ماهو رأيكم في مكيف جري بولار ماكس ( سؤال للخبراء و المجربين)

Question

مكيف جري بولار ماكس

فضلا رأيكم بخصوص الجودة ، استهلاك الكهرباء ، الصوت ، الصيانة ، وأي ملاحظات اضافية مشكورين

Answer 1

أنا ماجربت هذه الدفعة ، لكن جري عندي من زمان وكيس وماشي حاله ، ودايم اقرى كلام حلو عنه حتى مع الموديلات الجديدة ، طبعا لا أعررف الموديل الذي ذكرته بالذات وهو مكيف جري بولار ماكس .. لكن أتكلم بشكل عام

Answer 2

حسب مايقولون :

 مكيفات  بولار وبولار ماكس:
تقوم بالتنظيف الذاتي بضغطة زر بدون الحاجة لأي شخص ينظفها،
مكان الفلاتر صار أفضل وأسهل
بالجوال تتحكم فيها
قوة دفع أعلى

Answer 3

جري حسب تجربتي، اشتريت مكيفين منهم قبل ست سنوات وتشتغل بشكل ممتاز

 واشتريت مكيف سبليت ثالث قبل ثلاث سنوات وهو سيء جدا جدا

 المكيف يسرب ماء من وجه المكيف ويطلع صوت طقطقه،

والوكيل بنفسه ما قدر يحل المشكله بالرغم إني جبته أكثر من مرتين بدون أي فائدة ودفعني تكاليف الصيانة ع الفاضي

Answer 4

جري بولار ماكس ممتاز دفع قوي وشركه معروفه وكذالك الصيانه

أنا بحثت بالمكيفات لين تعبت و جربت كذا نوع. ( Gree جري بولار )كان الافضل بالنسبه لي. بدون صوت و قدرة تحمل الحرارة عالية. اما بالنسبة لحساب المساحة هي : (طول الغرفة x العرض x الارتفاع x ٢٥٠) للاماكن العادية (و ضرب ٣٠٠) للاماكن ذات الحرارة العالية.

Answer 5

جري بولار ، ماندو بلس هالثنين عن تجربة ممتازين الفرق ان جري فيه واي فاي وماندو بلس ارخص

Comments

صدقت

جري بولار او ماندو بلس.. غيره لا تتعب نفسك

تم التعليق عليه منذ 10 شهور

بواسطة عليان

Answer 6

عندي اكثر من مكيف اسبليت جديدة بولار ماكس تظهر فيها علامة E1 واتصلت قبل شهر بخدمة العملاء وصلحوه الفنيين والان رجعت نفس المشكلة

وش الحل الآن اذا حتى الفنيين الي بالوكالة مايعرفوا يصلحوا المكيفات !!!

اقسم بالله تحسرت اني اشترت مكيفات جري بولار ماكس

Comments

خذ فواتير بالصيانة خاصة اذا وصلت ثلاث مرات وما انحلت المشكله بعدها ارفع شكوى لوزارة التجارة تسترجع قيمة المكيفات واهم شي تكون لسى في فترة الضمان وكذلك يوم يظهر عندك الخطأ E1 فك الفلتر ونظفه

تم التعليق عليه منذ 9 شهور

بواسطة ضيف

Answer 7

انا عندي مكيف جري بولار ماكس ماشاءالله تبريده حلو بس الطقطقه ماهي كثير معك اول مايشتغل وشويه وتروح لو معي شهر من يوم اخذته وباقي تحت التجربه هاذي الملاحضه للي فيه بس البروده حلوه ودفع الهواء ماشاءالله قوي

Answer 8

جري مكيف سيء وخدمة التنظيف الداخلي شو فقط انا مجرب مكيفاتهم بولار ماكملت سنه الا وخربت والوكيل يقولي ادفع ونتكرم عليك

Answer 9

الجديد جري بولار
أشوف كثيرين يشتكون من صوت طقطقة فيه

Answer 10

ركبت جري بولار وتبريده جدا عادي وش المشكلة قالي الفني خله شغال علي ١٦ ساعتين بعدين زود البروده بحكم خبرتك وش المشكلة مع العلم الي ركبه فني مختص

Answer 11

من أفضل المكيفات عندي :

مكيفات فوجي

مكيفات جري بولار

مكيفات ماندو بلس ، ميديا

Answer 12

بولار العادي عن تجربه تبريده سيء ،، بعد مرور سنه صار يفصل الكمبرسور بالساعات اكثر من مرة يوميا.. والله ورطه.