ماهو أفضل مكان لغرفة الغسيل ، الدور الارضي أو الدور الاول ؟

Question

أنا في مرحلة التصميم و محتار وين احط غرفة الغسيل ؟
 في الدور الارضي عند غرفة الخادمة أو في الدور الاول عند غرف النوم لسهولة توصل الملابس لها او في الملحق

Answer 1

حسب عندك خادمة أو لا ، لأنه صعبة على الزوجة تغسل في الدور الأرضي ثم تصعد الدرج طالعة رايحة ، عن نفسي أشوف الدور الأول مناسب لها جنب عرف وخزائن النوم ، وقريب من غرفة الكوي وغيره

Answer 2

الملحق عند غرفة الشغاله تنزلهم لغرف الملابس جاهزة من فوق عشان ما تنكتم تحت بين الجداران ويصير في رطوبه وغيرها

Answer 3

الدور الأول كخيار أول، ثم الملحق العلوي كخيار ثاني  واحذر تضعها في الملحق الخارجي برد وحر والنساء تخاف تطلع خارج الفلة.

Answer 4

في الدور الأرضي بعيد عن روائح الطبخ
او في دور الغرف بمعزل عن اجنحة الغرف عشان دخول الخادمة وصوت الغسالات
عيب السطح بيكون الغسيل بعيد عن عين ربة البيت وبعض العاملات ماعندهن امانة في التغسيل

Answer 5

عند غرفة العامله ، والجدران الفاصله بينهم لا تبنيها من بلك حط زجاج سكريت مع دورة المياه العامله المنزليه وحط جميع او بلك اصغر من 20 وحط سكاي لايت في غرفة الغسيل اذا هي في الارتداد

Answer 6

الافضل الدور الاول اللي فيه غرف النوم ولكن مايمنع انه يكون في غسالة في الدور الارضي لغسيل الاشياء المستعجله بدل مااطلع فوق وغسيل فوط ومستخدمات المطبخ

Answer 7

الدور الاول اللي فيه غرف النوم اكثر عمليه من الادوار الاخرى.. وتكون غرفه غسيل واسعه و فيها دواليب تنظيم. تخزين و مغسله للغسيل اليدوي و مكان للكوي

Answer 8

الطبيعي ان تكون غرفة الغسيل في الدول الارضي - منطقة الخدمات - اما مايكون في عاملة في المنزل صعب الركبة والنزلة حتي لو كان المنزل فيه مصعد - مثال : يااما اقعد فوق او تبعد العاملة فوق عشان غسل وتنشيف وكواي وطواي او تقعد تحت عشان اخلص امور المنزل في الطابق الرضي او تضل راكبة نازلة غير عملية واعرف واجد ناس سووها وتعبى منها

Answer 9

في الطابق الي فيه الغرف ماله داعي تنزل الملابس تحت او تطلع فوق .. بس يحتاج مكان مهيأ ومسكر عن الازعاج

Answer 10

عمليا يكون في دور غرف النوم وبالنسبة للازعاج لا بد من عمل كنترول على أوقات الغسيل ومثل ما قال الأخوان والأخوات تعليم الابناء على الاعتماد على أنفسهم

Answer 11

في طابق غرف النوم اقرب لوضع الغسيل وتوزيعه لاحقا على الغرف .. ولان احنا نستخدم المجففه غالبا لكوي بعض انواع الملابس
واهم شي حطيت فيها مغسلة و وحدات تخزين متنوعه وطاولة الكوي

Answer 12

جنب المطبخ عشان الشغل يكون واحد في مكان واحد واذا كان فيه خادمه برضه ماتكون طالعه نازله على غرف النوم يكون فيه سله لجمع الملابس في دور غرف النوم وفي اليوم الثاني تنزل تحت في غرفه الغسيل وتطلع السله فاضيه مره وحده في اليوم

Answer 13

دور غرف النوم وعن نفسي خليتها بالدور الارضي لانه بناتي في الشقة عقدوني من كثر مااسمع صوت الغسالة والمجففه قلت اخليها في الارضي ولاارجع للازعاج

Answer 14

حفاظاً على المبنى من الماء"رغم العزل"...

يفضل في الدور الأرضي

Answer 15

الغسيل في الأرضي
غرفة الخادمة في الملحق

Answer 16

الملحق ،، منشان لو حبيت اجفف الملابس مع ضوء الشمس يكون اقرب . ولا فيه ريحة طبخ ولا شيء للي يحطوها بالمطبخ ابداً ماانصح ،، وفي الملحق يكون اقرب للغرف النوم

Answer 17

انا عن تجربه افضل بالدور الارضي مع غرفه العامله ابد ماينفع في الدور الثالث هذا الشي الوحيد الي ندمت عليه ببيتي ومستقبلا افكر ادخل الارتداد الي وراء البيت عشان اسوي الغرفه للغسيل مع غرفه العامله

Answer 18

غرفة الغسيل لازم تكون فالدور الأرضي قريبه من جميع الخدمات مثل المطبخ وغرفة الخادمه عشان الخصوصيه لأهل البيت فالدور الاول

Answer 19

في بيتنا خليناها في الدور الثالث مع غرفة العاملة - عشان الصوت .. و مع وجود المصعد ما بيكون في تعب على العاملة انها تركبهم و تنزلهم للغرف في الدور الثاني

Answer 20

الدور الاول لان الغرف في الدار الاول واسهل حق التوزيع