بنات ماهو أفضل جهاز ليزر منزلي ؟

Question

ماهو أفضل جهاز ليزر إزالة الشعر ؟

هل الليزر المنزلي مفيد وفعال ؟

Answer 1

فيلبس حلو بس سوي كل اسبوعين اول شهر وبعده كل ماطلع الشعر شيليه حتى يصير مره كل شهرين ومع الاستمرار يطوول الشعر مايطلع. انا جربته بدون مااسوي بالعيادة والنتيجه حلوه مع الاستمرار

Answer 2

انا عندي ليزر منزلي بصراحة مرره جمييييييل اخذته من اكستر
كنت استخدمه ومن جد خف الشششعر وقل مره يعني فيه مناطق م يطلع الشعر فيها نهائي
ودحين وقفت استخدامه لاني حامل
توكلي ع الله واشتريه

Answer 3

اذا حطيتي ع درجة عاليه يمكن يسبب حروق
بس انا كنت دايم احط اعلى شي و مره جاني حرق ف بطني بس كان خفيف و دحين راح
وبالنسبه للالم هو له درجات 12345

 انتي جربي وشوفي اي رقم يناسبك حرارته
طبعا 5 اعلى شي بس ما عور مره يعني الم محتمل

Answer 4

الليزر المنزلي حلو
لكن الصراحة ترا حق العيادات افضل و اقوى
وانا احس الليزر المنزلي كأنه اداه تشيلي فيها فترة و يرجع يعني زي الحلاو
يعني ما تستغني عنه لابد كل شهرين او ثلاث ترجعي تسوي
>> كأني حيرتك زيادة
بس ترا هو افضل اداه جربتها لإزالة الشعر
ولو تقدري تروحي عيادة روحي ولو ما تقدري اشتريه بدون تفكير

Answer 5

أنا عندي فيليبس لومينا ..صارلي 4 شهور تقريبا أستخدمه...لاحظت في فراغات في منطقة البيكين واضحه الحمد لله والأباط الذقن يعني يطلع شعر للحينة عندي منطقة الذقن من أسقل قاهرتني الشعر مستعصي فيها

السيقان الشعر بعده يطلع ولكن هناك فراغات معدلها ثابت للحين يعني ما شفت زياده فيهم ولكني مستمره  وإن شا ءالله خير

هو ما يوقف نمو الشعر هو يبطئ نموه حتى الليزر نفس الشي

Answer 6

بخصوص الحروق لاحظت اسوداد تحت أباطي والسبب كنت أستخدم درجه 5 والمفروض أقل وكنت عارفة هالشي وطنشت الصراحة كنت أريد اخلص بسرعه وما كانت فارقه معاي علما إني اليوم كنت لسه بدور ع خلطات للسواد ههههه

Answer 7

قبل لا أشتري الجهاز كنت مجربة الليزر للوجه في كذا عياده ..وما فادني زاد الشعر عندي وكنت مسويه فوق 5 جلسات والوبر تحول لشعر أسود سميك ...نصحوني بالعلاج الكهربائي سويت أكثر عن 10 جلسات كمان ما فادني غير إنه الشعر خف سمكه وحده لونه في مناطق من وجهي ولكن كثافته هي هي ما تغيرت لا بالليزر ولا بالكهرباء ..جربت ليزر تحت الأباط زادو الجلسات عن 9 ول  استفدت ...فالظاهر إنو جسمي من النوع اللي ما يستجيب بسرعه ..لأني قبل لا أشتري الجهاز شفت ريفيوز كتيره لمستخدمي جهاز فيليبس ذكروا فيها البنات إن جسمهم أستجاب بسرعه كبيره وما كملوا ال 6 جلسات

Answer 8

انا عملت 8 جلسات ليزر والحين .. كاني ما عملت شي طلع الشعر كله ..
وانا متزوجة جديد هذا غير ان بقع الحرق ما راحت من منطقة البكيني يعني الشعر طلع .. وفي بقع حرق كمان

Answer 9

الحين ثالث جلسه لي ونتايجه جمييله
الشعر صار ناعم وبعض الأماكن فيها فراغات
هو المفروض يستخدم كل اسبوعين
بس انا استخدمه كل اسبوع او كل عشر أيام
وانتي حره انتبهي لا يحرقك انا عن نفسي ما ضرني
الجهاز صغير وحلو و يشتغل ع الكهرباء يعني مو لازم شحن
استخدم لكل جسمي درجه 5 لان بشرتي بيضاء وشعري اسود
انتبهي اذا عندك مناطق غامقه خفي الدرجة لأنه يحرق
الألم تحسين بلسعه خفيفه
اكثر منطقه حسيت جاب نتيجه هو الأبط
خف بنسبه 50 في الميه تقريبا

Answer 10

ليزر فيليبس ممتاز وشوفي النهدي ممكن يسووا له عروض

نتائج الأجهزة تختلف من فتاه لأخرى حسب طبيعة بشرتك و مدى كثافة الشعر بها, و حسب مدى سماكة الشعرة نفسها, لكن اهم نقطة اوصيكم بها هي ان تنتظموا بجلسات الليزر بعد شراء الجهاز لأن هذه هي النقطة الأهم لحصولك على بشرة ناعمة بأذن الله تعالى.