مارأيكم الإطارات كفرات صينية

Question

أرغب بتغيير كفرات السيارة . الصيني رخيص ، مارأيكم بالإطارات الصينية ، من حيث الجودة والسعر وكل شي ء؟

Answer 1

خذ ياباني او كوري غيره لا تخاطر ترى الصيني 6 شهور وهو مسموح ومعرض للانفجار

اذا انت راعي خط ام داخل الديرة عادي ماتفرق

انا كل شهر فوق 2000 كيلو امشي اركب ميشلان فرنسي او امريكي

لان عملي يبعد عن السكن 60 كيلو رايح و 60 جاي 120 كيلو يومي

Answer 2

ياعم هي نسبة وتناسب .....رخيص مده قصيره ....وغير امن

غالي مدة طويله وامن باذن الله

دنلوب في سيارتي جيب 4 سنوات و100 الف كيلو ولا مريت على البنشر

وغير الطقم الثاني له حدود سنه وشوي واكثر من 50 الف كيلو

ولا تزلت الاستبنه وكاله الى الان

Answer 3

ميشلان
بيرلي
بريجيستون
هانكوك
يوكوهاما
دانلوب
غيرها لا تركب نصيحه محب
الله يعطيك خيرها ويكفيك شرها وكل مسلم

Answer 4

اهم حاجة في الكفرات
أن تكون مواصفاتها
Traction A
Temperature A
وتاريخ الصنع
مهم جداً جداً

واهم شي لو المواصفات هذي موجودة ضروري معها شهادة جودة معتمدة من جهة موثوقة

مثل علامة الجودة السعودية
علامة الجودة الأمريكية

وهكذا

لا تخاطر بحياتك علشان كم ريال

Answer 5

وش اللي حادك عليها ؟

الأشياء الضرورية مثل الكفرات

أو أي شيء يمس الصحة

لا تتهاون فيه

Answer 6

ما تسوى ريال ولو تحسبها تطلع خسران .. كل 6 شهور وهي ممسوحه عكس الأصلي
يعيش معك أكثر بكثير

Comments

مين قال الكفرات الصيني 6 اشهر وتنمسح
تختلف الجودات والمواصفات وسلامه مقصات سيارتك تساعد بعمر الكفر

بوجهه نظري افضل كفرات صينية سايلون و جنيو

Answer 7

ميشلان أفضل كفرات يكفيك الضمان خمس سنوات

وعندك بريجستون ويوكوهاما بصراحه رائعه

أهم شيء أبتعد عن الصيني

Comments

حبيبي بعطيك معلومه ولا كفر عليه ضمان فعلا
واذا راجعت اي شركة كفرات عليه ضمان بتفهم كلامي صح

لازم يرجعونك بعله اقلها يقولك سوء تركيب او مسكت بريك قوي او يقولك مشيت على الكفر والهواء ناقص او الهواء زايد ويروح عليك الضمان

اقراء شروط الضمان زين تكتشف ان الكفرات ما عليها ضمان من الاخر

Answer 8

ابتعد عن الصيني والمستعمل

ميشلان او بريجستون << عندهم كفر ما ينفقع اذا نسم يمشيك 80 كيلو اعتقد ينفع اذا كنت حق خطوط

Answer 9

ميشلان
تويو
هانكوك
وهناك اشياء عليك الالتزام بها:
1- ابتعد عن الصيني واياك ثم اياك حتى لو حاول اقناعك

Comments

قناعتك احترمها

Answer 10

ركب كفرات يابانيه اصليه
وابعد عن الكوريه والصينيه تراها تنتفخ وتنفقع