فينيل أو سيراميك أفضل ؟

Question

تعبت من الحيرة ، أيهم أفضل لمنزلي سيراميك أو فينيل ، ماهي تجاربكم ؟

السيراميك غالي شوي ، الفينيل أرخص 



 

Answer 1

انصحك تركبه ولا تشاور احد ..

انا مركب عندي فينيل في الصاله من اربع سنوات
على شكل باركيه
- منظره جميل
- سهل التنظيف
- لو سقط منك جوال او كاس ماينكسر

ركبه اليوم قبل بكره ..  
اهم شي اختر شكل رسمي .. وابتعد عن بعض الاشكال المزخرفه ..

Answer 2

نصيحتي لك وعن تجربه لا تفرشين فينيل لانه سبب في تجمع الصراصير الصغيره في المنزل والله جربته وجنني بالصراصير مع اني فارشه النوع الغالي ومارتحت إلا يوم شلته ورميته بس خساره

بعدين هو نفس التكلفه من حيث السعر وفيه سيراميك ب13 ريال تقدرين تاخذين منه ارخص وانظف من الفينيل عزيزتي

واذا ماتقدرين انا اشوف انك تغطين المساحات بقطع من السجاد من السعر المتوسط

Answer 3

والله أنا حاطة الفينيل في مجلس الرجال وفي المطبخ   بس والله لو تشوفي كأنو جديد

يعني بسراحة مريح وأحسن من السراميك
وفي البرد مايسير بارد مرة ........عشان مايمرضوا الاطفال

Answer 4

عندي المطبخ والحمامات فينيل البيت الي استأجرناه
والله وسخ مايصلح لمناطق فيها ماء واستخدام قاسي
كذلك السيراميك لما تدعكينه يمشي معك وينظف لكن الفينيل ادعك الى بكرة مايبين فيه ، كأنه ماسك الوسخ

Answer 5

السؤال : أنتي مركبه سيراميك الان

إذا مركبه سيراميك أحس مو صح تخربيه وتحطي فوقه فينيل

Answer 6

السيراميك لك وللزمان ، عكس الفينيل ، ومن تجربتي لم أستخدم الفينيل لكن مرتاح مع السيراميك ، وللعلم هو أكثر شي منتشر عند الناس ، وخلك مع الناس

Answer 7

هذه من عيوب الفينيل :

- تظهر به الخدوش عليه عند تحريك الأثاث بصورة قوية ، أو المرور بأله حادة عليه

- لا يتحمل المنظفات القوية  مثل الفلاش ، و لكنه ينظف بسهولة بأستخدام أي منظف سائل مخفف و مسح الأرضيه به و تجفيفها

- عمره الإفتراضي أقل من السيراميك

- تجمعات المياه لو ذهبت تحته من خلال أي شق أفسدته ، وقد تسبب تجمع الحشرات