الحضانة لي بحكم القاضي ورفض الأب إعادتهم من الزيارة ؟

Question

طليقي اخذ عيالي وقت الزياره ورفض يرجعهم لي تنفيذ الزيارات بمركز شمل يوم جيت اخذهم وقت التسليم قالو لي الاب رافض ويدعي ان العيال يشكون من عنف وضرب عندي وانه يحتاجهم في افاده ضدي ايش اسوي هذا يحاربني في حضانة عيالي يبي ياخذهم مني وانا ماتزوجت عشانهم تكفون ابي تعلموني وش اسوي

Answer 1

يابنت الحلال باذن الله الامور تحل بعقلانيه اولاً اذكري الله والاب ربي يصلحه حده اسبوع ويطفش منهم ويرجعهم لك اذا انتي صبوره وغيره تذكري انه بينكم عيش وملح وتكلمي معه بهدوء انه لا نضيع اطفال ونندم بس معاند بين الكبار ،،او خلي احد من طرفك له احترام يكلمه او انتي بشخصك كلمي جد العيال

Answer 2

الموضوع بسيط قدمي على التنفيذ بانه خالف الزيارة ومنع تنفيذ الحضانه واذا عنده دعوى تعنيف يقدمها للحماية ولو ثبت لها باب وجواب اما الادعاء الباطل لانتزاع حق الحضانة بالقوة فلا والف لا النظام سيردعه واشكاله المادة ٩٢ من نظام التنفيذ تبين ذلك

Answer 3

إذا فعلاً يتعرضون لعنف من حقه يرفض و لا تشوفينهم. هم عياله برضو. و إذا رفع دعوى حضانة حتى لو ما تزوجتي و ثبت انه مصلحتهم في حضانته لهم سوف يحكم له.

Answer 4

مو بكيفه اقرب مركز الشرطه وقدمي فيه بلاغ خطف وبعدها قدمي عليه قضية لكن اذا فعلاً عيالك يتعرضون للعنف فا على ماظن رح تسقط حقك بالحضانة

Comments

اذا رفعت عليه بلاغ خطف بيرفع انه بلاغها كيدي و بتاكلها من الجهتين. لأنهم ماهم مخطوفين . مع أبوهم. قاعد يحميهم من التعنيف حسب ما ذُكر

تم التعليق عليه منذ 11 شهور

بواسطة ياسر

Answer 5

لاتؤخذ بإفادة الاطفال
الحضانه لك مالم تنكحي
بلغي غليه الشرطه لانه امتنع من تسليمهم ومعم صك حضانه مكتوب فيه انه مالم يتم تنفيذ الصك يسلم بالقوه الجبريه يتلونه من علباه

ولكن انا اقول اصبري عليه لين يخلص يرجعهم ماعنده سالفه

Answer 6

الطلاق فالسعوديه عباره عن حرب وكره وبغضاء وحقد وتمني الموت والاصابات البليغه والتشفي عند مصيبه الثاني وتصيد الاخطاء عند الحضانه وخطف الاطفال وترهيبهم وتهديدهم وتعنيفهم ويحسسوهم انهم هم السبب
وكان ماكان في عشره زوجيه وتبادل الحب والاحترام وتنازلات
اعوذ بالله ايش العالم المتخلفه

Answer 7

اذكرواااا يالربع تراكم محاسبين وانصحوى البنت بالعقلانيه والركاده مهما كان زوجها سابقاً وابو عيالها وش ذنب الاطفال محاكم ومطاق كبار بسبب حقد او حب بينهم،،،انتبهوا ربي يبلاكم في انفسكم وتسحبون في المحاكم تشويه سمعه وضياع اطفال

Answer 8

اسئل الله ان يهديكم وتتوصلون الى اتفاق وقناعه ان الابناء بحاجة الابوين
وان يتم الاتفاق بينكم على الزيارات بشكل مفتوح دون الحاجه الى المحاكم  وعيش الابناء في صراع نفسي