مارأيكم فريون أمريكي أو صيني أو هندي ماهو الفريون الممتاز ؟

Question

السلام عليكم ، ماهو أفضل فريون لتعبئة المكيف ، فيه فريون أمريكي وفيه صناعات ثانيه ؟

• فريون هندي
• فريون صيني
• فريون أمريكي

أين أجد الفريون الأمريكي الأصلي 

 قولوا لي نصيحتكم ؟

Answer 1

انا مشتري فريون من أمريكا وحاليا ساكو ماعنده نزل فترة و وقف. اذا انت بتعبي بنفسك لازم تروح عند واحد ويسحبلك القديم تفريغ لين يوصل الضغط حول 20 تحت الصفر, والا ماراح تستفيد شيء, واذا دخل فريون جديد مع القديم المنتهي هذا سبب قوي لخراب الكمبروسر

Answer 2

اليوم مريت محل لبيع لوازم التبريد
المهم لقيت عنده فريون للسيارات الصغيرة عبارة عن علبة اكبر من زيت الفرامل بـ 20 ريال
وللسيارات الكبيرة نفس علبة زيت المكينة بـ 50 ريال
الفريون امريكي اصلي

Answer 3

خل الفني يركبه لك ، أي خطأ بسيط يعدم عليك الكمبروسور وبعدين تظطر تغيره بسعر غالي جدا

واذا الفني أخذ زيادة شغل ايده طبيعي ، هو يتعب ووراه مصاريف وايجار

لا نصير دقيقين كذا

ندري ان الفريون الامريكي سعره كذا وكذا
وندري انه الفني ياخذ زود

بس هذي اتعابه ومصارفيه

وخبرته ،،

يعني انت ماتدفع قيمة الفريون انت تدفع زود عليها شغله وخبرته وتعبه

وهذا طبيعي

Comments

يعني الحين اروح للفني  وادفع 100 ريال زيادة عشانهم يكسبو ويسددو فواتيرهم
انا اولى بالـ 100 حتى انا عندي مصاريف !

---

يابن الحلال ، اذا عندك خبره وفاهم عادي ، بس لاتوهقون الناس وتخلونهم يخربون مكيفاتهم ويخسرون كمبروسور علشان توفير مبلغ بسيط

Answer 4

الفريون الأمريكي هو الأفضل
وموجود عند ساكوا
في علبه تعبئه فريون في ساكو مع العداد حقها ممكنن ٢٠٠ قريبا وتعبي اكتر من سياره

Answer 5

غاز الفريون مكوناته و طرق انتاجه لا تختلف من دوله الى اخرى

لا ينصح بالعمل بدون فني يقوم بموازنه الضغط و الحرارة بعد ضخ غاز الفريون في الدائره

Answer 6

الفريون ليس له عمر افتراضي
وممكن تحصل ثلاجه تعمل منذ 15 سنه
بالنسبة لأنواعه أشوف الأمريكي أفضلها

Answer 7

سمعت يوجد فريون أمريكي أصلي عند ساكو
خذه من عندهم
الفريون الأمريكي ثقة

Answer 8

تستطيع شرا فريون أصلي من عند ساكو

https://www.adslgate.com/dsl/showthread.php?p=1082889780

Answer 9

ساكو يبيعون دبات فريون امريكي امريكي

اخذته واصبحت اعبي فريون السياره بنفسي

شي تافه وبسيط

البحث عن المعلومه الان اصبح سهل جداً

ادخل اليوتيوب وتعلم

وفالك التوفيق

Answer 10

بعطيك معلومة اذا انت انسان عصامي وتحب التعلم اما اذا انت انسان كسول ولاتثق بنفسك فاتركها .
تشتري غاز امريكي اصلي تقريبا 550 ريال
تشتري هوز تعبئة اصلي 90 ريال
تشتري ميزان الكتروني 100 ريال
تشتري مضخة شفط 300 ريال
تشتري زيت فريون 12 ريال

وافتح مقاطع اليوتيوب وتعلم منها
للمعلومية كل مكيف له كمية فريون مكتوبه على المكيف اوزنها بالميزان بعد وضعه اثناء التعبئة على الميزان
وفر فلوسك واعتمد على نفسك

للمعلومية دبة غاز الفريون تكفي 8 سبيلت 24 وحده