اطرح سؤالاً
الراجحي اليوم جمدوا حسابي نهائيا وعملوا لي اخلا طرف بسبب كثره الحوالات على الحساب رغم اني عمل حر وشغلي كله موثق ومع ذلك تم اغلاق الحساب

إجابتك

أحب الناس إلى الله أنفعهم للناس ، هذا الموقع قائم على التعاون ، شارك واكتب رأيك ليستفيد منه الاخرون

اسمك الذي سيظهر (اختياري):
نحن نحرص على خصوصيتك: هذا العنوان البريدي لن يتم استخدامه لغير إرسال التنبيهات.

16 إجابة

 
أفضل إجابة
افتح حساب في بنك آخر
سابقا كانت الناس لازم نفس الحساب عشان الرسوم وعشان سرعة استلام المبلغ، الان ما تفرق حوالة سريع ورسوم بسيطه فما يهم وش الحساب مو شرط تلتزم الراجحي، ورغم ذلك لا تخليهم اشكهم وايضا اذا عندك اثباتات انك حاولت تفتح حساب تجاري وتم تعطيلك
أي احد قاعد يشتغل في حسابه الاساسي اقولك من الحين طلع لك حساب تجاري
ولا ودع حسابك .. المشكلة اني لي شهر قاعد اراجع الفرع عشان يفكون لي حساب تجاري بوثيقة العمل الحر وكل يوم كلام وعذر يبوني اسكن عندهم في الفرع عشان يفكون لي الحساب يعني لاهم الي فكو لي حساب تجاري وخلوني اشتغل ولا هم تركوا حسابي الشخصي في حاله بالله هذا بنك لكن برفع شكوى في ساما ونشوف وش نهايتها مع هذا البنك..
قدم شكوى في البنك المركزي .....واذا لم يحلها البنك المركزي قدم شكوى في هيئة الفصل في المنازعات المصرفية ....
 لا تستسلم لهم
لا تفتح حساب واحد افتح اكثر من حساب بنفس البنك وبنفس الوثيقة
نفس فكرة اكثر من خط جوال من نفس الشركة الاتصال
بحيث تتوزع عمليات التحويل على عدة ارقام حسابات بالراجحي وليس على حساب واحد

ايضاً حاول توفر خيار اخر غير الراجحي لـ عملائك مثلاً STCPAY مجموعة اخرى من البنوك ..
الراجحي معروف متشددين شوي بالاجراءات بسبب كثرة الاحتيال و خايفين

انتم تذكرون السالفة سرقة هاليومين .. ومعذورين

انصحك تفتح حساب بنك اخر لان الراجحي صارو متشددين
نفس وضعك تقريبا انا استقبل حوالات متعدده من خدمات الكترونية اقدمها وتم تجميد الحساب
راجعتهم وطحت على موظف محترم علمته بالموضوع وقال بنشيل التجميد
لكن لازم توقع على ورقة تعهد بعدم استعمال حسابك الشخصي كحساب تجاري
ولو حاب تستمر باستقبال حوالات تجارية افتح حساب تجاري

الزبدة اني قللت من استقبال الحوالات في الراجحي ورفعت عدد العمليات من عنده
وان شاء الله الامور طيبه.. العجيب اني استقبل اكثر في بنك آخر ولم اواجه مشاكل
افتح حساب تجاري او غير البنك

الحسابات الشخصية ترى نكبه اي مشكله تصير يسحبونك برجلينك
يطلع حساب شخص مطلوب او عليه بلاوي او او او تدخل في سين وجيم
مثل الي لا وقفت عند الصراف جاك واحد يقولك خذ هالفلوس وحولها لي لاتعرفه ولا تدري وش دنية اهله
تطلع فلوس مزوره او يطلع حساب مطلوب او او او

خذو الموضوع بجديه

كذلك الحسابات الشخصية ممكن بكره بعد مايشتري الشيء منك يطالبك بالفلوس مره 2
وياخذها طرق من المحكمه وبيقول انها سلفه لك

انتبهوا يا اخوان فيه ناس ماتخاف الله السرقة في دمها
انا مافهمت ليه تطلعون بالراجحي الي شايف نفسه ويحسب انه دائره حكوميه ؟ حتى فتح حساب جاري لازم موعد ومع اني مسوي اون لاين !
رح الانماء ولا البنوك الكويسه ذي وتضبط امورك
الراجحي لو تجيك حواله 20 الف قفلو حسابك !
الانماء تجيني اداعات احيان اولها قبل امس 28 الف ولا دقوا ولا قالو شي اصلا
الراجحي
و كثير جهات تجارية غيره
ما تحب تتعامل مع الجهات الحكومية كثير
عشان كذا دائماً تحصلهم يزيدون تضييق من عندهم على العميل و طز في العميل اذا كنا بنفتك من التعامل مع الجهات الحكومية

تحصل مثلاً البنك المركزي ارسل تعميم انه اذا شخص حصل حركة غريبة على حسابة
مثلاً استقبل مبالغ و اعاد تحويلها
مثلاً استقبل مبلغ كبير بشكل مفاجئ
مثلاً استقبل مجموعة مبالغ صغيرة لكن مجموعها كبير
المطلوب من البنوك التواصل مع العميل و التأكد من ان كل شي تمام و نظامي فقط لا اكثر ولا اقل

يجيك الراجحي يقفل حسابك و يحوس حياتك عشان اذا رحت لهم تطيح في موظف يحمل نفس عقليةالمنشأة التعيسه هذي و يقولك انت قبيلك البنك المركزي رح تفاهم معهم
كم عدد عملياتك تقريبا
وكم متوسط التحويلات

