تجربتكم ماهي أفضل أفياش الكهرباء

Question

ماهي أفضل الأفياش ، بانسونيك أو ألفا ، أو شركات ثانية ، احترت فساعدوني

Answer 1

من واقع تجربه الفنار مافيه زيهم ..
مرة عطل عندي جرس الباب واذا رفعت السماعه يطلع صوت صفير عالي ..
رحت للكهربائي فقال هذا تبع الفنار اتصل بهم ويجونك يصلحونه
والله جاني العامل وصلحه مجاني ورفض بشده يأخذ البخشيش وبعد ما أجبرته عليه مدري ليش بلغ الإدارة فاتصلوا علي اليوم الثاني متضايقين أني أعطيت العامل بخشيش .
هذا والله ما حصل معاي شخصياً

Answer 2

الفنار والصناعة السعودية غير جيدة

في البداية كويسة لكن بعد سنة سنتين تبدأ المشاكل ومن تجربة

مع انه منتج وطني وعندهم الضمان قوي واستبدال ووو من الدعايات هذي

لكن احس انهم يبون وقت حتى يوصلون للصناعة الصينية

انت تبي تركب افياش وترتاح مع كل شهر او اسبوع يخرب عليك فيش

شغله طويلة ومتعبه

انا اخوي مركب الفنار ميرا سيئة والازرار ماتطق كويس احسها تبي تخرب

شمسك وباور وهوينداي الكورية ممتازة والجميع ينصح فيها

Comments

والله انها خساره خسرونها الله لا يوفقهم المشكله المحل يقولي دق عليهم فاضيلهم انا الزبون يجلس من دون مكيف حتى تجون ماابي منتجكم الفاشل الله يعوض علينا

لكن كان المفروض اخذ فيشهم البديل وارجع ابيعه

تم التعليق عليه منذ 2 سنوات

بواسطة نجوى

Answer 3

الفا الفنار
أنصح بها، لماذا؟
لخدمة مابعد البيع حيث عند عطل المفتاح او الفيش اتصل برقمهم المجاني وتأخذ موعد بعد يوم ويحضر الفني يقوم بتغيير المفتاح العاطل بجديد ويأخذ القديم ويذهب، وهي خدمة رائعة جدا تفكك من الكهربائي والشراء وربما تأخذ مفاتيح لاضمان لها او ضمانهم شكلي.......

Comments

اكثر شي ندمت على تركيبه الفا حسبي الله ونعم الوكيل

من ثاني سنه خربت

تم التعليق عليه منذ 2 سنوات

بواسطة عبدالرحمن

Answer 4

لي سنتين مركب باناسونيك والحمدلله حتى الآن الأمور طيبة

واعرف ناس يمدحونها .. مو بس انا

Comments

انحش من بانوسونيك

اللي يمدحها قديم

الموجود الان تايلاندي

خلك في الفنار

كديكور بانوسونيك اجمل

لكن كجودة اسال الكهربائيين وبيقولون لك الفنار افضل اللي في السوق

واحذر تاخذ نصيحة بياع لانه بينصحك باللي عنده

تم التعليق عليه منذ 2 سنوات

بواسطة سليمان

Answer 5

باناسونيك التايلندي مية مية. وعندك سانيو مية مية.