ايش تنصحوني السيراميك ولا البورسلان ؟

Question

عندي استفسار الان انا في مرحله التشطيبات اش تنصحوني افضل السراميك ولا البورسلان ؟
انا ودي اخذ بورسلان بس متخوف !
اللي عنده معرفه وتجربه مع البورسلان يقولي عليها ؟
واش افضل نوع الهندي او الاسباني وش افضل مصنع اخذها منه ؟

Answer 1

بشكل عام السيراميك ارخص بالسعر وبالتنفيذ . البورسلان أجمل وأقوى.
البورسلان / ارضيات :
١- ابتعد عن المستطيل الأفضل ٨٠×٨٠
٢- نفذ بطريقه صحيحه ( صبه وترش ثم غراء ) او ابتعد عن البورسلان  . خلطه لا
٣- الهندي تقوساته كثير .

Answer 2

السراميك للجدران والبورسلان للارضيات

Answer 3

البورسلان  افضل  بدون مقارنة ..

ويفضل يكون فل بدي .. او دبل لاير

Comments

طيب الله يسعدك ممكن تشرحين ايش يعني دبل لاير امس كنت بمحل وقال ماانصحك بالبورسلان لانه يتفكك حطي سيراميك احسن

تم التعليق عليه منذ 2 سنوات

بواسطة حمد

---

دبل لاير يعني توجد طبقتين من عجينة  البورسلان اعلى البلاطة وهذا يعطيها قوة وحماية من الخدوش وتغير اللون  

السيراميك ضعيف اي خدش فيه يضهر لون الطين الداخلي البني

تم التعليق عليه منذ 2 سنوات

بواسطة ضيف

Answer 4

توكل على الله وخذ بورسلان وأنصحك خذ سعودي مقاساته صحيحه ولا يوجد نسبة تقوس فيه وخيارات الألوان كثيرة.
ملاحظة: يوجد كذا مصنع .

Answer 5

اسباني افضل شي والخزف السعودي وإكسا وابيات في اليوتيوب الطريقه الصح لتركيب البورسلان لازم تكون علي أرض صلبه خرسانية وتركب بالغراء خذ معام ممتاز من نفس المحل الي تاخذ منه

Answer 6

نا مركب بورسلان هندي ومركبه باالاسمنت ماهو باالغرى والحمد لله اموره تمام
اهم شي المبلط يكون فهمان
والمبلط الي اشتغل عندي هندي
لكن له فتره طويله باالمنطقه

Answer 7

دورات المياه سيراميك قشره بورسلان
المداخل والصاله بورسلان هندي ممتاز
الحوش سيراميك خزف ولا اماراتي مقاس ١٢ ملم وفوق .
كلها ممتازه ولاتخسر نفسك لاسكنت بتعرف كلامي

Answer 8

البورسلان افضل و لاتاخذ اللمعه خذ المطفي الناعم و تركيبه يطبط الارضيه ويخليها من٤ إلى ٥ ايام مع الرش لمدة يومبن بعد ها يركب بغراء بورسلان ويترك في الأطراف ٠.٥ سم ويعبيه سيلكون علشان التمدد
السيراميك نفس الطريقه لكن بعد الطبطبه بيوم  ير كب البلاط بغراء بورسلان او سيراميك كلها تنفع

Answer 9

البورسلان الأسباني ممتاز ولكن لاتشتري اللماع أو الاملس...خذ المطفي أو الخشن تلقاه عند المحلات بيت السراميك والصفة إللي بعده طريق الخرج القديم...دورات المياه أكرمكم الله يكون أبيض مزخرف بخطوط رمادية الجدار املس ناعم والأرضية خشنة كذلك المطبخ...وإذا حبيت تسمع نصيحة الشباب وحّد

Answer 10

نصيحه مقاول السيراميك و التكسيه هما مظهر البيت وجماله لذا اتفرج على صور منفذه و قلدها كي تسلم لان الخطء يصعب تداركه ثانيا سيراميك الارضيات يجب ان يكون خشن الملمس حتى لا يزلق ثالثا هناك صور رائعه في الانترنت لكل ركن في البيت من حمامات او مطابخ او درج ومن جاء للتركيب اختبره اولا

Answer 11

البورسلان افضل بمراحل من السيراميك سطحه قاسي ومقاوم للكسر  والاخطاء المصنعيه والتقويس فيه قليله وابعاده مضبوطة  مافيها اختلاف ويوجد منه سماكات قوية للارضيات تصل الى(٢) ملل واسعاره الايام هذي طايحه مره خصوصا الخزف السعودي لكن احرص تاخذ زيادة امتار لو اضطريت تكسر للصيانه

Answer 12

بالطبع بورسلان لكن الاهم جودة المبلط عندك وطريقة تركيبه واشرط عليه عدم التطبيل وتوازن الخطوط وعدم التسنين وتركيب بالطريقه الصحيحه

Answer 13

البورسلان افضل
خذ البورسلان السعودي عندك الفنار والمستقبل وينبع
الهندي ابعد عنه
الاسباني غالي جدا لكن حسب ميزانيتك

Answer 14

البورسلان الصيني ممتاز وسعره بين الهندي والاسباني ولاتقرب الهندي يتمخش مع الوقت والاسباني زين لكن سعره مبالغ فيه

Answer 15

البورسلان افضل وتجنب الهندي .. اهون علي الصيني ولا الهندي ,, طبعاً الاسباني توب التوب

Answer 16

البورسلان اقوى واجمل واغلى لكن لازم ولابد ان يركب على صبه بالغراء الخالص غراء بورسلان ولا تسمع لاي باكستاني او بنقالي يقول لك غير ذا الكلام وتقدر تتواصل مع الشركه المورده له وتتأكد

Answer 17

ركب بورسلان صيني حبه كبير حليبي نصف لمعة،نصيحةلا تركبه بالغرا خاصة اذا تستخدم مطهرات وكلور للارضيه ينفك بعد فترة،ركبه اسمنت اهم شي المبلط عندالتركيب يوزنة ومايخلي ذرةهواء او حصا تحته مع فواصل ١مل وعبي الفواصل اسمنت ابيض يجيبك ٥٠سنة،يحتاج كل بضع سنوات تجددتلبينة للفراغات اذاحبيت