ماهي مميزات وعيوب البورسلان و السيراميك ؟

Question

في بناء منزلي هل استخدم السيرايمك أو البورسلان ، ماهي مميزات وعيوب كل نوع ؟

Answer 1

عيوب البورسلان:
1- مشكله على الأطفال وكبار السن
2- سهل الإنزلاق وأيضا مضر للعظام
3- لا يركب على اسمنت مطلقاً لازم من غراء مخصص له
4- لا يسلم البورسلان من الطقطقة
5- بارد جداً في البرد ومع المكيفات
نصيحتي :
ركب سيراميك عادي وافرش كامل المنزل موكيت إلا المداخل مدات أرضيه

Answer 2

البورسلان الاسباني افضلها جوده .. ولكن انتبه لشغله مهمه .. يجب ان تكون كل الامتار اللى راح تاخذها من كونتينر واحد واقصد ان بعض الطلبيات ماتكون بنفس اللون تقريباً فيه اختلاف بشكل بسيط .. وتركيب البورسلان مايكون بالخلطه انتبه ودور على معلم ممتاز ولو كان سعره زياده مايهم .. بالتوفيق

Answer 3

البورسلان افضل بشرط طبطة وبعدها يتم التركيب بالغراء ومعلم ممتاز اما السراميك فهو الأفضل والأرخص إذا كنت تحط فرش او غيره

Answer 4

السيراميك ممتاز جداً … كان مركب عندي بالبيت بورسلان و فترة و طلع و ركبت سيراميك فممتاز …. كلما زاد كبر البلاطه كان اجمل و لكن بالمقابل مع كبر البلاطة اكبر نسبة الخطاء لانه يدخل الهواء بين الصبة و ترشح مع الوقت و ادخل ندوة مثل ما صار عندي و بعدها فتره يبداء يطقطق حتى يطلع

Answer 5

الافضل السراميك لانه مافيه برادة حديد
برادة الحديد تتمدد في وقت الصيف وتنكمش في الشتاء
وهذا من اهم اسباب التي تجعل البرسلان يتفكك

Answer 6

اذا أنت مركب بلك عازل

ماأنصحك تركب جدران بورسلان أو غيره

لانه يقتل وظيفة العزل وبالبرد البيت يصير ثلوج ويمرضون أهل البيت

Answer 7

البرسلان فك في بيت أمي وبيوت اخواني وجيرانا اغلبهم فك في بيوتهم ، لازم لما تركبه تحط الغرا الخاص فيه وهالشيء مكلف مادياً اغلب الناس يحطون اسمنت ويفك عليهم من الحر

Answer 8

لبورسلان الكل يقول عنه ممتاز ولكن البرسلان يختلف من منطقه الى منطقه أخرى المناطق الرطبه كون ان الحديد في البرسلان أعلا نسبياً فلا ينصح به في المناطق التي يوجد بها رطوبه بل السيراميك نخب واحد هو الأفضل اذا المنطقه بارده ودرجة الحرارة فيها مناسبه فلا مانع من البرسلان

Answer 9

البورسلان ، عندك الصيني رخيص ومناسب وايضا الهندي ، الاسباني ممكن نستخدمه في المجالس او المداخل فقط لانه مكلف

Answer 10

اذا تبي بورسلان ماتفرق وطني اواسباني اوهندي او او او
ركز انه يكون نخب اول  والاهم من هذا المعلم الي حيركبه
اختار المعلم بعنايه

Answer 11

لهندي ممتاز نخب اول اهم شي لانه يجي فيه تقوس بسيط
الاسباني ممتاز جدا بس غالي
كذالك الصينه ممتاز بمستوا الاسباني وبرضو غالي

Answer 12

غرف النوم والصالات الداخلية سيراميك
الاستقبال وغرف الضيوف بورسلان لكن له طريقة معينة في التركيب اسأل عنها والاسباني أفضل في المقاسات واستقامة القطع
دون انحناء لأنها من أسباب طلوعة بعدين

Answer 13

البورسلان الهندي و السعودي و الصيني  كلها سيراميك فقط بقص ليزر و سطح معالج ليبدو كالبورسلان السويدي !   

يعني كله واحد في الجودة و الفارق في المظهر لصالح البورسلان ،،

Answer 14

اهم شيء لما تركب السيراميك او البورسلان لا تحط تحت رمل خله اسمنت علشان ما يتكسر
وتجلس تعدل ويشغلك النمل

Answer 15

رخام للمداخل والمجالس والصالات والممرات ، باقي البيت حمامات سيراميك وبورسلان مزج يكون ممتاز ، غرف نوم سيراميك ويتركب فوقه باركيه ، بتدعي لي

Answer 16

إبتعد عن السراميك
البورسلان أغلى والغراء برضه غالي ولكن ترتاح نفسيا.
جودة البورسلان وصلابته أفضل من السيراميك.
المهم تكون الأرضيات بورسلان

Answer 17

البورسلان مشكلته مو في صناعته مشكلته في طريقة تركيبه فقط

Answer 18

النصيحه انك تتجنب اللمعه في الارضيات لانها بتكون مزعجه مع الإنارة..بورسلان مطفي مايعكس الاضاءة