ماهي جلسة الصلح بعد الطلاق وكيف أتعامل معها ؟

Question

تكفون دلوني زوجي طلقني وبيحددون جلسة لصلح علموني وش هي هالجلسه وهل اقدر اقول لشيخ ما ابغى اتطلق واقدر اخليها حضوري علموني الي قد صارت له

Answer 1

تقدرين
تتوضين وتصلين ركعتين لله
وتدعين الله
والله بيصلح حالك
فالله يقول
(ان يريدا اصلاحا يوفق الله بينهما)
لاتدير امورك بنفسك فتفشل بل دع الامر لم بيده الامر

Answer 2

ابد يسالونكم عن الي صار ويحاولون يقربون وجهات النظر ويعطونكم حلول للتراجع عن الطلاق واذا كا فيه شروط للرجوع ووافقتو عليها يوثقونها بينكم واذا ما اتفقتوا يتم الطلاق وبس

Answer 3

نصيحتي حاولي تأجلين الجلسه لين تهدا نفوسكم
وحاولي تدخلين احد يمون ع زوجك يلطف الجو بينكم

Answer 4

جلسة الصلح فيها خير كثير

وإن كنتي تعتقدين ان الرجل مع الوقت المعقول ممكن يغير رأيه كلمي اللي يتواصل معك من موظفي الصلح قولي أبغى تأجيل الموعد واطول موعد ممكن على حسب النظام وبلغيهم بعدم رغبتك فالطلاق وانه مستعده لتلافي جميع الاخطاء وفتح صفحه جديده. وتجنبي أسباب الخلاف دائماً

Answer 5

يرسلون له رابط تحضرين منه عن طريق برنامج تيمز وهما يسئلونك اذا انتي تبينه باقي او تبين صلح وعاد براحتك اذا تبين صلح تقولين لهم يرفعون لك جلسه صلح اذا ماتبين تكون اخر جلسه بعدها صك طلاق والله يصلح مابينكم

Answer 6

الان صرحي بانك ماتبين الطلاق  " تصريح بدون تمسك"… وامدحيه كم مدحه قدام الشيخ قولي هو فيه كذا وكذا وهذا الي مخليني ما ابي اتطلق لكن اذا هو مصر على الطلاق فهذا قضاء الله وقدره والحمدلله

Answer 7

تقدرين تكتبين له كم كلمه حلوه تليني قلبه ، تقدرين تحطين سجادتك وتدعين ربي يسخره لك ، لو انتي اخطيتي فيه تقدرين كل شي تسوينه عشان تراضينه.

Answer 8

قولي الي عندك للمصلح اثناء الجلسة و بناء ع كلامكم  إما ان يتم الصلح  او يحددون جلسات اخرى او يقع الطلاق.  
وقبل موعد الجلسة استخيري.  
- لا مافي حظوري كلها اولاين.