يا شباب أنا صراحة تابعت أغلب الردود ولاحظت أغلب الردود سواء كان بالإيجاب أو نقد بس في مشكلة ما أدري إن كان ما أحد تنبهلها
هي أن كل شركة سواء هانكوك أو ماشلان أو مارشال أو برجستون ... إلخ
لها عدة إصدارات وعدة فئات من نفس الشركة ناخذ مثلاً
هانكوك لها إصدارات ( بغض النظر عن الجهه المصنعة ) متنوعة وكل نوع له أسم معين بعضها مخصص للطرق الصحراوية وبعضها صنع خصيصاً للطرق المعبدة فقط!!
والبعضها صنع للجمع بين الصحراوية والطرق المعبدة .. وبعضها مخصص للسباقات والسيارات الرياضية
فما أدري لما واحد يسب شركة معينة بسبب تركيبه لنوع معين من منتجاتها لا تتوافق مع ما يريد مثل الليونة الزائدة أو الخشونة أو أنه لايتحمل الحرارة المرتفعه ... إلخ
فقبل ما نقول أن هذي الشركة جيدة أو تلك أحسن منها .. أرجوا من الأعضاء الكرام عند ذكر جودة الكفر أو سوءه ذكر إسم الشركة وإسم الكفر نفسه يعني مثلاً
نوع الكفر هانكوك إسم الكفر أوبتيمو إتش 727 من ثم تذكر إيش اللي صار لك مع الكفر .. لكي تعم الفائدة أكثر .. ويصير الواحد على بينة عند إقتناء طقم كفرات جديدة
مو زي حقين البنشر أدخل عليه يقولي خذ هانكوك ولا ميشلان أحسن أقله ليش أحسن
يقول !! معروف إن الميشلان أحسن !! أقله طيب ليش !! يقول !! هو معروف أنه أحسن !!
لما عايرت الكفر السرعة القصوى اللي يتحملها موديل الكفر اللي عطانياه
للأسف طلع ما يتعدى 140 كيلوا في الساعة يعني لا مشيت في 160 في خط سفر إحتمال كبير جداً جداً إنه يضرب عليك في أي لحظة .. من غير أن عمره الإفتراضي راح يقل بشكل كبير جداً .. أرجوا أن أكون أوضحت الصورة
وكفانا الله شر الطريق .. ودمتم بود
وللمعلومية تقدر تدخل على موقع أي شركة كفرات تبي تركب منها .. وتدور على المواصفات اللي أنت تبيها ( ليونة أو خشونة ، رياضي ، عادي ، السرعة اللي يتحملها ، والحرارة القصى له + التراكشن .. إلخ ) بعدين يحددون لك إسم ومقاس الكفر بعد ما تعطيهم إسم وموديل سيارتك وأبد خذ الإسم ورح أقرب سوق أو تجمع لمحلات الكفرات وأسأل عنه وشوف بكم هو وإيش البدئل له ..
