مارأيكم مكيف جري gree ؟

Question

المكيف سمعته جيدة ، مع انه صيني ، لكن الصيني مثل مانتم عارفين درجات ، وسعره أغلى شوي من بعض المكيفات ، وجنرال غالي علي

مارأيكم مكيف جري ؟

Answer 1

من تجربة شخصية الجري جيد ولكن سعره مبالغ فيه مرة ولا يسوى ، لايوجد فيه اي ميزة تميزه عن غيره من المكيفات كلها تصنيع صيني ونفس المصنع بالضبط لكن فرق اختلاف الاسامي فقط .

Comments

الصيني درجات ، والمكيف سمعته زينه بالسوق

---

لاتنسى أن قري أول ماجا كان غير معروف ويخوف...الآن كسب سمعة ورفع الأسعار..

Answer 2

ودت هذا الفيديو يتكلم عن مكيف جري gree

تابعه مهم

Comments

هو يقول بشكل غير مباشر : اشترا الانواع الي ذكرها يوجين سوبر شارب. وتنقهاوس. بتحصل نحاس واسلاك. والجري بدون وسعر اعلي. خذالي قالك وارتاح. نفس المصنع.  فهمتوا

Answer 3

مجربه انا من الدفعة القديمة قبل خمس سنوات ،، روعه جدا جدا

لكن مادري عن الدفعات الجديدة

Answer 4

من تجربتي له .. هو جيد
كذلك شهرته عند الناس
لكن البعض يقول ان مكيفات أخرى أرخص منه هي نفسها جري .. لكن باسم مختلف
اي انها صنعت بالمصنع نفسه .. لكن الاسم والمستورد مختلف
سمعت ان مكيف سبليت ماندو نفس المصنع

وتأكد

Comments

كلام سليم منها سبليت ستاروي جولد من نفس المصنع وسعر 18 حار بارد 2250 ريال وممتاز جدا مجربة انا وتبريدة روعه

Answer 5

عندي قري روووعه ماشاء الله له5 سنوات وتبريده رائع
واذا ميزانيتك تسمح غير ال جي لاتدور...

Answer 6

لا تتعدى جري
اهم شي يكون فني التركيب ممتاز
أما جري فما عليه كلام أثبت نجاح كبير جدا

Answer 7

تراها توفيق
أنا ركبت مكيف قبل سنتين بإسم ماركة أول مرة أسمع فيها وكان السعر بالنسبة للحجم مغري جدا فأشتريت ولله الحمد حتى الأن التبريد 100/100 علما بأن الحجم 30000 وحده والسعر ب2200 مع التركيب

Answer 8

ماندو بللس ممتاز ومجربه وشف اخونا ابو الياس خبير التكييف بقناته في اليوتيوب مصنفه من احسن المكيفات في 2019
انا اخذته ب 1650 بالرياض ولقيت في موقع حراااج من يركبه ب 1550 ريال
وهو اوفر من قري وقري ممتاز ولاعليه غبار

Answer 9

جري في السابق كان ممتاز وعيبه لي (ابنوب تصريف الماء) ضيق ينسد باستمرار
عانينا منه كثير وخدمات وكيلهم في السعودية متوسطة وما تطلبه لغرض الصيانة إلا عن طريق المورد
موديلات قري الأخيرة ما يمدحونها بحسب إفادة بعض من يعمل في التوريد

Comments

فعلا عانيت من انسداد الانبوب

انا جري القديم

Answer 10

فيه نفس مكيفات مصنع  جري وارخص

حار وبارد نفس الجودة الضبط

لكن الافضل خذ بارد

الدفاية الزيتيه تكفيك في الشتاء

خلك مع العمال وهم يركبون

وخلهم يثبتون المروحه في الجدار باربع صواميل او على السقف

ويغطون التوصيلات بشطرطون اسود

Answer 11

قري انا ركتب تقريبا عشره مكيفات في البيت اعطيها ثمانيه من عشره او ثمانيه ونص من عشره


السعر ممتاز مقارنه بالجودة


انصحك تشتري من اكسترا شغلهم مضبوط ادخل على موقعهم بتلقى عروض عليه


الله يسهل امرك

Answer 12

انا ايضاً عندي ايضاً عشرة مكيفات سبيليت كلها قري ولها الان سنة وشوي للأمانة جداً ممتازة تبريد هدؤ في غرفة النوم حاط درجة الحرارة على ٢٥ والصلاة على النبي زي الحلاوة خذ لك قري وحتدعيلي
اشتريتها من محل اسمه الصندوق الأسود في الرياض

حبيت اشارك تجربتي معكم

Comments

نفس ما اشتريت منه
انا اشتريت من الصندوق الأسود عشر مكيفات والحمد لله الصلاة على النبي زي الحلاوة
ترى الفني له دور كبير  في التركيب

Answer 13

مكيف جري يجي بدون نحاس ويعتمد على صاحب المحل يعطيك نحاس اصلي او تجاري
وهذا سبب تجد ناس تمدح فيه وناس تذمه

Answer 14

قري الدفعه الأوله ممتازه جدا... الدفعه الثانيه اقل شووي

Answer 15

شف هذا المصنع
كثير مكيفات تصنع في نفس المصنع

Comments

مصانع توشيبا وجري وغيرها والسعر يتراوح ما بين 300الى 700 وهنا يبيعونك اقل، شي 2000 واجلد في المسكين ماركات معروفة ما تتخيلون اسعارها تلاقونها في موقع علي بابا والله بس ابي دعواتكم بتسهيل اموري

Answer 16

مصنع جري يصنع لأكثر من وكيل باسماء مختلفة

شوفوا هالفيديو علشان تعرفون انه احيانا تكون مكيفات السبليت من مصنع واحد بس باسماء مختلفة

Answer 17

هذا هو عندي له ست سنوات ماشاء الله

مكيفات سامسونج غيرتها مرتين

لكن انا شريت من الدفعة القديمة

مادري عن الدفعة الحالية

Answer 18

اذا قصدك سبليت انا بيتي كله كلاسيك الزامل ماطور أمريكي كبير ممتازه الحمدلله لها سنتين زي اللوز ، لكن الكلاسيك فقط يجي ماطور امريكي العاديه صيني او هندي

Answer 19

قري القديم اللي شاشة الساعه دائريه ممتاز ممتاز بالمره ..

من واقع تجربه .. والأفضل تنظيف الفلاتر كل 3 شهور ..

والحرص على رفع الريموت من الأطفال ..

ماشاءالله ... الأن يدور هذا ...

كان متوفر قبل أكثر من 3 سنوات ..

الأن تغير شكله ماأدري عنه ...

اول اسعار المكيفات معقوله ,,

الأن ممكن مرتفعه ...

Answer 20

انا مركب كل البيت classic الزامل .. من ثمان سنوات راكبة بدون صيانة, بس تنظيف الفلاتر و قت اتذكرها و غسلت المكيفات مرة وحدة فقط, صوتة عالى شوي لكن مرتاح معاها

Comments

فيه ناس يتضايقون من صوته ، وأعرف ناس ركبوه ثم استبدلوه

عن نفسي ماكره الصوت ، بالعكس حلو يكون له صوت شوي علشان يغطي على الازعاج اللي يجيك من برا