رأيكم جيب هونداي سنتافي ؟؟

Question

مارأيكم جيب هونداي سنتافي ، هل تنصحوني به ، لاني اشوفه منتشر بين الناس ، والكوري اثبت وجوده بالسوق.

Answer 1

من ناحية الخرابات فالسيارة نااادر ماتخرب وتتحمل جميع الظروف عمليه فوق ماتتصور
القطع متوفره وأسعارها معقوله جداا وكذالك صيانته أصبحت معروفه
العزل جيد فيه ومريح أكثر من الجيوب الثانية
التهربد واللتفكك هذا أخر ماتفكر فيه السياره كأنها قطعه وحدة أستخدمه في طعوووس في جباال في المدينه ولا تسمع له حس مشدود ومترابط أكثر من جيب ثاني
باقي الرساوة في تختلف من شخص لشخص أنا أعتبرها ممتازه تحت سرعة ١٢٠ أما فوقها فرساوته تقل كثر.

Answer 2

اربعه سليندر جيب  ما انصحك ويصرف بنزين اكثر من 6 سليندر لان الحجم عالمكينه كبير
الموتر بشكل عام ممتاز واحد من الشباب معاه واحد 2008 كارفه كرف
وماشي فوق 200 الف ويمدحه ويقول قطعه رخيصه وخرابه قليل


انا معي واحد الشكل الجديد فل كامل
ممتاز واخر دلع وراسي وماعليه كلام

Answer 3

الخط والسفر روعة. لاازعاج ولا هواء وهو مثل الفورتشنر أو الكامري ان لم يكن أحسن.

الاناقة والخفة داخل الرياض روعة ماشاء الله وانسيابية بالنسبة للي يبي يخشش ويشطف الموتر بين السيارة (شبابي). يعني انسيابية وكأنه مو جيب. وهو أسرع بالعزم من الفورتشنر.

Answer 4

بالنسبة  خدمات مابعد البيع فهي أكثر من رائعة لأن صيانته بكل مكان وبكل منطقة وجهة من مدينة الرياض.

 بعد الاستخدام السيارة مايطيح سعرها كثير. واسأل عن المستعمل هذا اذا لقيت.

يعني ماسك نفسه لحد كبير

Answer 5

انا املك سنتافي
2016 نص فل
للامانه هي كويسه وممتازه
لكن مانصحك فيه افضل انك تروح للمازدا افضل خيار

المكيف ف كل سيارات هواندي ضعيف
وسياره فيه عيب طبعا نسبه عزل الصوت ضعيفه لان في صوت مع شباك
ومريت الوكاله وقالو هذا شي عادي
وغير كذا السياره تصرف بنزين هذي وهي اربعه سلندر

افضل خيار لك مازدا قوه وقطع غيار معقوله ومكيف جبار
ياباني طبعا

Answer 6

بس لا تأخذه للعائله كبيره أكثر من خمس أشخاص لانه شوي ضيق يعني ينفع لعائله من خمس أشخاص فقط.

Answer 7

السنتافي حلو وجميل وعليه لمسات حلوه وداخليه جدا ممتازة بس مشكلته اذا تعدى ممشاه اكثر من 100 الف يبدأ يطلع عيوبة. تقبلووو مرروري

Answer 8

ما جربته بس مع واحد جلس 4 سنوات وباعه لأن بدا يطلب
معي هونداي صغير ماشي 15 الف فقط وقبله هونداي بعتهه جديد كلهم بطل مركب وتكييف

Answer 9

ممتاز لكن خذ  6 سلندر افضل وعزمه افضل وموفر للبنزين واانا عندي سنتافي والله مريحني ماشفت منه شي....

Answer 10

ممتاز للعوائل الخفيفة أو للشباب الذوق, أحلى وأجمل بالنسبة للي يبي يكشخ, وهو أرخص سعر جيب من نفس فئته مقارنة بالفخامة الداخلية من أي شركة أخرى.