اطرح سؤالاً
أنا استخدامي خطوط وليس داخل المدينة وأبغى نصيحتكم :

هل الكامري أفضل أو الأكورد أو ألتيما ؟

إجابتك

أحب الناس إلى الله أنفعهم للناس ، هذا الموقع قائم على التعاون ، شارك واكتب رأيك ليستفيد منه الاخرون

اسمك الذي سيظهر (اختياري):
نحن نحرص على خصوصيتك: هذا العنوان البريدي لن يتم استخدامه لغير إرسال التنبيهات.

24 إجابة

 
أفضل إجابة
كل الثلاث سيارات جودتهم ممتازه
الراحه للكامري
والمراتب للالتيما
والثبات والرساوة للاكورد
جربت الثلاثه واخذت التيما  وبعطيك رايي بكل حياديه
من ناحيه سعر مقابل مواصفات الالتيما افضل خصوصا فئة sv نص فل كأنها فل كامل  بالكامري والاكورد

نجي للاشياء المهمه كل السيارات صرفيتها للبنزين ممتازة ومتقاربة لكن الاكورد تانكي البانزين فيها اصغر ب عشره لتر اذا
انت راعي خطوط هالشي يهمك

الوسع : 1 اكورد 2 التيما 3 كامري الكامري ضيقة مقارنه فيهم
القوه :  1 اكورد 2 التيما 3 كامري نتكلم عن فئة 4 سلندر الاكورد  اقوا وبمراحل من الاثنين
العزل الارضي : 1 التيما 2 كامري 3 اكورد ___ الاكورد عزلها الارضي سيء جدا
العزل الهوائي : 1 اكورد 2 التيما 3 الكامري ___ عزل الكامري سيء مقارنه فيهم

اما ك اسعار قطع غيار الكامري والالتيما ارخص من الاكورد
وبالاخير ارشحلك التيما اذا انت خطوط اما مدينة اكورد
اتفق معك معاي التيما والحمدلله راحه وعزل
وصرفيه ماشاءالله ممتازه
فئه s
الاكورد عزلها الارضي سئ !!!!
وصح ازيد على التغريد اذا انت تمسك خطوط اكيد يهمك انك بتوقف بمحطه الكامري مايمديك تقفلها وهي شغاله ولا فيها تشغيل عن بعد الأكورد مدري اذا تقدر تقفلها لاكن فيها تشغيل عن بعد الألتيما فيها تشغيل عن بعد وتقفل السيارة وهي شغاله هذي أهم ميزة لأنه الي جربها صعب يفقدها
انت تسوقها على الناس ؟

كيف الاكورد اقوى وهي 192 حصان

والكامري 204 حصان !!
وازيد على كلامك اذا الشخص محتار اذا انت غير محافظ خذ كامري بعدها التيما بعدها الأكورد لازم تكون محافظ لزيت عشان المكينة تيربو وعشان القير اما التيما بس القير واذا على كلامك خطوط لازم لازم لازم تهتم لتغير زيت القير في الأكورد و الالتيما اما الكامري برضو لازم تهتم لاكن اقل وحده
اتفق معك ، عدا ان الاكورد هي الاركز والاهدى فعزلها الافضل ، واعتقد كثير يختلفون معك بهالشي
اذا يهمك السعر والمواصفات تجدها في التيما اما التحمل فتجدها في اكورد تليها كامري
عندي افالون نضيف سعره ٤٨ الف للصامل موديل ٢٠١٣ ماشي ٣٨٦ الف
الخطوط تحتاج مقاعد مريحة وسيارة ما تكون نازله بالارض

لذلك استبعد الاكورد بسبب المقاعد السيئة
واستبعد الألتيما بسبب مستوى نزوله للأرض

كامري بتكون الخيار الأنسب لا من ناحية السعر ولا من ناحية الاعتمادية
ليه ما تعطيه عيوب الكامري !؟ تراها نازله مثلهم و عزلها الارضي سيئ و راح يسمع هواء بسبة المرايا الجانبية
حديد صلب اقل فرامل اسوء ثبات اسوء ضمان اقل ايرباقات اقل وتكلفة صيانة ماهي رخيصة كما هوا متوقع مقارنة الاكورد
يرحم لي والديك تبغى تقنعني ان الكامري مريحة في الخط؟ حدث العاقل بما يعقل

