اطرح سؤالاً
السلم عليكم ، ماهي أفضل نوع كابلات كهرباء لتوصيلها للمنزل من العداد ، وكم ملم ٣٥ أو غيره ، ماهي تجاربكم ؟

كيابل تكون موجودة بالسوق ، لا أريد كابلات غير موجودة بالسوق .. وتكون قوية ومجربة وتحتمل ضغط الكهرباء

إجابتك

أحب الناس إلى الله أنفعهم للناس ، هذا الموقع قائم على التعاون ، شارك واكتب رأيك ليستفيد منه الاخرون

اسمك الذي سيظهر (اختياري):
نحن نحرص على خصوصيتك: هذا العنوان البريدي لن يتم استخدامه لغير إرسال التنبيهات.

15 إجابة

 
أفضل إجابة
كيبلات الرياض عن تجربه أما كيبلات الفنار ما جربتها ولكن اسلاكهم  من اجود الاسلاك في السوق

كلها ممتازة
شف الي أوفر لك
شركتين وطنيتين كفو
أهم شي خذ 35 لسبب التسخين
من تجربتي كيابل الرياض الافضل

سألت والكل نصحني فيها
كيبلات الرياض افضل شيء
35 يتحمل 100 امبير
أفضل شيء كابلات الرياض واذا انت في الرياض رح الغرابي سوق الكهرباء محل اسمه العليان افضل سعرة تلقاه عنده وتجنب محل الموسى تراه غالي
نصيحة لاتضع أسلاك منفردة في ماسورة تحت الأرض للتوصيل بين عداد الكهرباء و الطبلونات .. و إنما ضع كابل مخصص للدفن تحت الأرض و لاتجعله في ماسورةالا تحت المبنى وجدار لوحة العداد فقط أما سيره في الحوش بدون ماسورة وعلى عمق متر او اكثر و اربطه بنقاط الأرضي في كلا الجهتين
نصيحتي لك ركب الكابلات السعودية 50 مل

اذا عندك 8 مكيفات لو اشتغلت بوقت واحد بيسخن الكيبل
الكهربائي يقول ركب 25 مل ما فيه مشكلة
وأنا اشوفها ضعيفة خصوصاً الكيبلات الحديثة
الأن نحاسها أعتقد ماهو مثل القديم في الجودة .

ودي أوصول للشقتين الأرضية الأن فقط كل واحدة
تحتاج تقريباً 30 متر من العداد للطبلون
والطبلون ألترا 200 أمبير 24 خط .
الله يسلمك الكهربائي يقلك 25 مل لأنه سهل التركيب بكثير عن 35مل
المسافة بين الشقة والطبلون توثر كثير في مقاس السلك الذي يجب تركيبه ..
وتقول انها 30 متر اذا لازم تكون 35مل ...

لأن مقاومة السلك للكهرباء = نوعية المعدن (النحاس) * طول السلك ( تقسيم )مساحة المقطع

اذا يجب ان تزيد مساحة المقطع الى 35مل لأن السلك طويل لتقل مقاومة السلك للكهرباء


اكلمك من خبره وعلم
انا مهندس وحينما بنيت بيتي عملت بيدي كل الكهرباء والسباكة في بيتي وكان شىء جميل وفخر لنفسي ..
الكيابل الرئيسيه لازم تتحمل تيار عالي اما الكيابل الفرعيه زي اللي تجي توصيله بين طبلون ومكيف ولا حقت اللمبات بصراحة ما تستاهل تخسر فلوسك عليها لأنها ما تحتاج ل 35 !
حسب قوه العداد اذا 60 امبير 35
اذا 100 امبير 50
اذا اكثر من 100 امبير 75
لاانصح ب 25 بيكون ضعيف
هذا مالدي
أنا ركبت لبيتي كيبل الرياض سعر المتر 50 ريال
والطبلون ( العداد ) 100 أمبير
35 ملم انا مشغل عليه مصنع يوصل 400 كيلو ولله الحمد
ركب 25 ملم يكفيك
بتركب 35 ملم ماهو ذاك الفرق وتوكل على الله
الافضل كابلات الرياض

وأنا مركبها
شوف .. كابلات الرياض من قراءتي للناس في النت ومن تجربتي وانا اخترتها لبيتي
بالنسبة للكهربائي لا تسمع كلامه .. هو يبي الاسهل عليه
شاور غيره
كيبلات الرياض افضل شيء ، وأنا استخدمتها ، ونصحوني بها ، وتلقاها متوفرة عند أغلب محلات الكهرباء

اسئلة متعلقة

2 إجابة 131 مشاهدات

السلام عليكم ، ماهي أفضل أسلاك كهرباء لتمديد الأسلاك في المنزل الجديد ، من حيث نوعها واسم الشركة محتار فشاركوني التجربة ؟...

17 إجابة 3,530 مشاهدات

بشتري طبلون كهرباء ومحتار ، فيه نظام أمريكي وفيه نظام أوروبي وشركات كثيره ، ماهي تجربتكم...

8 إجابة 18 مشاهدات

انا خلصت اللياسة وابي اقدم ع عداد هل لازم من مكتب هندسي ولا عادي اقدم انا من نفسي ؟...

12 إجابة 345 مشاهدات

سؤالي لكم احبتي ماه أفضل شركة لقواطع الكهرباء الداخليه للمنزل الخاص ؟...

 

لعشاق الأخبار : هذا تطبيق يمكنك من خلاله مشاهدة كل القنوات   smile 

اضغط هنا لتحميله من المتجر


...