مارأيكم بالمكنسة الذكية ؟

Question

هل تنصحوني بالمكنسة الذكية ؟ هل هي مفيدة ، أو بس خسارة فلوس

ما هي أفضل ماركة مكنسة ذكية ؟

هل المكنسة الذكية عملية ؟

قولوا تجاربكم

Answer 1

المكنسة الذكية تجي موديلات مختلفة ومواصفات مختلفة ، فلازم تعرف ان المكانس الذكية تختلف بوظائفها

فمثلا فيه مكانس زي اللي عندي، تكون متوازنة المميزات مابين مسح بسيط للبلاط مع تنظيف ممتاز للفرش

وفيه نوع آخر يكون مخصص 100% للبلاط بحيث يكون تنظيف عملها 100% متخصص في البلاط لكن السعر مرتفع


 شف هذه
Braava Jet m6

Answer 2

اغلب المكانس الذكيه بتلاقيها غاليه لكن المهم انت ايش تبغاها له
المقصود اذا انت تحسب انها ذكيه لدرجه انها تدخل من غرفه لغرفه تنظف فتراها ماتخدمك
لانها تنظف في مكان معين وحسب اللي حواليها تدور في المكان تنظفه وحسب الارضيه اللي تنظفها يعني على الرخام والبلاط والسيراميك ممتازه جدا لكن السجاد وخاصه اللي شعرها طويل ممكن توقف ماتتحرك عليها فانتبه للنقطه ذي شف هي لاي سطح تنظف !
ثاني شي فيه فرق بين vacumm و sweeper الاولى تشفط مثل المكانس الكهربائيه وهذي الممتازه وتنفع للسجاد وجميع الاسطح الثانيه انتبه تنفس للاسطح الناعمه او السجاد اللي بدون شعر !
ثالث شي وضح للعيال انها ماهب لعبه وهذي نقطه اشدد عليها ههههههههه
مالك بالطويله الموضوع هذا عن تجربه طويله وانا ابحث عن الافضل وفي نفس الوقت كنت متردد لا ناخذ شي غالي ومانستفيد منه وبعد بحث طويل ونقاشات قررنا ناخذ شي سعره معقول للممرات والصاله اللي دائما تحتاج للتنظيف اليومي
واخذت وحده سعرها 50 دولار من جير بيست لقيت عليها مدح ولكنها sweeper يعني مكنسه من تحت بشعر فما تمشي الا على البلاط والسجاد الناعم والحقيقه ممتازه جدا للاماكن هذي وتنظيف ماتتخيل احيانا تعلق في مكان تحتاج بس للتحريك ولكنه تجربه جيده جدا والحمدلله بالنسبه لسعرها تعتبر شي بطل

Answer 3

انا جربتها مررررره روعه ريحتني كثيير ياربي لك الحمد كما ينبغي لجلال وجهك وعظيم سلطانك يمكن لها ثلاث اشهر عندي والى الان ما واجهني منها اي مشاكل وان شاء الله تبقى معي طول عمري المشكله اني اخاف على بطاريتها لاني اخليها في الشاحن على طوول مدري اللي عندها زيي هل تأثرت بطاريتهم والا عادي اتمنى يكون في تفاعل من الجميع عشان الكل يستفيد

Answer 4

شريت  قبل عدة اشهر
سعرها غالي لكن للامانه تستاهل
تكنس البلاط والموكيت بدون مشاكل
طبعا الموكيت بشكل المكرونة كنست على بعضه عادي
لان نفس الخيوط مهي عريضه ولا قويه
اما البعض الثاني كان مره متين ف توقف لأنها شافت نفسها ما تقدر ثم رجعت للخلف
المكنسة فيها كاميرا عشان تسوي خريطة للمكان اللي تكنسه وتبين لك مكان وجود الغبار والاوساخ
وتحصلها بتطبيق الجوال وتقدر تخصص لها وقت معين تشتغل
وتقدر تتحكم بقوة الشفط يعني تشتغل المكنسة على وضع توفير الطاقه
او القوي جدا او الاعتيادي على حسب المنطقه اللي تطلع عليها اذا قويه يزيد البور حقها
عموما انصحك فيها ممتازه وعن تجربه

