اطرح سؤالاً

بلاط الحوش كثير يقولون بلاط المديفر ممتاز ، مارأيكم به للحوش ، هل هو مناسب ، من حيث الجوده والشكل 

هذه الصوره لبلاط المديفر جبتها من النت .. عنده اشكال

إجابتك

أحب الناس إلى الله أنفعهم للناس ، هذا الموقع قائم على التعاون ، شارك واكتب رأيك ليستفيد منه الاخرون

اسمك الذي سيظهر (اختياري):
نحن نحرص على خصوصيتك: هذا العنوان البريدي لن يتم استخدامه لغير إرسال التنبيهات.

16 إجابة

 
أفضل إجابة
خلك مع الناس
الكل يحط بلاط بلدي المديفر
فيه بلاط كسر رخام وفيه بلاط بالبحص أو الخرسانه
ماتفرق كلها زي بعض بس الفرق باللون والسعر شي بسيط
والبلاط البلدي أقوى من السيراميك للسطح لأنه يتحمل الضغط والأوزان تركب المكيفات وتثبيت الدش ماينكسر ويمكن الخزان العلوي مو زي السراميك خفيف
أهم شي انتبه لهذه الأمور اذا كان تبيه للسطح

البلاط انواع سداسي ومربع كل واحد وسعره فيه سداسي المديفر نقشه حلوة للاحواش
وهو يختلف فيه كسر رخام العايدي وغيره
بيتك ملك
اشتر الغالي من البلاط المقضل لديك
بعد ماتشاور الي بنو ورممو
عن
السلبيات والإيجابيات من البلاط المفضل اعلاه

واهم شي جب  عمال مهر   وشف شغلهم على ارض الواقع في فله اخرى .. وتأكد إنها هم اللي سووها لانه عمالة تكذب احيانا وتدخلك فله ماهو هم اللي سووها

واترك عنك كلام المقاولين احنا عندنا عماله مهرة ولديهم خبره ياسعادة البي وشغلنا لا يعلى عليه
الي يقولك كذا اسحب عليه
والله يوفقك
انا السطح عندي اغلبه مكاين مكيفات السبلت ما استفيد منه حطيت المديفر العادي مع ميول والامور تمام ولله الحمد
طيب هل النوعية تفرق إذا كان السطح للجلوس .... وإذا كان مخصص لمكاين اسلبيت  ؟
اذا بتخليه جلسات فيه انواع افضل من المديفر اللي هو طبعا ارخص الموجود البقية اغلى منه
المزايكو
الي اسمه المديفر
افضل عشان التمدد
تمدده بسيط
ماراح أتكلم عن بلاط الحوض راح أتكلم عن السطح

نصيحة من أخوك ،، السطح لا تفكر تبلطه نهائيا ً ،، حاول تعزله عزل مضبوط وتختبر العزل لمدة أسبوع كامل وإذا عزلته حاول أن تكتفي بذلك ،، ومصاريف تبليط السطح وفرها للرخام حق المداخل أو رخام بيت الدرج او رخام الدرج الداخلي أو أستفد من قيمة شراء وتبليط السطح في شي يفيـدك .
طيب إيش يعمل على السطح إذا ماتبغاه يبلطه ؟؟
وبالنسبة لتركيب الرخام انت قلت يركبه بجبس مصري

كيف الجبس يستخدم في تركيب الرخام
لأن اللي اعرفه انهم يستخدمون خلطة
تكتفي بذلك ؟!! بعض النصايح تودي بداهية
العزل اذا صار مكشوف يتلف اذا مهو مغطى وسعره غالي مهو كل مرة بيسوي عزل
الافضل بلاط مع فواصل تمدد وميول  وفيه ناس تسوي صبة بدل البلاط ارخص  لكن ما ينصح فيها لانها تتشطب مع الزمن وتدخل مياه الامطار
اهم حاجه وقف على العمال كويس لا يكسرون المواصير والافضل تضع على المواصير عازل اما انبوب اكبر او تلييس المواصير او تلبسها عوازل فوقها

وفيه حاجه مهمه للدفان الافضل تضع الدفان بحص زيرو لكل البيت او على الاقل مخلوط بحص مع رمل صحيح يكلف شوي لكن تكلفه غير عاليه وتضمن ان مافيه هبوط في الدفان ولا يعيش النمل
بلاط المديفر كويس وقديم ومعروف  ، لكن لاتنسى الفواصل

ضع فواصل ، ولازم تكون الفواصل من مادة لينه ، لا تسوي زي هذا ملأ الفواصب بالاسمنت وهذه النتيجة

يا جماعه انا مبلط من  ٣٣ سنه. سوري جنسيه وكلكم اهلي وناسي

لا يخلا الأمر من خبرت المهندس لانو لمهندس بيحكي على غلط قليل الخبره.  أما بنسبه لتقفيع البلاط رغم انو في فاصل تمدد فهذا أحيانا لسبيين :


- قلة  الفواصل.. أو طول المسافة أكثر مما يجب بينها
- المادة التي تملأ الفواصل صلبة وليست لينة
هنا المهندس ماجد المحيميد يتكلم عن بلاط الأحواش

ضروري تتابعه المهندس ماجد متميز

بيت والدي عمره اكثر من 25 سنه فيه بلاط بلدي بدون تخلع، ولا فواصل تمدد، لا في السطح ولا في الحوش
وكذلك بيتي عمره اكثر من 14 سنه بلاط بلدي،
ولدي فيلا لم يتجاوز عمرها 4 سنوات بدأ التخلع في السطح !

نفسي  أعرف سبب التمدد والتخلع
ممتاز قريت عنه كلام حلو ، ماجربته بس الشركة معروفه وقديمة
هذا الفيديو يتطرق لبلاط الحوش اسمه الظاهر اركاتا

https://www.youtube.com/shorts/RzwsHIAn_TI
بيت  الوالد له ٣٥ سنه  والكراجات سيارات تذخل وتطلع  وبالشمس ولا فواصل تمدد  ولا  طلع  ولا تكسر ولا بلاطه    بالعكس جينا نخلع كم بلاطه  جبنا  كمبورسور  تكسير   وبالقوة  تكسرتة
شف هذا الموضوع أفضل بلاط للحوش

https://ar.tajrbati.com/?qa=640/

اسئلة متعلقة

25 إجابة 4,030 مشاهدات

السلام عليكم ، مارأيكم أفضا نوع بلاط لحوش المنزل ، البلاط القديم جيد لكن راحت موظته ، طلع بلاط ... جميل مارأيكم أفضل بلاط لحوش المنزل موجود بالسوق ؟...

6 إجابة 22 مشاهدات

ما هو افضل مقاس بلاط للغرف الصغيرة و الممرات الصغيرة ؟...

7 إجابة 96 مشاهدات

وش فيه اقتراح لبلاط حوش كبير جدًا وابي اقل تكلفه ؟...

4 إجابة 133 مشاهدات

ماهو افضل بلاط للسطح من تجارب الناس ؟ لأن الخيارات كثيرة واحترت ، ماهو أفضل بلاط للسطح من تجربتكم ؟...

 

لعشاق الأخبار : هذا تطبيق يمكنك من خلاله مشاهدة كل القنوات   smile 

اضغط هنا لتحميله من المتجر


...