ماهو حل مشكلة مكيف السوناتا ؟

Question

المكيف عندنا تكون السيارة تتحرك يطلع هواء بارد ، لكن المشكلة اذا وقفت والسيارة شغالة تروح البرودة ويصير يطلع هواء حار ؟ ماهو الحل وأين المشكلة ؟

سمعت هذا عام في سيارات سوناتا الموديلات الأخيرة .. مادري ماهي تجاربكم واقتراحاتكم للحل ؟

Answer 1

مهما عملت من حلول وغيرت حساس ونظفت الى بكره انت قاعد تستنزف فلوسك، هذي مشكلة بالهيونداي في الكمبرسر، والحل الجذري ترهيم واحد غير حق المصنع "الاغلب يرهم حق موديل 2009" عملي وبارد ولكن من سلبياته ممكن ياثر ع العزم شوي، لكن النتيجة مرضية

Answer 2

انا معي سوناتا ٢٠١٦ فل كامل ونفس طريقتك بالظبط والمكيف مايبرد ابداً وهي جديده ووكاله فك الفلتر حق المكيف اللي فالدرج حق الراكب اسحبه بس وشغل المكيف واذا ماثلجت بعز القايله وهي واقفه كلمني ومايضرها بأذن الله قفل الهوايه اهم شي لاتشغلها ابد

Answer 3

لا لا لا.... مروحه السياره المشكله فيها اول شي شيك على الفيش تلاقيه تحت الهوايه اذا فيه حرق غيره... واذا لا غير الدينمو الاصلي ماركه هاهنون 160 ريال وبس ذي مشكلتك..... طبعا اذا السياره وكاله ماقد فكيت او غيرت كمبروسر

Answer 4

اتوقع المشكلة ذي في السيارات الي فيها حساس وماهي موجودة في السيارات الي فيها كلتش

Answer 5

افضل شي تفحصها
 أنا معي سوناتا وكل سنه اغير الفريون لأنه له تاريخ صلاحيه وينتهي وتقل برودته واذا حطيت الجديد يرجع بارد ثلج وفي لي صاحبي السوناتا حقته دقت في رصيف وكان مشكلته بس رديتر المكيف وغيره بجديد وضبط معه وكل واحد لازم يفحص واذا سوى الفحص خل عينك على الساعه والسليم من٤٠-٤٥

Answer 6

عن تجربه
 أول حاجه شوف الفريون اذا كان ناقص عب وجرب
واذا كان الفريون مو ناقص معناته عندك الكمبرسر ضعيف يحتاج إلى تغير ولا تغير الحساس لأنك ماراح تستفيد غير تخسر بيبرد معك فتره ويرجع يخرب الحساس
مافي حل غير تغير كمبرسر عن تجربه صارت معي

Answer 7

رح لشخص متخصص في مكيف السيارات وخله يفحص لك عن طريق الثلاجة بعد مايفرغ الفريون عشان يتأكد هل فيه تنسيم في الثلاجة أو الليات واذا تأكد مافيه شيء اعلم ان المشكلة عندك في الكومبرسر وطبعا تغير معاه الرديتر حق المكيف وأهم شيء التنظيف الجيد قبل مايركب الجديد

Answer 8

نفس المشكله عندي سنتافي 2012 اذا مشيت يبرد وإذا وقفت جهتةالسواق حار شوي والراكب بارد.رحت كل واحد يعطيك من رأسه ..وعندي كورلا 2002 صار حار المكيف فجأة رحت الصناعية قالو غير كومبرسور ونا توني أخذته قبل سنه تقريبا فمادري وش الحل

Answer 9

صارت معي وطلع نقص في الفريون رغم اني معبيه خلال ثلاث اسابيع ونقص لأن فيه تهريب اكشف ع المواصير والليات والثلاجة ، وذ تبي تعرف ان المكيف ناقص الجهة اليمين تبرد اكثر من الفتحتين اليسار في جهة السائق

Answer 10

عندي سيراتو 2016 كانت نفس الشي رحت لبترومين عندهم جهاز للفريون اكتروني
غير الفريون و الزيت حق ما ادري ايش بدون تدخل عامل و لا شي بعد ما يحدد نوع السياره على الجهاز و من بعدها الحمدلله ضبط معي الان لي سنه

Answer 11

أنا سيارتي ألتيما موديل ٢٠١٨ عندي مشكلة بخصوص المكيف في النهار التبريد مو ذاك الزود بينما في الليل بارد ودي أعرف بالضبط وين المشكلة رحت يمكن ٣ ورش تقريبا يقولي الكمبروسر يحتاج تغيره أحس انهم نصابين ودي أعرف ورشة ناس فاهمة وصادقين