Answer 5

بالنسبة للبلاط والزوايا  والأثاث :

المكنسة الذكية تتعامل بعها بسلاسة ،فأغلب المكانس الذكية معتمده على قطعة بلاستيكة تدور مع عقارب الساعة
بحيث تدف اي شئ في الزاوية الضيقة اللي ماتوصل لها المكنسة

هذي القطعة لها 5 شفرات ولو تشوف فيديوهات للمكنسة بتلاحظ انها تدور مع عقارب الساعة بحيث انها تدف اي شئ في الزوايا الضيقة
بالجدران تقدر تسحب الاشياء من وصاخة او غبار او مناديل او اي شئ بحيث تدفه لمنتصف المكنسة عشان تنشفط لداخلها

Answer 6

المكنسة عملها الاساسي تنظيف السجاد او الفرش وفيه وضيعة بهالموديل انها تشتغل بحدة شفط عالية
اقدر اقول انها مماثلة للمكنسة العادية اذا ماهي افضل لانها تدخل تحت الكنب اذا كان كنبك في مساحة تدخل تحته بعكس المكانس العادية
اللي تضطر انها ترفع الكنب او توخره، بشكل عام تعتبر ممتازه على الفرش وحوض الغبار راح تشوف فيه بلاوي بعد الكنس

المكنسة حاليا انا معتمد عليها انها تحافظ على نظافة البيت بعد غسيل الارضيات فصار الوضع بدل مايصير تنظيف البيت في الاسبوع 3 مرات ( اتكلم عن الارضيات )
صار مع هالمكنسة في الاسبوع تنظف الارضيات مره وحده، والسبب ان فيه شئ يكنس بشكل دوري ويحافظ على النظافة اول باول

عني شخصياً معتمد عليها كمكنسة مكملة لبقية المكانس اللي عندي وريحتني كثير

وطبعا الوضع يختلف من شخص لأخر

Answer 7

مكنستي الذكية هي :  Roborock

 بصراحة ماكنت اعول على المكنسة الذكية الشئ الكثير، لكن ماشاء الله صدمتني بأدائها

الكفرات في المكنسة تساعدها ترقى تقريبا اصعب الاماكن بحدود معينه، عندي المطبخ بلاطه نازل يمكن 5 سم عن باقي البيت وماشاء الله تدخل وتنظف وتطلع المكنسة بكل سهولة

بالنسبة لقراءتها لجدران البيت والكراسي والطاولات او الكنب وكل مايجي قدامها، قراءتها بطله وغالباً راح تمشي بحدود كل شئ بحيث تغطي اغلب الاماكن، مافيه شئ يعيقها الا الامور اللي ذكرتها

أثناء عمل المكنسة لا افضل يكون فيه اطفال في المنزل لان ممكن يخربونها عليك

ميزة مسح الارضيات بالموية شئ بطل بصراحة، تبلل المكان لك بحيث تشيل الغبار وتشيل لك البقع السهله في البلاط اما البقع الصعبه غالبا ماتشيلها بحسب امكانياتها لانها في النهاية مكنسة بسيطة

-بعض الاماكن عندي في البيت صعب تروح لها المكنسة مثل تحت الكنب في مناطق تنشب فيها، فـ احد مميزات تطبيق المكنسة اني اسوي مناطق كحواجز بحيث المكنسة تعرف انها منطقة ممنوع تروح لها، نفعتني بعد في عتبات الحمامات الله يكرمكم بحكم انها رخام ومرتفعة بدل ماترقاها وانا ما احتاج هالمنقطة توصل لها