انا خايف يقفلون حسابي

عندي تحويلات بسيطه من 30 ريال الى 200
يعني يمكن بالشهر  20 عمليه فقط
وبعضهم يحطون مشتريات  
مع العلم اقولهم حطو شخصي وبعضهم يخافون انصب عليهم ويحطون مشتريات
اخوي عنده اعمال حره والراجحي قفلو حسابه

فتح بالجزيره واموره تمام
اللي أعرفه :

المفروض تحدد شهرياً كم عدد الحوالات وكم متوسط المبالغ ا
اي رقم يخرج عن اطار الرقم اللي ذكر عند فتح الحساب راح يجمدونه
اللي الرجحي جمد حسابه وعطاه اخلاء طرف بسبب التحويلات

اخلاء طرف يتم بتوقيع من الطرفين او من طرف واحد وهل هو العميل او ادارة البنك او مايحتاج توقيع ؟؟

اخلاء طرف هل معناته يتم اغلاق حسابك البنكي وعدم مطالبات البنك في اي امور ماليه تتعلق بالحساب ؟ مو المفروض مايتم اخلاء طرف الا بعد مايتم التثبيت والتأكد بشكل كامل من دخول تحويلات بشكل غير قانوني وعدم وجود اي توثيقات شرعيه بخصوص التحويلات ؟لكن في وضعك انت موثق وتحويلاتك سليمه فليش يعطونك اخلاء طرف؟

انا بحثت بهذي الجزئية لكن حصلت رؤؤس اقلام مافهمت بالشكل الصحيح انا مهتم في موضوع تجميد الحساب لان بعد فتره بيدخل حسابي مبلغ وقدره لكن انا اعمل كفرد والمبالغ اللي راح تدخل هي استثمارات باسواق المال ومالها علاقه بالأمور التجاريه وعندي مايثبت
لكن اخلاء الطرف لازم اشوف وضعه
تحديث : بعد ماقفلوا حسابي الشخصي وانفتح حسابي التجاري بعد مارفعت عليهم شكوى في ساما وفتحو حسابي قبل اسبوعين تقريبا .. الان بعد استخدام الحساب التجاري لمدة اسبوعين تم تجيمد الحساب التجاري كذلك !!! الي قبل لا يفكونه لك ياخذون كل الوثائق والاثباتات حقت شغلك وبعدها يفتح تم تجميدة
يعني قسم بالله قله حيا ولا في احد يوقفهم عند حدهم

معانا كم فلس نشغل فيها ضايقونا عليها
وش اللي حادك تبقى معاهم ويتعطل رزقك ؟ شوفك لك بنك أخر
البنك اللي ما يبي يخدمك هو الخسران.
روح شوف غيره لا تدور على حل انك ترجع له.
حول فلوسك usdc واحفظها لين ربك يفرجها ويفتحون منصة مدعومه عندنا
انا شغلي مو في العملات اصلا شغلي كله نظامي وعندهم كل شيء حرفيا عن شغلي المهم رحت لهم اليوم وقلت اشوف وش السالفة في الاخير قالوا فيه أوراق لازم تعبيها المهم جابوا الاوراق عشان اعبيها هي نفسها بالضبببط الي عبيتها قبل اسبوعين !! استهبال الموضوع بس والي يقول غير بنك ثاني اولا اغلب الناس راجحي ادري ان فيه تحويل سريع ولكن فيه ناس رغم ذلك لو ماعند راجحي يسحب عليك وهذي الفئة مره مو قليل ولكن الحل الثاني اني افك لي حساب تجاري في بنك اخر ويكوت فيه اغلب راس المال لان الراجحي اسوء بنك مر علي في التاريخ ولكن الشكوى لله
فلوسك تنسحب وترجع لك غصب عنهم فلوسك ماتضيع بس حسابك يتقفل ويعطونك فلوسك الا في حال كان الفلوس الي في الحساب تتعلق بقضايا فساد وما الى ذلك ممكن تتجمد حتى تثبت من وين لك هذي الفلوس
الراجحي من الاخر اقولها لكم من الاخر

اذا ما عندك حساب بسجل تجاري انسا رح يجمدونه

البنوك الثانبة أخف شوي

اسئلة متعلقة

8 إجابة 179 مشاهدات

هل يستطيع احد معرفه رصيدي في حسابي البنكي من خلال رقم هويتي ؟! سواء بطريقه مشروعة او غير مشروعة ؟...

12 إجابة 422 مشاهدات

السلام عليكم ، أريد أفضل بنك في السعودية ، من حيث التعامل ، سرعة الإنجاز ، التعامل ، توفر الفروع ، محتار حالياً بين الراجحي والبلاد ....

7 إجابة 172 مشاهدات

اذا الاب رفض الحضانة وأنا الأم عندي أسباب جدا كثيرة ورفضتها ايش ممكن يكون الحل ؟ واذا صار في رفض ما الحل ؟ عمر الطفلة اربع سنوات ونص...

14 إجابة 279 مشاهدات

عندي حكة داخل المهبل متعبتني ، الغريب إنها فقط في البيت ، ولما استخدم ماء غير ماء البيت تذهب وباختصار هذه تفاصيل سؤالي :...

 

لعشاق الأخبار : هذا تطبيق يمكنك من خلاله مشاهدة كل القنوات   smile 

اضغط هنا لتحميله من المتجر


...