Answer 12

حياك الله، المشكلة بالعادة تكون بحساس الكمبريسور .. إذا تقدر تجيب كمبريسور سوناتا 2009 أو 2010 كلتش رح ترتاح من المشكلة .. وفيه نوعيات ماليزي حلصتها بالخرج نوعيتها ممتازة وما اشتكيت منها عند واحد لبناني اسمه عمار بصناعية الخرج شارع رقم 3.. بس قبل لا تضطر تغير تأكد من ثلاجة المكيف

Comments

نفس وضعي غيرت الحساس ولا تغير شيء بعد فترة غير كمبرسر وراديتر وطلهت الوضع نفسه قالي غير بلف الثلاجه بعدها قلبت السياره ثلاجه تبارك الرحمن
محدثك معاه كيا ريو ١٦ طلع المشكله في بلف سعره ٨٠ ريال
المهم اذا كشف على الكمبرسر وقالك ضغطه ضعيف غيره روح غير بلف الثلاجه يكون السسته معلقه

تم التعليق عليه منذ 9 شهور

بواسطة ضيف

Answer 13

الكمبرسرر ضغطه ضعيف اذا كانت واقفه واذا اسرعت زاد الضغط وبرد المكيف
غير الكمبرسر مع الراديتر ويضبط لان هـذا الحل المناسب لانه عيب بالكوري كله

Answer 14

المشكلة الله يسلمك الكومبريسر إلكتروني في قطعه كنترول فلفل (حساس) في حال وقف السيارة ترتفع حرارته ويفصل
المهم الحل الافضل بدل كومبريسر سوناتا ٢٠٠٩ او اقدم وراح تدعي لي

Answer 15

اساساً مكيف السوناتا ضعيف خصوصاً والسياره واقفه عندك احتمالين شيك ع الفريون ونظف وحساس المكيف ورديتر المكيف وفلتر رديتر المكيف تحصله جوا الرديتر من تحت دايم يسبب نفس هذي المشكله والاحتمال الثاني الكمبرسر منتهي ويبيله تغيير في هذي الحاله عندك الدانسو كويس وسعره جيد

Comments

هذه مشكلة عامة لجميع سيارات الهونداي

حتى الجينيسيس يفصل مكيفها اذا وقفت السيارة

تم التعليق عليه منذ 9 شهور

بواسطة ضيف

---

عندي سوناتا 2015نفس المشكله لازم امشي او اكون داعس على البزين اما وهي واقفة او ماشي بشويش بالزحمة الهوا يجي عادي وحار  وشيكو ع الكمبروسر قالو انه ضعيف عندي وغيرت كمبروسر كوري + رديتر  وزبطت المشكله بعد تقريبا سنتين او سنتين ونص رجعت الان نفس المشكله . وافكر اغير كل شي وكالة واجرب

تم التعليق عليه منذ 9 شهور

بواسطة ضيف

Answer 16

مافيه شي اسمه زود فريون هذا عيب مصنعي في السيارات الكوريه غير الكمبرسر ورديتر المكيف ونظف الدائره كامله وفي حل يمكن يضبط معك غسل الشبك الامامي رح محل رديترات وخله يغسله بحيث يسمح بدخول الهواء ناس تضبط معهم وناس ماتنفع

Answer 17

عب الفريون مع ماده يحطونها يغير لون الفريون عشان يكشف التسريب وعبي الفريون بجهاز يضبط لك على قد السياره لان بعض الاحيان الزياده مهي زينه وبالاخير افحص الثلاجه فيه تقنيه بالكميره يستخدمونها لكشف التسريب ونصيحه لاتغير شي الا وانت فاحص شغل كل شي يتغير وهو زين منتشر بالورش

Answer 18

هذي باغلب السيارات لان الكومبرسر حساس ماهو كلتش يفصل عند الوقفه ، إذا مضايقك لازم تغير كمبرسر كلتش

Answer 19

احتمال تكون مروحة الكومبرسر خربانه، وتخلي الكومبرسر يسخن
غيرها لو فيها خراب واضح، لأنها أرخص، وجرب لو لسى المكيف حار
غالبا تحتا تغير الكومبرسر مع الرديتر صارت معي (لكزس) Denso شركه ممتازه واشوف الاخوان يتكلمون عن الحساس، ما اعرف عنه

Answer 20

سيارتي سنتافي 2014 ونفس المشكلة نظفت الحساس وركبت حساس وكلفني 750 ولا تغير شيء غيرت الكمبرسن وغيرت مروحة التبريد الاديتر اللمكيف وضبط معي ومع سياره ثانيه مازدا 2009