اختي تبي ترفع علي قضية عضل ، تقول مانعها من الزواج ؟

Question

اختي تبي ترفع علي قضية عضل كذب وانا ما عضلتها عشان تتزوج اللي تبيه بعد ما ياخذ القاضي الولاية. السؤال وش الطريقة عشان اثبت كذبها واني ما عضلتها ؟ الوالد متوفي.

Answer 1

ايش اللي صار بينكم بالضبط اذا عضلتها لاسباب مقنعة ما راح ياخذ بكلامها القاضي مثلا انه غير سوي او انه خلقه سيئ بس اذا انه صالح اكيد بياخذ بكلامها

Answer 2

ياناس افهموا
ربما تريد تتزوج شخص ربما يكون حسب العرف خط اقل منهم خطهم يعني غير اصيل او شخص عليه ملاحظات يعني لم يأتيه الرجل المناسب
ربما حصل تعارف فالعمل والمرأة لاتعرف مصلحتها لين تتورط وتورط اهلها معها

Answer 3

بجلسة القضاء وضح للقاضي عدم صحة دعواها وأنه ما تقدم أحد
إذا ثبت ذلك ترد دعواها.
القضاء مبني على البينات لا الكلام السرد الذي لا يعضده دليل.

Answer 4

العضل لها هي وليست لك ، بعدين مافيها أي اثبات ولا أي دليل ، من واقع معرفة يحكم لها القاضي ان يزوجها حتى لو لم تحضر الجلسة ، ويمكن أنت فعليا ما منعتها قد يكون تمرد منها بس نصيحة اتركها تتزوج من ترغب به

Answer 5

اذا جائكم من ترضون دينه و خلقه فزوجوه.
اذا الي هي تبغى مافيه عيب ماهو من حقك تمنعه.
انت الظاهر فاهم العضل غلط.
ترى ماهو بكيفك تحدد من تتزوج اختك.
اذا بتحدد الافضل انت تتزوج بدالها و تعيش معه

Answer 6

لبعض الردود الغبيه هنا : العضل هو منع البنت من الزواج (لاسباب غير مقنعه)، مو تجيب واحد من الشارع تقول زوجوني اياه والا ارفع عليكم قضية عضل ، تو شفت مقطع حامت كبدي منه سعودي مع سعوديه يقدم لها خاتم الخطوبه بمكان عام وهي يع يعنني منصدمه وجع مانبي ذي العينات تتكاثر عندنا.

Answer 7

هي اللي تثبت مو انت

Answer 8

واضح انك فعلا عاضلها،، بس منت فاهم وش العضل،، زوجها برضاك ولا بيزوجها القاضي

Answer 9

زوجها اللي تبيه وتنتهي القضية،، ولا انت فاهم العضل شي ثاني؟

Answer 10

خلها تتزوج الي تبيه، ولو لقمت هي الي اتخذت القرار وأنت نصحت وسويت الي عليك. وش لكم بالمحاكم.

Answer 11

اذا انت فعلاً ما عضلتها عن الزواج ماراح تربح القضية ، لكن متأكده حتى وان كنت ما عضلتها الا انك متسلط عليها

Answer 12

انت تقول انها تبي تتزوج اللي تبيه وانك منعتها عنه وتقول انك ما عضلتها كيف هذي تجي

Answer 13

البينة على من ادعاء
هي المطالبة بصحة دعواها ولست أنت.
اتركها وشأنها هذا زمانهم
وانحني للرياح ما استطعت