سيارة تكسر الظهر و انواع الازعاج فيها ولاهي راسية ولا تنفع للخط
يقول كامري حقت خطوط انا اشوف الالتيما افضلهم لان مقاعدها مريحه جدا
الكامري دركسونها اصبح كهربائي مع توزيع الأوزان السيء راح تحس انك ماتقدر تسيطر عليها وماتصلح للخط
لهالدرجة مراتب الاكورد قاسية !؟

اشوف كلن يشتكي منها
الكامري هي أكثر سيارة نازلة بالأرض وما تخللي مطب وإلا وتحك فيه
على فكره الاكورد ٢٣ مقاعدها مريحة جدًا،والالتيما هي الافضل بالفئة من ناحية راحة وعزل!
بالعكس، نزول السيارة افضل في الخطوط يزيد الرساوة
افضل شي تستأجر السيارة و تجربها في الخط
منها راح تشوف السيارة بعد الاستخدام لان فيه قبلك ناس ساقها و طلع فيها عيوب ما راح تشوفها في السيارة الجديدة
و منها تحدد نوع السيارة اللي ارتحت فيها
اتوقع ماراح تكلفك هذي التجربة بالكثير الفين ريال لكن راح تعطيك تجربة حقيقية لكل نوع
دامك ذكرت كامري فعليك بها ... بس كـن فيه جيل جديد قادم
كامري واكورد اكثر تحمل وكد وكرف وتمسك سعر
التيما حلوه ومريحه بالسفر اكثر من الكامري لكن ماتمسك سعر ولا تتحمل زي الكامري والاكورد
على العموم كلها سيارات حلوه وعمليه بشكل عام
من ناحية مواصفات كستاندر مثلا الاكورد تتفوق عليهم كلهم لكن الالتيما اريح وافضل سيارة بالفئة عزل وراحة
الكامري حط في بالك ان السيارة مافيها اي تطور يعني حتى عزلها ضعيف
دامك راعي خطوط ومن ضمن خياراتك كامري خذ هايبرد ونت مغمض

ثلاث ارباع مبيعات هالجيل هالعلامه الزرقاء ولاحظ بالشارع

تمشيك ١٤٠٠ كيلو بالراحه
انا اتوقع اكثر اللي ردو ماجربو الثلاث السيارات اللي صاحب السوال سال عنها لكن ياعزيري
انا جربت الثلاث سيارات هذي
كلها حول بعض يعني ماتقدر تقول وحده فيهم افضل من الثانيه بمراحل كلها نفس الفئه
لكن ممكن ارشح لك الكامري
انا كانت معاي كامري 2020 ستاندر العيوب نفس المراتب

الكامري مشيتها بدون مبالغه في سنتين 230 الف كيلو اكثرها خطوط حلوه لكن المراتب فيها قسواه اما الرساوه في الخط اعطها جيد جداً وصرفيها البنزين ممتازه لكن قطع غيرها غاليه
فلتر مكيف ب220
فلتر هوا 210
طقم بواجي 4 ب370 ريال
طقم فحمات امامي وخلفي ب600 ريال
جميع الاسعار من الوكاله
الاكورد جربت 2012 ممتازه مشينها 580 الف كيلو ماشاء الله ومحافظ ع صيانتها ولاتطلب قطع غير الاستهلاكيه يعيبها المراتب قاسيه وهذي في الاكورد الين موديل 2023
الالتيما جربت 2016 حلوه ومراتبها مريحه لكن ماطولت معاي بسبب خوفي من سالفه تخبيط القير بعتها وهي ماكملت ال150 الف
عنده طريقتين :
١- يروح لكل وكالة و يطلب تجربة السيارات

٢- يستاجرها فترة و يمسك خطوط و يحكم بعدين

ولا تشتري الا الشيء اللي في خاطرك و خلك من كلام الناس
كلها سيدان، انصحه يضيف خيار رابع:  مازدا ٦،

المازدا  ياباني ياباني، أسعارها معقولة، ومجرّبه وقيرها اوتوماتيك على عكس  الالتيما و  الأكورد اللي يستعملون CVT
 الكامري تجاوزت أسعارها قيمتها الفعلية، لكن هي أيضا قيرها ممتاز إذا بتحمل قيمتها.

