بنات شعري يتساقط بشكل مو طبيعي ؟

Question

يا بنات شعري يطيح بشكل مو طبيعي وصارت فروة راسي واضحه واحس ببكي اعطوني شي يرجعه زي قبل ؟

Answer 1

شيكي على الفيتامينات واذا الحديد و ب١٢ عندك ناقص خذي فيروجلوبين جربنه خواتي مره خيال بس انا خفت اجربه لانه ينفخك نفخ يفتح الشهيه

Answer 2

أول شيء حللي الفيتامينات وشوفي وش ناقصك وخذي الفيتامينات اللي ناقصتك وترا في فترة مابعد البلوغ يعني الثانوي كذا عند أغلب البنات يلاحظون تساقط قوووي ممكن تكونين بذا الفترة انا كنت كذا يطيح مره

Comments

لا ماني ب ذي الفتره لكن شكلي لازم احلل لان الوضع خرج عن السيطره

تم التعليق عليه منذ 2 سنوات

بواسطة محتاره

Answer 3

خذي حديد علبة من الصيدلية واستخدميه وشوفي تحسن ولا لا

Comments

مايصلح كذا لازم وصفه طبيه

تم التعليق عليه منذ 2 سنوات

بواسطة ميمي

---

إذا في أعراض ما يحتاج، تاخذه شهر فقط بعدها تقدر تحلل، كذلك فيتامين د نفس الشي

تم التعليق عليه منذ 2 سنوات

بواسطة ضيف

---

ماتدرين ممكن عندها مشكله ثانيه مو فالحديد ولا فالفتمينات فالأفضل تحلل وماتاخذ شي كذا ع عماها

تم التعليق عليه منذ 2 سنوات

بواسطة ميمي

Answer 4

انا شعري كان طويل وعزير فجئه يطيح بشكل يخوف وقصيته سويت تحليل طلع معي نقص حديد قوي واستخدمت حبوب الحديد مركزه و عصير الجمال الي هو شمندر والبرتقال وتفاح لازم اشربه بعد الحبوب عشان يمتص وشهر فرققق معي مره وشعري الان راجع زي قبل طويل وحلو

Answer 5

حللي الحديد و مخزون الحديد
أمي كانت كذا كان ناقص عندها مره و صرفو لها حبوب و الحمدلله تحسن شعرها +صارت تهتم فيه زيت و حنا و سدر و تاكل فواكه و خصروات اكثر
واهتمت بنفسها و الحمدلله مرره تحسن شعرها
ف حللي و ان شاء الله تلقين حل ^ترى امي بانت النتيجه بعد سنه ونص يبغا لك صبر

Answer 6

اتركي السكر يوقف التساقط

Answer 7

جربي :

- حللي عن خمول الغدة الدرقية هي المسبب الاول للتساقط
- ممكن نقص حديد حللي

Answer 8

نفس مشكلتي شعري كان كثير وطويل وصحي ماشاءالله الحين يطيح خايفه مره

Answer 9

أول شي سوي هذي التحاليل بعدين ابدي اهتمي اهم شي من داخل