كم الفترة اللازمة لترك اللياسة ترتاح ؟

Question

كم فترة ترييح اللياسة قبل البدء بالدهان ؟
 

Answer 1

المده من يومين ل ٧ ايام ويتم رشها مرتين يوميا الين ما يتم تماسك الأسمنت.
بعد ما تخلص المده مشي سيخ حديد على اللياسه لمعرفه أماكن التطبيل (الفراغات) وضروري تعالجها لا تستهون فيها عشان تتجنب التشققات في المستقبل.

Answer 2

مرحلة اللياسه تاخذ اقل شيء شهر -شهرين حسب مساحاتك .. كل يوم تخلص غرفه مقاس ٤x٥ وجدار غرفه ثانيه فقط .. ومن ثم تبدا مرحلة تبليط جدران دورات المياه وتاخذ منك شهر-شهرين ايضا ثم مرحلة الجبس بالتزامن مع تبليط الارضيات وتاخذ شهرين-٣شهور.. تحسب انك تليس في يوم وتدهن اليوم الثاني !!

Answer 3

غالبًا ستبدأ في مراحل جديدة كالتبليط والجبس قبل أن تبدأ في مرحلة الدهان ؛ لكن لو أنت مضطر أو مستعجل على الدهان مباشرة فأنصحك بالرش ٣ ~ ٥ أيام ثم ادهن بعد ما تنشف الجدران تمامًا - مع العلم أن اللياسة تاخذ وقت أطول لتجف في الشتاء مقارنة بالصيف

Answer 4

3 ايام رش بايام البرد وايام الصيف الى 5 ايام وبعدها اتركها لما تنشف من اسبوعين الى ثلاثه اسابيع وبعدها صنفره وابدا المعجون والاساس 3 وجيه

Answer 5

والله اعرف ناس يطبقون العماره من اول البناء لين اخر مسمار في ٣ شهور

Comments

البعض يدفن ذمته مع الاساسات لذلك يخلص بسرعة اما تشتغل بامانة فالموضوع ليس سهل

---

نعم معك يخلص بسرعه بس في ٣ شهور بدري عليه مايمديه لو ان ذكته من هنا لواشنطن .. بعدين السرعه ماتضر اذا فلوسك حاضره وعمالك شغالين على طوله فله تخلصها ب ٦ شهور .. شهر دفان +  شهرين عظم + ٣ شهور تشطيب

Answer 6

اول ما تنتهي من اللياسه تكون رطبه اذا موب مستعجل اتركها ٨ شهور الى سنه عشان تنشف وتطلع شروخ اللياسه وتقفلها وترتاح

Answer 7

الافضل من 3 شهور وطالع حتى تتضح الشروخ ومن ثم فتحها ومعالجتها وضمان عدم عودتها بعد الدهانات

Answer 8

بعد الانتهاء من اللياسة عندك مرحلة الجبس تاخذ فتره وبعدها البلاط بياخذ وقت وبعدها م تجي مرحلة الدهان الا الكركات كد طلعت ويقفلها الدهان  وامور طيبه ان شاء الله

Answer 9

مافيه شي اسمه اللياسة ترتاح ، اذا رشيتها زين مدة ٥ -٧ ايام مرتين باليوم توكل على الله وكمل الجبس والدهان ، واذا طلع شرخ او شرخين عادي الدهان بالصاروخ يحفرها ويعالجها وتنتهي

Answer 10

اللياسة لها مراحل اول مرحلة يتم تركيب الزوايا بالاعمده والمداخل لكي تضبط الزاوية وعدم انكسار زاويه العمود عند مداخل وتركيب شبك بين الاعمده والبلك وتركيب الشبك ٤ مم على مواسير المكيفات وقبل تركيب يتم تعبئة فراغات بالخلطة وبعدها يتم اعمال غسيل الجدران بالماء ثم طرطشة باستخدام سيكا