كفلت شخص بنك التنمية ولم يسدد ماهو الحل ؟

Question

أنا كفلت شخص قريبي ببنك التنمية ولا سدد قسطين والان يرسلون لي اسدد او يحسم من راتبي كيف اخذ حقي لو جحدني ولا سدد علما انه علي اقساط سيارة وبيت للبنك وشركة قرض شخصي والحين انا محتاره بوضعي ومغبونه لانهم ما عطوني وجه

Answer 1

على الكفيل السداد و يحق أن يرفع الكفيل دعوى رجوع على المكفول بطلب سداد المبالغ التي استحقت وحلت عليه وقام بسدادها عنه ولا يتم الحكم بالمبالغ المستقبلية التي لم يحل وقتها، ولذا يمكن الرجوع عليه بعد السداد برفع دعوى مطالبة الضامن للمضمون عنه لدى المحكمة العامة.

Answer 2

بعد ما تسددين بصفتك الكفيل وانتهاء القرض ، ترفعين دعوى ضد المكفول لدى المحكمة العامة { مطالبة كفيل } ، الله يعينك ويساعدك .

Answer 3

انا تدربت في بنك التنميه تدريب تعاوني تجينا مثل هالمشاكل الجواب هو لما يتعثر بالسداد يتحول الاستقطاع تلقائي لك يالكفيل ولاتقدر تشتكي لين ينتهى قسط القرض كامل بعد سنه سنتين بعضهم ٥ سنوات كحد اقصى الله يعينك

Answer 4

انا كفيل لشخصين ماسددو وعندي قرض مخلص ومازالو يستقطعون مني ومافيه حل مع بنك التنميه الا بعد سداد جميع الأقساط المتاخره واقفال القروض
فانصحكم يااخوان لو اخوك طلب كفاله تعذرو والله لي ٣ سنوات اسدد ٣ قروض والاطراف الثانيه ماكان الموضوع لهم لاكن حسبي الله ونعم الوكيل هذي اخرت الفزعة

Answer 5

نفس الأمر حصل لي عموما لاتدور حل من الاثنين:
١- مكفولك يسدد.
٢- إذا ما سدد فأنت ملزم بالسداد كاملًا.
بعد سدادك المبلغ ترفع عليه قضية في المحكمة باسترداد ما دفعته حيال كفالته وراح يتم استدعاءه وفي حين اقراره سيتم اتخاذ الإجراءات حيال ذلك.
راح ياخذ الموضوع منك كثير والله يعينك

Answer 6

الافضل تسديدي شهريا قبل يستقطعون من راتبك . وخليك واطبعي الايصالات الي تسددينها علشان ترجعين على المدين باي وقت ترغبين .
اذا استقطعو من راتبك راح ينقص اي قرض تاخذينه من البنوك .
واثناء التسديد كلميهم وافضحيهم 24 ولا يهمك احد .

Answer 7

ادامك كفلته فأنت المسؤول حيال ذلك وعند انتهاء القسط يمكنك الرجوع عليه

Answer 8

انتي ملزمة بالسداد ويمكنك الرجوع عن المكفول بدعوى مطالبة الكفيل لمكفوله وتطلبين ما دفعتي عنه لبنك التنمية.

Answer 9

اشوف انك تسددين المبلغ كامل وترفعين فيه من الحين

تاكدي هل هو موظف خاص
عنده سجل تجاري
اذا في شي يجبره من الحين قدمي

Answer 10

عجزنا وحنا نقول لاتكفل احد لو اخوك ابن امك وابوك ، اذا عندك فلوس افزع له ،، كفاله لا تكفل !! لأنك بكذا تخسره اولاً وتخسر فلوسك ثانياً .. وتشعر بالغبنه ان قعدت تسدد عنه .. يعني من كل جهه تتكالب عليك .. عموماً ماعنك وعن السداد فإذا انتهى السداد فارفعي عليه قضيه ..