ساعدوني ما هي أفضل كابلات كهرباء ؟

Question

السلم عليكم ، ماهي أفضل نوع كابلات كهرباء لتوصيلها للمنزل من العداد ، وكم ملم ٣٥ أو غيره ، ماهي تجاربكم ؟

كيابل تكون موجودة بالسوق ، لا أريد كابلات غير موجودة بالسوق .. وتكون قوية ومجربة وتحتمل ضغط الكهرباء

Answer 1

كيبلات الرياض عن تجربه أما كيبلات الفنار ما جربتها ولكن اسلاكهم  من اجود الاسلاك في السوق

كلها ممتازة
شف الي أوفر لك
شركتين وطنيتين كفو

Answer 2

أهم شي خذ 35 لسبب التسخين

Answer 3

من تجربتي كيابل الرياض الافضل

سألت والكل نصحني فيها

Answer 4

كيبلات الرياض افضل شيء
35 يتحمل 100 امبير

Answer 5

أفضل شيء كابلات الرياض واذا انت في الرياض رح الغرابي سوق الكهرباء محل اسمه العليان افضل سعرة تلقاه عنده وتجنب محل الموسى تراه غالي

Answer 6

نصيحة لاتضع أسلاك منفردة في ماسورة تحت الأرض للتوصيل بين عداد الكهرباء و الطبلونات .. و إنما ضع كابل مخصص للدفن تحت الأرض و لاتجعله في ماسورةالا تحت المبنى وجدار لوحة العداد فقط أما سيره في الحوش بدون ماسورة وعلى عمق متر او اكثر و اربطه بنقاط الأرضي في كلا الجهتين

Answer 7

نصيحتي لك ركب الكابلات السعودية 50 مل

اذا عندك 8 مكيفات لو اشتغلت بوقت واحد بيسخن الكيبل

Answer 8

الكهربائي يقول ركب 25 مل ما فيه مشكلة
وأنا اشوفها ضعيفة خصوصاً الكيبلات الحديثة
الأن نحاسها أعتقد ماهو مثل القديم في الجودة .

ودي أوصول للشقتين الأرضية الأن فقط كل واحدة
تحتاج تقريباً 30 متر من العداد للطبلون
والطبلون ألترا 200 أمبير 24 خط .

Comments

الله يسلمك الكهربائي يقلك 25 مل لأنه سهل التركيب بكثير عن 35مل
المسافة بين الشقة والطبلون توثر كثير في مقاس السلك الذي يجب تركيبه ..
وتقول انها 30 متر اذا لازم تكون 35مل ...

لأن مقاومة السلك للكهرباء = نوعية المعدن (النحاس) * طول السلك ( تقسيم )مساحة المقطع

اذا يجب ان تزيد مساحة المقطع الى 35مل لأن السلك طويل لتقل مقاومة السلك للكهرباء


اكلمك من خبره وعلم
انا مهندس وحينما بنيت بيتي عملت بيدي كل الكهرباء والسباكة في بيتي وكان شىء جميل وفخر لنفسي ..

تم التعليق عليه منذ 3 سنوات

بواسطة فارس

Answer 9

الكيابل الرئيسيه لازم تتحمل تيار عالي اما الكيابل الفرعيه زي اللي تجي توصيله بين طبلون ومكيف ولا حقت اللمبات بصراحة ما تستاهل تخسر فلوسك عليها لأنها ما تحتاج ل 35 !

Answer 10

حسب قوه العداد اذا 60 امبير 35
اذا 100 امبير 50
اذا اكثر من 100 امبير 75
لاانصح ب 25 بيكون ضعيف
هذا مالدي

Answer 11

أنا ركبت لبيتي كيبل الرياض سعر المتر 50 ريال
والطبلون ( العداد ) 100 أمبير

Answer 12

35 ملم انا مشغل عليه مصنع يوصل 400 كيلو ولله الحمد
ركب 25 ملم يكفيك
بتركب 35 ملم ماهو ذاك الفرق وتوكل على الله

Answer 13

الافضل كابلات الرياض

وأنا مركبها

Answer 14

شوف .. كابلات الرياض من قراءتي للناس في النت ومن تجربتي وانا اخترتها لبيتي
بالنسبة للكهربائي لا تسمع كلامه .. هو يبي الاسهل عليه
شاور غيره

Answer 15

كيبلات الرياض افضل شيء ، وأنا استخدمتها ، ونصحوني بها ، وتلقاها متوفرة عند أغلب محلات الكهرباء