103 مشاهدات
منذ في تصنيف سيارات بواسطة
مارأيكم جيب هونداي سنتافي ، هل تنصحوني به ، لاني اشوفه منتشر بين الناس ، والكوري اثبت وجوده بالسوق.

إجابتك

أحب الناس إلى الله أنفعهم للناس ، هذا الموقع قائم على التعاون ، شارك واكتب رأيك ليستفيد منه الاخرون

اسمك الذي سيظهر (اختياري):
نحن نحرص على خصوصيتك: هذا العنوان البريدي لن يتم استخدامه لغير إرسال التنبيهات.

20 إجابة

0 تصويتات
منذ بواسطة
 
أفضل إجابة
من ناحية الخرابات فالسيارة نااادر ماتخرب وتتحمل جميع الظروف عمليه فوق ماتتصور
القطع متوفره وأسعارها معقوله جداا وكذالك صيانته أصبحت معروفه
العزل جيد فيه ومريح أكثر من الجيوب الثانية
التهربد واللتفكك هذا أخر ماتفكر فيه السياره كأنها قطعه وحدة أستخدمه في طعوووس في جباال في المدينه ولا تسمع له حس مشدود ومترابط أكثر من جيب ثاني
باقي الرساوة في تختلف من شخص لشخص أنا أعتبرها ممتازه تحت سرعة ١٢٠ أما فوقها فرساوته تقل كثر.
0 تصويتات
منذ بواسطة
بس لا تأخذه للعائله كبيره أكثر من خمس أشخاص لانه شوي ضيق يعني ينفع لعائله من خمس أشخاص فقط.
0 تصويتات
منذ بواسطة
السنتافي حلو وجميل وعليه لمسات حلوه وداخليه جدا ممتازة بس مشكلته اذا تعدى ممشاه اكثر من 100 الف يبدأ يطلع عيوبة. تقبلووو مرروري
0 تصويتات
منذ بواسطة
ما جربته بس مع واحد جلس 4 سنوات وباعه لأن بدا يطلب
معي هونداي صغير ماشي 15 الف فقط وقبله هونداي بعتهه جديد كلهم بطل مركب وتكييف
0 تصويتات
منذ بواسطة
اربعه سليندر جيب  ما انصحك ويصرف بنزين اكثر من 6 سليندر لان الحجم عالمكينه كبير
الموتر بشكل عام ممتاز واحد من الشباب معاه واحد 2008 كارفه كرف
وماشي فوق 200 الف ويمدحه ويقول قطعه رخيصه وخرابه قليل


انا معي واحد الشكل الجديد فل كامل
ممتاز واخر دلع وراسي وماعليه كلام
0 تصويتات
منذ بواسطة
ممتاز لكن خذ  6 سلندر افضل وعزمه افضل وموفر للبنزين واانا عندي سنتافي والله مريحني ماشفت منه شي....
0 تصويتات
منذ بواسطة
الخط والسفر روعة. لاازعاج ولا هواء وهو مثل الفورتشنر أو الكامري ان لم يكن أحسن.

الاناقة والخفة داخل الرياض روعة ماشاء الله وانسيابية بالنسبة للي يبي يخشش ويشطف الموتر بين السيارة (شبابي). يعني انسيابية وكأنه مو جيب. وهو أسرع بالعزم من الفورتشنر.
0 تصويتات
منذ بواسطة
ممتاز للعوائل الخفيفة أو للشباب الذوق, أحلى وأجمل بالنسبة للي يبي يكشخ, وهو أرخص سعر جيب من نفس فئته مقارنة بالفخامة الداخلية من أي شركة أخرى.
0 تصويتات
منذ بواسطة
أنا قارنت الموتر بالنفود وبالرمل بالشمال والرياض, وخصوصا أماكن التطعيس حليو ومش بطال للي يبي نفود ورمل وطلعاته خفيفة. الدبل حقه ممتاز بس الجيب نازل مايصلح حق تطعيس احترافي.
0 تصويتات
منذ بواسطة
بالنسبة لسعر قطع الغيار فهو الأرخص من بين تويوتا فورتشنر, وايكيا موهافي, ولكن سي اكس 9 مازدا هو الأرخص بقطع الغيار على وجه العموم لكل ماذكرت آنفا.
منذ بواسطة
كنت اتوقع مازدا ٩ اغلى قطع غيار ، هل أنت متأكد
0 تصويتات
منذ بواسطة
بالنسبة  خدمات مابعد البيع فهي أكثر من رائعة لأن صيانته بكل مكان وبكل منطقة وجهة من مدينة الرياض.

