السبب فيها المواصفات الجديد يقولون انها موفرة للماء وهي تمنع الماء نهائيا والله اشتريت واحد قبل فترة والكل يمدح فيه ويقولون عليه الافضل وبعد ماجبته وركبته طلع مقلب الماء ضعيف جدا جدا فقررت انقله لحمام عندي غير مستخدم واخذ الموجود في الحمام جي اس ايطالي من افضل الانواع ورجع الماء قوي جدا
لذلك اذا جيت تشتري انتبه للنوعيات والله فيه نوع صيني نفس كرتون الايطالي ومكتوب عليه صناعة ايطالية ولا تفرق بينهم الا ان سعره ارخص بكثير وماينفع بريال ينكسر وقت التركيب اذا ضغط عليه السباك بقوة
الانواع القديمة هي الافضل وانا اعرف واحد في المدينة يبيعها مع انه مزود في سعرها كثير الا انها من افضل الانواع ومادري قفل الرجال والله شغال حتي الان الا ان هذا المحل عنده بضاعة قديمة كثيرة جدا اشتريت منه كل اسباكة الموجودة في البيت والان مافي مثلها في السوق دخلنا في موضوع توفير الماء وصارت تجي الخلاطات بماسورة صغيرة جدا تتقفل مع الوقت واصلا اول ماتستخدمها يكون الماء ضعيف فيها
واذا تريد تعرف الجيد من غيره شوف طريقة توصيل الليات بالخلاط او الدش بالخلاط اذا كان فيها توفير ماء اعرف انه سيئ جدا حاول تدور الي تشبك فيها اللي العادي للخلاطات مباشرة في الخلاط مافي ماسورة صغيرة توفر الماء بصراحه طريقة فاشلة لتوفير الماء لانها تحتاج دفع ماء قوي مثل الموجود في الفنادق حتي تعطيك نتيجة جيدة بالنسبة لدفع الماء في المنازل ابو دورين ماينفع معاها ضعيفة جدا ولو مركب مواسير 2 بوصة والماء قوي ماتعطي نتيجة جيدة
بالنسبة لشطاف لاتاخذ شطاف جاهز يعني يجي الشطاف واللي مع بعض هذه الانواع سيئة جدا اشتري الشطاف لوحده وفيه انواع تجلس معاك عشرة سنوات ماتتعطل وايضا الليات توجد انواع منها تجلس معاك عشرة سنوات ماتتعطل ولا تخرب ولا يصير لها شي واخر شي انت تغيرها من باب التغيير وليس لانها تعطلت بالتجربة يوجد لي للشطاف ايرلندي ممتاز وشطافات المانية تجي لوحدها او اوروبية ممتازه جدا صدقوني تجلس عشر سنوات بدون ماتتعطل او تخرب
بالنسبة للسيفونات في الافرنجي انتبهوا لشي فيها معظم السيفونات تأتي بنظام تقدر تحدد فيها كمية الماء الذي تريدة داخل المكان المخصص للماء وفيها نظام ترفع العوامه للاعلي تزيد كمية الماء ارفعها للاخير تجد ان الماء في السيفون ممتاز وللمعلومية معظم السباكين مايعرفون عنها شي ويركبونه مثل مايجي من المصنع وهو موزون على اقل كمية ماء لتوفير المياة راجع السيفونات في الافرنجي معظم السفونات فيها هذا النظام