-جربت مره اغير مكان قاعدة الشحن اثتاء ما المكنسة تشتغل، لما خلصت رجعت لمكان القاعدة القديم ولا لقت القاعدة، قامت تسوي استكشاف لمكان القاعدة الجديد وفعلا قدرت توصل لها فيعتبر شئ حلو من المكنسة، مع ان الواحد مايحتاج يغير مكان القاعدة اثناء تشغيل المكنسة، لكن جربتها بشوف امكانية المكنسة لحد وين

-سلك المكنسة قصير لكن يشابه لحد كبير اسلاك المسجلات وبعض الطابعات، فتقدر تبدله بسلك اطول، ولقيت بـ aliexpress اسلاك لها طويلة بسعر رخيص جدا

Answer 8

مكنسيتي الذكية للاسف مايصلح تستخدم اي مواد تنظيف معها السبب :

المكنسة مصممة بحيث فقط تبلل قطعة قماش اسفلها بحيث البلل اللي يصير على القماش يساعدها انها تشيل اغلب الوصخ والاهم هو ( الغبار )

فشفط الغبار المتطاير + تبليل الارضيات بالمنشقة = مهمتين مكملات لبعض

والنتيجة ارضيات سيراميك او بورسلان نظيفة والمشي عليها ماتحس فيه غبار

اما اذا حطيت صابون او ديتول، راح يتسبب في صناعة رغوه او فقاقيع والمكنسة ماهي مهيئة لوضع مواد تنظيف

خاصية مسح الارضيات في هذي المكنسة عملها الاساسي ( ماء ) فقط

Comments

فيه مكانس ثانية متخصصه بالارضيات


ان شاء الله اني افدتك

تم التعليق عليه منذ 1 سنة

بواسطة تامر

Answer 9

استخدم المكنسه تقريبا من اول ما نزلت
لدي مكنستين اشتريتهم من امزون الامارات والتكلفه
تقريبا نفسها 2000 ريال واصله لعندي مع الشحن والضريبه
رأي في المكنسه افضل من رائعه عن تجربه لمكانس مختلفه ومشابهه
لا توجد للان مكنسه بنفس السعر منافسه لهذا المستوى
بل انهى افضل من مكانس تصل قيمتها الى 3 الاف كم تفضلت وذكرتهم
كل الي عليك العنايه العنايه العنايه فيها بشكل مستمر كل اسبوع ع الاقل
وتعبئه التانكي بشكل يومي او حسب الرغبه والمساحه
تم اضافه المكنسه ل alexa واصبح بامكاني اختيار مكان التنظيف بالصوت

Answer 10

سمعت عنها وشفت مقاطع لها باليوتيوب وتراها نازلة من سنوات بس توها تجينا
والصباح بغيت انزل موضوع عنها ابغى اسمع تجارب البنات ياري يفيدونا عنها
من ناحية شغلها ونظافتها والشحن حقها وكم سعرها ومن وين شروها

Answer 11

جارتي عندها تقول مرررة متااااازة بس عيبها ما تكنس الحواف والاركان

Comments

طبيعي الحواف صعبه حتى على المكنسة العادية
اهم شي المساحات العامة ..

تم التعليق عليه منذ 2 سنوات

بواسطة خالد

Answer 12

أنا أيضاً حابه استفسر عن مكنسه الروبوت من شركه ILIFE هل كويسه ام لا الشركه

ابغا مكنسه تمسح وتكنس وتساعدني بالتنظيف اليومي وسعرها مناسب وتفي بالغرض

واذا احد جرب شركات ثانيه يقولي كيف آدائها ومن وين اشتراها وسعرها

لان شيكت ع اغلب المواقع ماحصلت شحن للسعودية

Answer 13

بصراحه كنت انتظر شخص يتكلم عن المكنسة الذكية بتفصيل لاني متردد بشراء المكنسة
ومايهمني  المسح بالماء هل يعتمد عليها ام لا ، لان اغلب بيتي سراميك ويهمني المسح أكثر من الكنس

Answer 14

عندي هذه ممتازة ومرتاح معها وكويسة بمسح الأرضيات