ماهو أفضل بلاط للحوش ؟

Question

السلام عليكم ، مارأيكم أفضا نوع بلاط لحوش المنزل ، البلاط القديم جيد لكن راحت موظته ، طلع بلاط حلو وشكله جميل

مارأيكم أفضل بلاط لحوش المنزل موجود بالسوق ؟

Answer 1

عليك ببلاط المديفر

هذا هو له عندي أكثر من 30 سنة وكل ما غسل الحوش تقول توني مبلط الحوش ولو تبي تدخل بالحوش تريلا ما عندك مشكلة ولو تبي يمشي فوقة تركتر أو لوبد محمل دقاق برضة ما عندك مشكلة وأهم شي حط دفان أحمر تحت البلاط وانحش عن البحص .

وفقك الله

Answer 2

انا انصحج بتركيب جرانيت وتوجد منه الوان عديده تتناسب مع البيئة المحيطة، وهي نظيف ويتحمل درجات الحرارة المرتفعة وسهل التنظيف.

اما بخصوص الاسعار فقد تكون مرتفعه بالمقارنه بالانترلوك لكن توجد كميات تجارية في الشركات يتم بيعها بسعر اقل من سعر الخامات الجيده من نفس المنتج. اسالي عنها .

Answer 3

ابعد عن السيراميك سماكة ١٣ مل وخاصة الاماراتي نصيحة مجرب يرجو بها وجه الله

لابد ان يكون بلاط الحوش وليس سيراميك ولا تقل سماكته عن ٢ سم

Answer 4

واهم شي الفواصل تكون 6 مللي او اكثر حتى لا يرتفع البلاط كالقبة بسبب التمدد مع الزمن

Answer 5

الحوش مع السيارة هناك شي جديد على السوق الان
قوة وجمال

اسمة الأرضيات الاسمنتية المختمة

يسوونة بالمتر

ابحث عنة بقوقل

https://www.google.com/search?q=%D8%A7%D9%84%D8%A8%D9%84%D8%A7%D8%B7+%D8%A7%D9%84%D8%A7%D8%B3%D9%85%D9%86%D8%AA%D9%8A&tbm=isch&chips=q:%D8%A8%D9%84%D8%A7%D8%B7+%D8%A7%D8%B3%D9%85%D9%86%D8%AA%D9%8A,g_1:%D8%AE%D8%A7%D8%B1%D8%AC%D9%8A:EqnJhc4lMHU%3D&rlz=1C5CHFA_enSA835SA835&hl=ar&sa=X&ved=2ahUKEwjEmfCSsbHyAhVV8IUKHYJuBmIQ4lYoAHoECAEQEA&biw=1461&bih=864

Answer 6

البورسلان خرطي لا تركبه ،،وحار يسحب الحراره.

عليك بشركة آرتك محلهم في طريق الملك عبدالعزيز ،،الورود ،،اذا انت بالرياض ،،، سميك وممتاز ،،اشكالهم ربما قديمة لكن جميلة

Answer 7

احرص اذا عندك تمديدات كهرباء او سباكة تحت البلاط تكون نوعيه ممتازة وتحافظ عليها وقت الدفان ، عندنا حوش تحته مواسير ماء وتقفلت وكسرنا البلاط لين طلعناها ورجعنا نبلط من جديد .
بالنسبة لشبك الارضيات عندك مقاس 2*5 متر سماكة 8 ملم وسعره في حدود 100 ريال .
حاول تحرص تحط دفان كويس وترصه وترش مويه لين يجمد بشكل قوي علشان ما يصير عندك نزول بعدين مع الوقت .

Answer 8

اخي مو شرط تبلط الحوش كامل ... تقدر تسوي صبة وتركب عشب صناعي بمكان في

الحوش وتحط فيه منظر جمالي يعكسه على الحوش

البلاط الافضل هو اللون الابيض المعتق ( الخشن )

الاسعار غاليه من الباكستاني والبنقالي

نصيحة : اشتري انت البلاط حسب رغبتك واكد لهم انه بيكون للحوش

وشوف لك اكثرمن عامل قبل تقرر لان اللي اعرفه تركيب البلاط سعره رخيص

وفقك الله

Answer 9

حط جيرانيت اذا الميزانيه تسمح
يستحمل السيارات وشكله جميل تنظيفه سهل جدا

رد: ارغب بتبليط حوش المنزل مع وضع صبة في بعض الاجزاء واليكم التفاصيل

هذه الوانه وتلقى انواع مخفضه يكون فيها تصبغات خفيفبه لا توثر واحيانا تعطي شكل جمالي

Answer 10

انا اخذته ب 22 ريال المتر يمكن الان مسويين عروض
مااخذت منه الا بلاط حوش فقط غير كذا ماعجبني شيء
بعد التركيب شكله طلع جميل
سميك جدا جدا وهذا ميزته
اللون الي اخترته يشبه الرخام
وتجي كل حبه مختلفه عن الثانيه بالرسمه كانه رخام
مرهم وشوف يمكن يعجبك
من ناحية الجوده والسماكه شيء رائع