ممكن مقارنة بين السيرامك والبورسلان أيهم أفضل ؟

Question

ناس تمدح السيراميك وتقول يوجد سيراميك رخيص بدل البورسلان الغالي ، وناس تقول البورسلان أفضل بمراحل ركبه ؟

أنتم ما رأيكم أيهم أفضل إذا قارنا السيراميك بالبورسلان من كل النواحي ؟

Answer 1

بما انك في مرحلة التشطيبات ضروري جدا تعرف ان البورسلان ما تمسك بالخلطه و الاسمنت ضروري جدا تركبها بالغراء

لو تركبها بالاسمنت بعد سنه او اقل تبداء تتفكك من مكانها وما تمسك

اما تركب سيراميك مقاسات كبيره تشبه البورسلان او تحط اسمنت و صبه على كامل الارضيه و فوقها بورسلان بالغراء

Answer 2

البرسلان الهندي وافي وكافي اذا ميزانيتك وسط جدا جميل ومافيه فرق كثير بينه وبين الاسباني

Answer 3

البورسلان افضل من السيراميك ع الاطلاق سعره 34+ ريال والاسباني افضلهم ،لكن اذا جدران ممكن السراميك الجديد (ارضيته تكون بيج شبيه بورسلان) هذا اوفر ماديا سعره 18+ريال لانه بعيد عن الاستخدام، والأرضية صالات ومجالس افضل تكون بورسلان مطفي تجنب الانزلاق سواء الواح او (30*60 ويركب افقي)

Answer 4

أنا ركبت بورسلان لكن للاسف التركيب لم يكن صح وابتلشت فيه واضطريت اشيله واركب سيراميك البورسلان ممتاز لكن وين اللي يركبه بالشكل الصحيح

Answer 5

البورسلان افضل ولا فيه مقارنة السيراميك خلاص انتهى صار من الماضي بالنسبة للبورسلان اذا وضعك المادي ممتاز انصحك بالاسباني اذا يفرق معك خلك على الانواع الثانية نسيت صناعتها ايش بس كلها زينه

Answer 6

لبورسلان افضل والسيراميك جيد انا مركبه عند في المحلق العلوي وامورة تماما البورسلان فيه انواع كثيره منها الاسباني والصيني والهندي انا مركب الصيني جيد بس لازم يكون نخب اول والاسباني ممتاز بس غالي

Answer 7

خذ بورسلان نخب اول
وابعد قدر الامكان عن الهندي لأنه ضعيف  يتمخش ويبهت بسرعة

خلك في الصيني والاسباني والسعودي

Answer 8

البرسلان الإسباني ممتاز جداً.
أهم شيء التركيب يكون صح ويكون لديك رسمة لتوزيعة البلاط.
وإذا بلاط أرضيات فالأفضل ما يكون البلاط لماع ولكن يكون مطفي أو لمعته بسيطه.
وخذ المقاسات الأكبر لكن تكلفتها أعلى.
ولا تنسى عمل الفواصل وعند أطراف الجدرا أترك أبو ١ سانتي ومن ثم غطيه بالوزرة.

Answer 9

خذ بورسلان الفنار افضل نوع اشوفه متره من ٧٠ الى ٩٠ تقريبا وفخم وقوي ومرتب شكله السيراميك في دورات المياه فقط اذا تبي ولا استخدم البورسلان  حق دورات مياه

Answer 10

بالنسبة للبورسلان لا تاخذ الهندي ولا السعودي ولا الاسباني اولا مقاستها ما هي كويسة وفيها تقوس بالاضافة الى ان الاسباني سعره غالي والهندي افضل منه ولكن الخيار الافضل بوسلان صيني جودة ومقاسات ولا يقارن ونصيحة لله ابتعد عن الاسباني ندفع فلوس كثيرة و اتوقع تلاقي الصني في المدى

Answer 11

البورسلان أفضل بكثير خصوصًا اذا فل بودي (عجينة موحدة) ولكن احذر تركب البورسلان مباشرة مع الخلطة ، الطريقة الصحيحة عمل خلطة لياسة للأرضية والمرحلة الثانية غراء بورسلان ، انصحك بمنتجات الفنار إكسا

Answer 12

والله لويرد فيني الزمن مااحط غير الرخام افضل شيء

Answer 13

البورسلان للغرف والصالات ويركب بغراء البورسلان والسيراميك للمطبخ ودورات المياه ويركب بغراء السيراميك كل نوع له غراء خاص سبب انه يطبب او ينخلع هو ان المبلط بعضهم مايعرف ان فيه غراء للبورسلان غير غراء السيراميك ولا يكثرون منه والبورسلان الهندي ممتاز والسيراميك خذ سعودي

Answer 14

اخوك على حسب فلوسك من المعروف اذا وصلت مرحلة التشطيب راح ثلثين الميزانيه المرصوده للبيت .. عموماً اذا امورك طيبه عليك مثل ما قال الاخوان بورسلان اسباني ولكن حط بالاعتبار التكلفه صبة ميزان و غراء .. اما اذا الميزانيه على قد الحال عليك بالسرميك النوع الجيد .

Answer 15

البورسلان الصيني عمره لا يتجاوز خمس سنوات ثم ينخلع .
جربته من المدى وخسرت فيه خسارة فادحة .
إياك أن تشتريه .

Comments

الاسباني سعره دبل السعودي
دورة المياه غرفتك واكثر وحده مستخدمه حطها اسباني
 والباقي اي نوع بس يكون لو موحد
والارض خله بورسلان واللي فوق سيراميك والسيراميك فيه اللوتن حلوه مره
 وجهة نظر
 اليلاط جماله راح يكون عادي ولكن اللي مبسوط الاي اختار لو ن يمشي معه  الاثاث ولا هو شخاميط

تم التعليق عليه منذ 1 سنة

بواسطة ياسر

---

الصيني في كل موديل يجي برسميين فقط يعني راح تكون النقشة او الرسمه مكررة و الصيني اقل جودة من حيث التقويس والعيوب المصنعية وتغيير لونه و اقل صلابة وبخصوص المقاسات ماهي عذر  يوجد اسباني بكل المقاسات وكذلك الصيني

تم التعليق عليه منذ 1 سنة

بواسطة ضيف