+
معلومة عامة: الخطوط تريّح السيّارات.
الاكورد عن تجربة شخصية خمسة سنوات تصلح للخطوط و راسية و استهلاك الوقود افضل من المنافسين في فئتها لكن مشكلتها في العزل و في اسعار و توفر قطع الغيار .  كمثال انا ساكن بين جدة و جازان و لازم اروح حدود ٤٠٠ ك ل جدة او ٣٧٠ كيلو لابها عشان الوكالة لانها مافي محلات عندنا توفرها وسلامتك
اريح واقوى واقل استهلاك للوقود غير متعه القيادة التيما مالها منافس ابد وحتى السماعات افضل ، الكامري يعيبون عليها العزل ضعيف استأجر من مكاتب التأجير وجرب اللي يصلح لك
نا شايف التعلقيات هل هي سلبيات

الالتيما قير cvt هل فيه مشاكل
الاكورد تيربو هل اعطاله كثيره
الكامري عشان العزل في شي غيرو
وهل في سياره تشمل قير عادي عزل ومريحه واقتصاديه
كامري أو أكورد.. بس حسب مستخدمي الاكورد قطع الغيار فيها غلاء ولكن تركب وتنساها
انا كنت مثله و اخذت اكورد و الحمدلله الامور طيبه ..
استغرب من اللي يقول عزل الاكورد سيئ و هو ما جرب بس يسمع كلام ..
العزل يعتمد على حسب الشارع اللي تمشي فيه
و يعتمد كذلك على عمر الكفرات ..
كل ال3 حلوه جرب و استخير و خذ اللي قلبك يرتاحله
اللي شادتني هي رينو ميغان، تقريبا فيها كل شي ابيه

لكن ما اعرف عن الوكيل والصيانة والعملانية. انا استخدامي محافظ على السيارة وممشاي قليل جدا.
تورس افضلك اوكامري قيرثمان سرعات وابعد عن قير سف تي والهيبرد الي بتوفره في البنزيم يروح صيانه واخرتها يضرب القير سف تي
تبي الراحه خذ ماليبو
مريح ورساوته ممتاز والعزل برضو وصرفيه حلوه
خطوط شف خذ التورس و اسحب على ثلاثي ذا اثنين منهم cvt وواحد تسمع صوت تنسيم
صرفيتها عالية التورس
الاكورد الكامري اقتصادية اكثر وبرضو رساوة وعزل
خذ السوناتا الجديده وابعد عن ذولي خساره فيهم قيمتهم وبسعر الكورد تاخذ سياره 6 سلندر انصحك بال k8 ستاندر مريحه بالخطوط وعزم ممتاز

اسئلة متعلقة

12 إجابة 567 مشاهدات

يا اخوان محتار بين ثلاث سيارات كامري 2022 والازيرا 2022 وهوندا اكورد 2022 وش تنصحوني ابغى سيارة ... لامانة ماعرف الازيرا بس اهم شيء عندي المكيف الظهر...

11 إجابة 996 مشاهدات

السلام عليكم ، الكامري ممتازة ، والسوناتا رائعة ، ومحتار بينهم ، ماهي تجربتكم ؟ ونصائحكم ؟...

15 إجابة 189 مشاهدات

أنا بنت وابي اشتري سيارة كاش ٥٠ الف او اقل ايش تنصحوني كأول سيارة لي مستعمل او جديد لقيت شيري سيدان بـ ٤٩ الف ؟...

16 إجابة 2,977 مشاهدات

السلام عليكم ، برأيكم ماهو أفضل زيت لسيارتي ، ثقيل ولا خفيف ، وماهي الشركة التي تنصحني بها ؟...

 

لعشاق الأخبار : هذا تطبيق يمكنك من خلاله مشاهدة كل القنوات   smile 

اضغط هنا لتحميله من المتجر


...