السيارات الصينية ما رأيكم بها ؟

Question

حدودي ومقدرتي 50 ألف ، هل تنصحوني بشراء سيارة صينية أو شراء مستعمل ، لا أرغب بدفع فلوس أكثر فأنا لا أستطيع

ماهي نصيحتكم بخصوص السيارات الصينية

Answer 1

نصيحه لوجه الله الصيني ابتعدوا عنه والله اليوم واحد من الشباب سيارته MG5 من دون سابق انذار انكسر عمود المكينه واضطر يشتري مكينه جديده والسياره ماشيه 40 الف فقط ! وقبلها مروحه المكينه انكسرت سيارات سيئه الجوده ولا تتوفر  قطع غيارها وخدمه ما بعد البيع سيء جداً ..

Answer 2

الغريب كل اللي يقولون اهربي من الصيني ماجربوها ويستنيدون على واحد زميلي!

Answer 3

انا اخذت سيارة لكزس 2010 ببداية رمضان ب 42 الف
وزينة ماشاء الله سافرت عليها البحرين بعد العيد وجيت والحمدلله مافيها ملاحظات
لكزس LS460 2010
انصح باللكزس او تويوتا
اهم شي افحصيها عند مركز فحص معتمد ويكون المكينة والقير والكهرباء والمكيف سليم والشاص والايرباقات سليمة

Answer 4

نصيحه ابتعدي عن الصيني ، ننصحك بتويوتا او نيسان  سعر وقيمه واستعمال ممتاز وقطع غيار متوفر  ،

Answer 5

اولا الله يباركلك ويكتبلك الصلاح و التوفيق

ثانيا:-
ابعدي عن الصيني بعد السما عن الارض
لا يغرك شكلها وسعرها
روحي عند مازدا دفعه اولا٥٠ والباقي تقسيط مثلا Mazda 2
او سيزوكي صغيره اقتصاديه
او تايوتا عندهم السيارات المستعمله
في عملا متعثرين والحين تبيعها الشركه ممتازة

Answer 6

أقسم بالله بعد تجربة أقول:

لا تقرب الصيني
لا تقرب الصيني
لا تقرب الصيني

وإن اشتريت صيني وبهذلك بعد فترة تذكر هذي الرسايل الي تجاهلتها واشتريت.

Answer 7

خذي ميتسوبيشي اتراج جديده قيمتها بحدود هذا المبلغ او اقل وافضل من الصينيات

Answer 8

من تجربتي مبتدئه بالقياده اخذت نيسان سنتيرا 2020 بحدود 55 الف ممشى 22 الف ممتااازه اقتصاديه بالوقود خصوصاً انه يومياً مشواري للعمل رايحه جايه نصيحتي لاتآخذين صيني ابداً من زميلات العمل أخذت صيني وتبهذلت بعد حادث بسيط صارلها بعدم توفر قطع الغيار بالتوفيق وخطاك المولى شر الحديد ..

Answer 9

اليارس الشكل الجديد وحش ومواصفات ممتازة بسعر 62 الف ريال بالوكالة تجيك بعد 1٠ ايام بالحجز،،الصني الشكل القديم بالمعارض ب٥٥ الف ريال ،،السوزوكي أقل بشوي ولكن قطع الغيار لك عليه شوي ،،،
والله يعطيك من خيرها  يكافيك شرها ،،

Answer 10

ادفعيها فجديد حتى لو كنتي مبتدئه  في سيارات تساعدك على السواقه مميزاتها حلوه

انا فيوم كنت زيك ادور استشاره هنا وابحث الين رحت بنفسي المعارض وبصدفه شفت هافال h2 عجبتني واخذتها كاش ولها الان معاي ٣ سنوات ماشاءالله مرتاحه فيها

لاتسمعي للي يقول ابعد عن الصيني كل السيارات زي بعض

Answer 11

ابتعدي عن الصيني تماما ، اشتري توروس فورد مستخدم او كامري بدايه من ٢٠١٧

Answer 12

احرصي على احد عنده خبرة في السيارات يساعدك
غش وتدليس كثير في السيارات واتفاقيات لرفع الأسعار احرصي على الخبير الأمين

Answer 13

نصيحه قبل تشتري صيني تاكدي من توفر قطع الغيار بعض الشركات الصينيه، ما متوفره قطعها فعلى الطلبيه تتعطلي شهووور.