اطرح سؤالاً
عندي استفسار الان انا في مرحله التشطيبات اش تنصحوني افضل السراميك ولا البورسلان ؟
انا ودي اخذ بورسلان بس متخوف !
اللي عنده معرفه وتجربه مع البورسلان يقولي عليها ؟
واش افضل نوع الهندي او الاسباني وش افضل مصنع اخذها منه ؟

إجابتك

أحب الناس إلى الله أنفعهم للناس ، هذا الموقع قائم على التعاون ، شارك واكتب رأيك ليستفيد منه الاخرون

اسمك الذي سيظهر (اختياري):
نحن نحرص على خصوصيتك: هذا العنوان البريدي لن يتم استخدامه لغير إرسال التنبيهات.

17 إجابة

 
أفضل إجابة
بشكل عام السيراميك ارخص بالسعر وبالتنفيذ . البورسلان أجمل وأقوى.
البورسلان / ارضيات :
١- ابتعد عن المستطيل الأفضل ٨٠×٨٠
٢- نفذ بطريقه صحيحه ( صبه وترش ثم غراء ) او ابتعد عن البورسلان  . خلطه لا
٣- الهندي تقوساته كثير .
السراميك للجدران والبورسلان للارضيات
البورسلان  افضل  بدون مقارنة ..

ويفضل يكون فل بدي .. او دبل لاير
طيب الله يسعدك ممكن تشرحين ايش يعني دبل لاير امس كنت بمحل وقال ماانصحك بالبورسلان لانه يتفكك حطي سيراميك احسن
دبل لاير يعني توجد طبقتين من عجينة  البورسلان اعلى البلاطة وهذا يعطيها قوة وحماية من الخدوش وتغير اللون  

السيراميك ضعيف اي خدش فيه يضهر لون الطين الداخلي البني
توكل على الله وخذ بورسلان وأنصحك خذ سعودي مقاساته صحيحه ولا يوجد نسبة تقوس فيه وخيارات الألوان كثيرة.
ملاحظة: يوجد كذا مصنع .
اسباني افضل شي والخزف السعودي وإكسا وابيات في اليوتيوب الطريقه الصح لتركيب البورسلان لازم تكون علي أرض صلبه خرسانية وتركب بالغراء خذ معام ممتاز من نفس المحل الي تاخذ منه
نا مركب بورسلان هندي ومركبه باالاسمنت ماهو باالغرى والحمد لله اموره تمام
اهم شي المبلط يكون فهمان
والمبلط الي اشتغل عندي هندي
لكن له فتره طويله باالمنطقه
دورات المياه سيراميك قشره بورسلان
المداخل والصاله بورسلان هندي ممتاز
الحوش سيراميك خزف ولا اماراتي مقاس ١٢ ملم وفوق .
كلها ممتازه ولاتخسر نفسك لاسكنت بتعرف كلامي
البورسلان افضل و لاتاخذ اللمعه خذ المطفي الناعم و تركيبه يطبط الارضيه ويخليها من٤ إلى ٥ ايام مع الرش لمدة يومبن بعد ها يركب بغراء بورسلان ويترك في الأطراف ٠.٥ سم ويعبيه سيلكون علشان التمدد
السيراميك نفس الطريقه لكن بعد الطبطبه بيوم  ير كب البلاط بغراء بورسلان او سيراميك كلها تنفع
البورسلان الأسباني ممتاز ولكن لاتشتري اللماع أو الاملس...خذ المطفي أو الخشن تلقاه عند المحلات بيت السراميك والصفة إللي بعده طريق الخرج القديم...دورات المياه أكرمكم الله يكون أبيض مزخرف بخطوط رمادية الجدار املس ناعم والأرضية خشنة كذلك المطبخ...وإذا حبيت تسمع نصيحة الشباب وحّد
نصيحه مقاول السيراميك و التكسيه هما مظهر البيت وجماله لذا اتفرج على صور منفذه و قلدها كي تسلم لان الخطء يصعب تداركه ثانيا سيراميك الارضيات يجب ان يكون خشن الملمس حتى لا يزلق ثالثا هناك صور رائعه في الانترنت لكل ركن في البيت من حمامات او مطابخ او درج ومن جاء للتركيب اختبره اولا
البورسلان افضل بمراحل من السيراميك سطحه قاسي ومقاوم للكسر  والاخطاء المصنعيه والتقويس فيه قليله وابعاده مضبوطة  مافيها اختلاف ويوجد منه سماكات قوية للارضيات تصل الى(٢) ملل واسعاره الايام هذي طايحه مره خصوصا الخزف السعودي لكن احرص تاخذ زيادة امتار لو اضطريت تكسر للصيانه
بالطبع بورسلان لكن الاهم جودة المبلط عندك وطريقة تركيبه واشرط عليه عدم التطبيل وتوازن الخطوط وعدم التسنين وتركيب بالطريقه الصحيحه
البورسلان افضل
خذ البورسلان السعودي عندك الفنار والمستقبل وينبع
الهندي ابعد عنه
الاسباني غالي جدا لكن حسب ميزانيتك
البورسلان الصيني ممتاز وسعره بين الهندي والاسباني ولاتقرب الهندي يتمخش مع الوقت والاسباني زين لكن سعره مبالغ فيه
البورسلان افضل وتجنب الهندي .. اهون علي الصيني ولا الهندي ,, طبعاً الاسباني توب التوب
البورسلان اقوى واجمل واغلى لكن لازم ولابد ان يركب على صبه بالغراء الخالص غراء بورسلان ولا تسمع لاي باكستاني او بنقالي يقول لك غير ذا الكلام وتقدر تتواصل مع الشركه المورده له وتتأكد
ركب بورسلان صيني حبه كبير حليبي نصف لمعة،نصيحةلا تركبه بالغرا خاصة اذا تستخدم مطهرات وكلور للارضيه ينفك بعد فترة،ركبه اسمنت اهم شي المبلط عندالتركيب يوزنة ومايخلي ذرةهواء او حصا تحته مع فواصل ١مل وعبي الفواصل اسمنت ابيض يجيبك ٥٠سنة،يحتاج كل بضع سنوات تجددتلبينة للفراغات اذاحبيت

اسئلة متعلقة

18 إجابة 246 مشاهدات

في بناء منزلي هل استخدم السيرايمك أو البورسلان ، ماهي مميزات وعيوب كل نوع ؟...

12 إجابة 210 مشاهدات

باختصار محتار جداً ولا عندي الخبرة الكافية ! ايهم أفضل السيراميك أو البورسلان ؟ من ناحية كل شيء جودة وشكل وسعر وغيره...

10 إجابة 730 مشاهدات

عندي سيراميك وبورسلان والباركي بالنسبة للارضيات.. اعمل معها خلطة اسمنت او غراء او مكس؟...

17 إجابة 205 مشاهدات

السيراميك أو البورسلان أيهما تنصحوني فيه ؟ ماهو الفرق بين السيراميك والبورسلان ؟ وأيهما أفضل السيراميك ... يروح السوق يحتار وكل بائع يمدح اللي عنده...

 

لعشاق الأخبار : هذا تطبيق يمكنك من خلاله مشاهدة كل القنوات   smile 

اضغط هنا لتحميله من المتجر


...