي الحقيقه

فالمشكله في الجوده وماتقارن بصاحب علامه تجاريه عريقه كوريه او امريكيه او يابانيه وخبره موثوقه واسم رفيع في السوق يملك مصنعه الخاص وفريق تكنولوجي خاص واختبارات كثيره لضمان الجوده وقوه الدعم مابعد البيع بحسب الوكيل وتوافر قطع الغيار ..

Answer 15

اشتر لك ال جي بس تأكد أن صناعتها كوري لأن أغلب اللي في السوق غير كوري

Answer 16

أفضل الثلاجات انصحك بالسامسونج
ثلاجة سامسونج ممتازة

Answer 17

اخوي فيه ثلاجات اسمها بيسك فيه صناعة لبنان وفيه صناعة ثانية ماادري ايش بالضبط

لكن ممتازة جدا ورخيصة

عندك فيشر صناعة تايلاندية ممتازة

Answer 18

هيتاشي اذا تبي اصلي ركب وارتاح مع ان حتى الهيتاشي ماهي زي اول
لكن هي الأفضل برأيي

Answer 19

انا اشتريت ثلاجتين هيتاشي وحدة ممتازة مااتعطلت

والثانية بعد شهر ضعف التبريد وجاي الفني وكشف عليها وبدل اللوحة اللي وراء

Answer 20

انتبه من الرفوف الزجاج خذ شبك نفس النظام القديم انتبه للنقطة هذي

الزجاج ينكسر لاسمح الله وتبلش من وين تجيب