 بعد الاستخدام السيارة مايطيح سعرها كثير. واسأل عن المستعمل هذا اذا لقيت.

يعني ماسك نفسه لحد كبير
0 تصويتات
منذ بواسطة
جيب لا يعلى عليه

اشتر وانت مغمض واحرص على الشكل الجديد
0 تصويتات
منذ بواسطة
مقاعده قاااسيه والله متعبه جدا
منذ بواسطة
فعلا قاسي ، وهذا اللي ازعجني ، لكن هذا عند البعض مو عيب ، لان الموتر يعتبر متماسك ورياضي واعتمادي
لكن جد .. قاسي
0 تصويتات
منذ بواسطة
خذ ٦ سلندر
السياره جيده واثبتت نجاحها ولكن 6 سلندر اقوي عزم وافضل لعمر المحرك والله اعلم الا اذا انت راعي سواقه راكده ومايفرق معك العزم
0 تصويتات
منذ بواسطة
ابتعد عن الهونداي بشكل كامل وخلك في تويوتا او نيسان . نصيحه
منذ بواسطة
ليه ؟؟ تويوتا بسعر سياره من عندهم اخذ افضل مواصفات  من شركة ثانيه ، الكوري انتشر واثبت نفسه بالسوق ، تويوتا نافعتها سمعتها بين الناس القديمة . لكن للاسف اسعارهم مرتفعة
0 تصويتات
منذ بواسطة
مكيف الهونداي في الصيف بيجيب لك الاحزان ،،، وانا عايشت هذا الشيء فنصيحه محب حبيب لاخيه المسلم خذ راف فور قريب من سعره او نيسان اذا تبغى عزم ومكيف او زدها وخذ فورتشنر
0 تصويتات
منذ بواسطة
قطع غياره غالية و فيه عيب مصنعي في القير عن تجربه و اطلاع و صرفيته تعتبر ممتازه مقارنه بقوته
منذ بواسطة
معقوله ، هذاه موجود مع الناس ماحد شكا
0 تصويتات
منذ بواسطة
انا املك سنتافي
2016 نص فل
للامانه هي كويسه وممتازه
لكن مانصحك فيه افضل انك تروح للمازدا افضل خيار

المكيف ف كل سيارات هواندي ضعيف
وسياره فيه عيب طبعا نسبه عزل الصوت ضعيفه لان في صوت مع شباك
ومريت الوكاله وقالو هذا شي عادي
وغير كذا السياره تصرف بنزين هذي وهي اربعه سلندر

افضل خيار لك مازدا قوه وقطع غيار معقوله ومكيف جبار
ياباني طبعا
0 تصويتات
منذ بواسطة
تويوتا رش
كبيرة
مكينة اقتصادية 1.5 لتر
بس لا ترجي قوة وسرعة لانها 104 حصان
هذي خذها واعصابك بالبيت
0 تصويتات
منذ بواسطة
ممتازة من جميع النواحي بس العزل لا تقارنها مع السيدان معروف الجيوب عزلها لك عليه

اسئلة متعلقة

13 إجابة 60 مشاهدات
سُئل منذ 9 شهور في تصنيف سيارات بواسطة admin
11 إجابة 65 مشاهدات
سُئل منذ 2 شهور في تصنيف سيارات بواسطة رورو
16 إجابة 101 مشاهدات
6 إجابة 19 مشاهدات
11 إجابة 35 مشاهدات
سُئل منذ 1 شهر في تصنيف البناء بواسطة admin

 

تطبيق الاخبار الأكثر بساطة ، قم بتحميله الآن .. اضغط هنا   smile 

...