Question

تجاربكم مع مشروع  بقالة ؟ وهل هو مشروع ناجح ومربح ؟ ماهي نصائحكم ؟

Answer 1

البقاله لاتتوقف على المساحه والاجار بل يلزمها دراسه على
الارض كثافة المستهلكين واخذ المنافسين في الاعتبار وراس
المال والعاملين والشارع والمواقف وصاحب المال
خبرته وتواجده امور كثيره

Answer 2

كان عندي بقالة ارباحها بالنسبة للبيع 13بالمية
يكون الموقع على مدخل الحارة ويمين اللي طالع من الدوام اوقريب من مدرسة
توصيل الطلبات لازم يكون سريع
سل وانا اجيبك

Answer 3

والله أنه مشروع حلو بس بالنسبه للتأسيس صعب اشوي لأنه شغله لأن كل ثلاجه لازم تاخذها من شركه مراعي ببسي والكولا والفريز حق الأيسكريم والرفوف من الصناعيه القديمه

Answer 4

فيه طريقه حلوه سويتها  و أنصحك تسويها:

 تقول للعامل حط على جنب مبلغ 400 ريال يومياً مهما كان البيع والباقي يشتري النواقص لان البقالة صعب تعرف مكسبك ألا بهذه الطريقة

 يكون مكسبك 12000تدفع منها رواتب العمال والفواتير والباقي لك

Answer 5

1- ا لبقالة رقم واحد تعتمد على العمال اللي يبيعون

2 -تعتمد على حجم البضاعة ونوعيتها يعني مو معناه انك بقاله كل شئ رخيص وصيني
وتقليد لا جيب بضاعه يفضلها الناس

3- توفير البضائع الاساسية بكل أنواعها لكن يجي الزبون ويحصل نص ورقة المدام
غير موجوده ماعاد يجيك

4- المرونة والصبر على الناس يعني البيع بالدين على الدفتر الناس اخر الشهر
يروحون بنده  وغيرها بس بعد مرور عشر أيام يجوك يطامرون

5- التكييف وكثرة الثلاجات حتى لا تعفن البضاعة

Answer 6

اذا مافيه مخبز وثلاث فتحات
انسى المكاسب ممكن مكسب بس ماتسوا همها
ولابد ان تكون متواجد في بدايه المشروع 6 اشهر على الاقل
ودائما فهم العامل ان عندك زياده عماله في مدن اخرى

Answer 7

يارجال شوف الشاي جمله بكم وبكم ينباع فيه شاي ما أبي أقول اسمه يطلع عليه العلبة أبو 25 كيس ب 4.50 يبيعه عليك وانت مبسوط 18 ريال .
المهم كلمة مشروع خطيره جدا .

الألبان مافيها مكسب ابد غير هلل وبالكاد تغطي مصاريف كهرباء ومكسب ثلاجه. لكن لابد منها

Answer 8

اللي اعرفه من تجاره سابقه مكسب البقاله

20% من الدخل

بمعنى دخلك اليومي 1000 ريال المربح 200 والباقي يرجع مصاريف للبقاله

Answer 9

فتحت هالمشروع قبل كذا وماوراه الا وجع الراس ، ومكسبه بسيط جدا ويروح على الخساير

Answer 10

جرد بضاعتها بيشيب رأسك
اما سوبر ماركت كبير وتحط فيه باركود وبرنامج محاسبي ومكسبه تحفزك تتحمل تعب الجرد او بلاش

Answer 11

ما اعتقد مشروع ناجح حصوصا في ظل انتشار الهايبر ماركت والسوبر ماركت الكبير
ممكن تنجح لو علي خط سريع او مدن صغيرة غالب الي يشغل البقالة هندي او يماني بشرط تتركها لهم تاخذ مبلغ بسيط وهم ياخذون المكسب الي علية الكلام وذاك الوقت تلقاهم يشغلونها 24 ساعة بس ممكن يبيعون اشياء ممنوعة ولو انمسكو تروح انت فيها لان انت راعي الحلال
وما انصحك تصير تترك حلالك ل الاجنبي لان الي يترك حلالة للاجنبي دلخ

Answer 12

خسرتني 200 الف خلال 6 شهور ، البقالة وبالذات المتوسطة أو الصغيرة سئية جدا ومخسرة ، الأجانب اللذين يعملون فيها يستمر الواحد 12 ساعة عمل ، اذا هو بالراتب سوف يسرقك ، واذا هي له أو بالنسبة يبع فيها بلاوي ممكن تظرك قنويناً، الأسواق المركزية الكبيرة التي رأس مالها فوق المليون يمكن هي المفيدة ، الناس تروح للمتاجر الكبيرة فقط