مارأيكم تظليل جونسون ؟؟؟

Question

مارأيم تظليل عزل حراري جونسون لليسارة ؟؟ هل تنصحون به ؟ أو هناك عزل أفضل؟

Answer 1

انا مجرب اكثر من شركه وبحثت عن شركات في مواقع امريكيه ، اغلب الشركات اللي عندنا ماخذه اسم بس لكن جودتها تعبانه واسمها في امريكا وسمعتها مشي حالك، بصراحه ارشح لومار او 3M بس يكون موثوق المصدر لذلك لومار الخيار الاول ، سعر متوسط وعزل جيد جدا ، في شركات افضل لكن غير متوفره عندنا

Answer 2

مركب نفس التظليل بس اشتريته من موقع كوبون بسعر ٤٤٩ ريال والى الان وهو بنفس السعر بس اطبع الفاتوره من موقع كوبون وسلمها الموظف حق جونسون ويعتمد لك الخصم مباشر

Answer 3

اركب مع واحد مركبها
واركب مع واحد مركب كوري بـ 70 ريال .. كلها نفس الشيء

نصيحه لاتركبها ترى مابتستفيد .. ركب الكوري 70 ريال
وينشال بسهولة له

غير انها كذبه .. قيمتها على 1500 .. ياخي الكفرات وهي اهم شيء فيالسياره سعرها 1500 .. وفر هالمبلغ وخله للكفرات في قادم الايام

Comments

والله انها فرق في تبريد السياره الداخلي
تحفظ البرودة الداخليه واشعة الشمس ماتسبب لك شعور الغثيان

تم التعليق عليه منذ 3 سنوات

بواسطة عليان

Answer 4

انا مركب لومار ممتاز جداً وكل سنه برمضان عندهم عروض على اسعارهم بنص القيمة تقريباً .... واما اذا كنت تسأل عن اسم في كول بدون شك من اشهر الماركات الموجودة بالسوق انا اتكلم عن شهرة وليس عن تجربة

Answer 5

أهم شيء العازل الخارجي قبل الداخلي ... والله مهم جدا خاصة لعشاق السفريات .... أنا مركب عند شركة في قطر وله معي 4 سنوات وكل ماتغير لونه من السافي ارجع لهم يلمعونه يرجع جديد ... الحقيقة كان سعره غالي جدا ومبالغ فيه بس والله يستاهل .... 4500 خارجي فقط .... الشبك والكشافات والشمعات ونصف الكبوت والرفارف مع الأكتاف والمرايات وأطراف البيبان والزجاجه الأمامية

Answer 6

مادري عن عزل حراري جونسون


سوبر كول مركبه لي عشر سنوات وشغال تمام

سعرهم 1400 ريال لكل الزجاج حق السياره

Answer 7

صدقني الفروق بين التضليلات صغيرة جدا

ابحث عن الأرخص وتوكل على الله وانصحك بm3

Answer 8

السلام عليكم
انا ركبت جونسون قبل اربع سنين لسيارة الوالد وصراحه اشوف العزل عادي

بعدها جربت بروفيشنال وصراحه عجبني جدا واغلب سيارات الجماعه بروفيشنال لأن عزله ممتاز

ومن ناحية الخدوش البروفيشنال عجبني اكثر
بالتوفيق...

Answer 9

أتمنى يفيدك هذا الفيدي يتكلم عن طريقة اختيارك للعازل الحراري لسيارتك

Answer 10

أنا قبل سنوات ركبت على سيارتي الكامري لومار والعزل في الصيف أكثر من رائع وكلفتني 1200 ريال فقط من فرع الخبر

ثري ام   دخلت محلهم في الخبر وكان السعر غالي والعمالة بنغال

جيوشيلد كثيرين مدحوه لكني ما جربته وسعره كان للكامري 2000 ريال

لما ظللت سيارتي مريت أغلب المحلات واستقر رأيي على لومار من ناحية الجودة والعزل وجودة التركيب والسعر المنافس

والله الموفق

Answer 11

تراها لفة معلقة بالمحل ماتدري هي جونسون ولا صيني روح لفرع جونسون ولا ثري ام واشتري وبالنسبة للعازل
اسمع مني وانا اخوك ولايهونون الربع اذا كان لونه اسود تراه بيسخن بالغمارة وبالطبلون بزيادة اذا وقفتها بشمس
انا تشطب طبلوني بعد ماركبت عازل من نايس كول نوعة كريستال قوة عزله 90% بالجهاز
فايدته الوحيدة اذا كان عندك بايكة ترا التكييف احتمال ماتزيد عن قوة 1 او 2 بالظهر اذا كانت واقفة ببايكة
لكن ان كانت واقفة بشمس الله يعيينك يارجال
ايدي ما اقدر احطها عالقزاز الامامي من الحرارة اللي يمسكها اللون الاسود وينقل الحرارة للطبلون
ومع فتحات المكيف الباردة يتشطب .. وجهة نظر

Answer 12

اخوي انت هاذي فلوسك وابخص بس وربي حرام اعطيهم الف واكثر على تضليل ؟؟؟

والله شي مايرضى فيه ربي وهالشركات نصابين ومشكلتنا ندفع ومعمين عيونا

انصحك تضلل بـ40 ريال وريح راسك انا ضللت كابريس باربعين ريال

Answer 13

نصيحه
جونسون ماهو مشهور عالميا ولا بامريكا كمان وغير هيك غالي
شوف الاسماء التاليه
3M
Llumar
V-Kool
SunTek

Answer 14

النوع ES نسبة عزل الحراره فيه (TSER) تساوي 43% ويعتبر جيدجدا
وعليه ضمان 10 سنوات

Answer 15

في محلات كثيره لجونسون وبضاعتهم مضروبه .. القناع الشفاف الوحيد الي يجيبه اصلي وله فروع بكل السعودية

Answer 16

خذ 40% .محد قد وقفني وواضحه بالليل
ولا تدخل بمشاكل مع المرور

طبعا يختلفون العسكر

Answer 17

سبحان الله
عجزت اقتنع بالتظليل
و اصلا اللي يظلل بشكل مبالغ به يكون في موقع شبهه

Answer 18

مظلل جوشيلد بطل وحامي للسيارة بالكامل من السافي وغيره

لكن تضرر العازل الخارجي بسبب الحكات والصدمات الخفيفة

Answer 19

إحرص على النانو سيراميك

نسبة عزله عالية

Answer 20

اللي ضد التظليل
الهدف منه العزل الحراري

وحماية الوجهية

درجة اللون هذا راجع لك

ممكن تخليه شفاف

أنصح بالشفاف

لأنه لا يعيق الرؤية

وعلشان تفتك من مجادلة رجال المرور و أمن الطرق