ماهو أفضل وأرخص محل في الرياض أدوات صحية وأفياش ؟

Question

انا وصلت مرحلة تركيب الافياش و الادوات الصحية للحمامات ، وين افضل  وأرخص محل في الرياض للشراء ؟

Answer 1

الأمور هذي مافيها أرخص ..
روح للفنار ، وأحفظ فواتيرك
جودتهم يتكلم عنها السوق
وضمان يصل ل ٢٠ عام

Answer 2

مشكاتي للكهرباء... لديهم جوده واسعارهم مناسبة.
رواد اليرموك للسباكة... لديهم خيارات و أيضا يشيرون عليك بالأفضل..
جميعهم في طريق خالد بن الوليد
قريبين من بعض ولا يمنع المقارنه مع غيرهم

Answer 3

والله يخيي أنا ركبت الفنار .. بغض النظر عن جودتها إلا أن ضمانها وصل إلى 25 سنة ، لو يخرب فيش أو مفتاح أتصل عليهم ويجون في أقل من 24 ساعة ريّحوني الله يريحهم .
ما أشيل هم إذا سافرت ، ألووو ، نعم ، عندي فيش خربان ، أرسل الموقع ، ترسل الموقع ... تراني عند الباب .. بالفعل راحة .

Answer 4

انا مأخذ الفنار لها الان ٩ سنين ماشاء الله ماخرب شي اما فيما يخص السباكه انصحك بمخرج ١٧ او اذا دراهمك واجد قروهي الأصلي السوق مليان مقلد طبعا عندك الثريات وغيرها شارع الامير عبدالمحسن وعندك محلات بطريق الخرج  اما شارع الظهران انحش عنه غااااااالي شارع الظهران ينفع لغرض بسبط فقط.

Answer 5

عندي النوعيه MZ لها سنتين في بيتي شكل جميل وسعرها مناسب جدا انصحك فيها الفنار غالي وشكل عادي وازرار صغيرة
والله يتمم لك على خير .

Answer 6

انا مقدم علي طبلون من شركه الكهربا ولي 6شهور محاني مندوب وكلمتهم قالو عندك ملاحضات  يقول الجرجور  ويش هو الجرجور وهل فيه مشكله سبب تاخرهم   ويش المطلوب لجل يعطوني طبلون

Comments

بالنسبه لازم يكون عنك جرجورين  واحد للدور الاول والثاني للدور الثاني متصلات داخل المنزل بالطبلونين  الداخليين للدور الاول والثاني ومليس عليهن والجرجورين ممتدات من داخل البيت مدفونات تحت الارض مرور بالحوش الي السور الخارجي ومليس عليهن وظاهرات في الفريم الخشبي الخارجي للطبلون برا

تم التعليق عليه منذ 1 سنة

بواسطة ريان

Answer 7

افياش ولمبات الفا حتى الطبلون الداخلي الترا  لي ١٣ سنه تمام مافيها مشاكل

والصيانه بالتلفون يجونك

والادوات الصحيه عندي الخزف والخلاطات هسنات المانيه
كلها عمليه

Answer 8

مخرج17 محلات الجملة
وانت متجة ل 17 اول اشارة يسار ثم انزل من عند المحلات يمين داخل محلات كثيرة

Comments

مخرج ١٧
فيه خيارات متعددة واسعار منافسه جداً ..

تم التعليق عليه منذ 1 سنة

بواسطة ضيف

---

الافياش اخذ الاصليه واللي عليها ضمان واتفق مع صاحب المحل اذا كان عندك زيادة ترجعها وتاخذ فلوسك

تم التعليق عليه منذ 1 سنة

بواسطة ضيف

---

محلات مخرج ١٧ كثر الهم على القلب. وأسعار متفاوته.

تم التعليق عليه منذ 1 سنة

بواسطة سالم

Answer 9

ولاترخص اي شي جوده انت خلاص بتقفل البيبان حط اللي يكون لك عمر وحتى لو ماقدرت اجل بعض الاماكن لما تتوفر ميزانيه

Answer 10

محل السعيد  للكهرباء في شارع الامير عبدالمحسن  بن عبدالعزيز  الضمان 25 سنة  عنده خيارات والوان

Answer 11

مراحيض ومغاسل كراتا. من الدوسري. غاليه بس ركب ونسي صناعه تايلنديه

Comments

والله هذا الكلام الصحيح

تم التعليق عليه منذ 1 سنة

بواسطة يزن

Answer 12

نصيحة لوجه الله الكهرباء والسباكة لا تدور رخيص دور افضل شىء على شان ترتاح

Answer 13

عندك القفاري لكن الرياض مليان والقصيم مليان
البلا والجلا والغلا بالشرقية واذا اخذت من البحرين جمرروك اهل الجمارك

Answer 14

الجوده كلهم عليهم ضمان 25 سنه واذا انت في الرياض شوف مخرج 17 الكل ياخذ منهم وارخص اقل حاجه في الفيش 10 ريال الاسلاك والكيابل وعلب التركيب انصحك بالفنار

Answer 15

بالنسبه للكهرباء و الافياش عندك الملز طريق الامير عبدالمحسن لا تتعداه (شارع الكهرباء). اما اغراض السباكة في مجمع المحلات في مخرج 17 ابداء بالمحلات على امتداد طريق النهضه مثل محل مصادر البناء واللى بجانبه ثم ادخل للمحلات خلفهم وفيه مربع صغير لاعمال الكهرباء لكن ماهو مثل الملز .

Answer 16

الملز شارع الملك عبدالله سابقا اكتب السويدان للكهرب بالملز ويطلع او شارع الاناره بالملز ولا تاخذ بكلام اي شخص وادخل فيها تسوق واسال بعدها قرر الادوات الصحيه في مخرج 17 ولكن انا اخذت من العمران اللي بالامام مسلم بالشفا وبصراحه منتج ممتاز لدرجه العامل يقول هذا ماتحصل محلات وبضمان

Comments

شارع الكهرباء في الملز  للافياش واللمبات

وشارع الظهران في الملز الأدوات الصحية

تم التعليق عليه منذ 1 سنة

بواسطة حمد

Answer 17

الكهرباء الفنار جوده وسعر والصحيه قروهي والمغاسل رخام صناعي افضل لك من الطبيعي صعب تشكيله اما مغاسل جاهزه مخرج 17 مع مرايات