أيهم أفضل الباركيه أو الفينيل ؟ ساعدوني ؟

Question

ماهو الأفضل من تجاربكم ؟ الباركيه أو الفينيل لأرضية المنزل ؟

Answer 1

هذا الفيديو يساعدك بالاختيار بين الباركيه والفينيل

ولعلمك الباركيه حلو لكن يفضل يكون في مكان قليل الاستخدام مثل غرفة النوم والمجالس ، مو مطبخ ولا غرفة معيشة

المطبخ مثلا افضل له الفينيل لانه الفينيل ضد الماء

عكس الباريكه مايصلح ابد مع الماء

Answer 2

الباركيه الاصلي اسعاره خيال مره  

والباركيه التقليد سعره أرخص

والسيراميك  اسعاره درجات حسب النوع

فيه سعودي ومصري وهندي واماراتي واسباني اسعارها حلووه

مانصحك ابدا في الصيني

الفينيل اسعاره مثل السيراميك

Answer 3

الباركيه ممكن تنقلينه معك لاي مكان
فمو خساره عليه ......اما الفنييل انصحك بالسريع
عنده اشكال كثيره وبعضها كانها خشب باركيه

Answer 4

السيراميك الرخيص كمان اشكاله حلوه مو شرط سيراميك غالي

 والله فيه اشكال خياال جربي وتوكلي على الله صح هو شوي حوسه بس نظيف وصار رخيص الحين ولا تحطين في البيت كله اكتفي بالمداخل والصاله والباقي موكيت غرفة اولادي حاطتها فينيل بس والله ودي حطيتها موكيت ذبحهم البررد والطيحات الله يحفظهم يعني اذا عندك اطفال

حطي غرفتهم موكيت صدقيني بتتعبين معخم في الببرد بتصير غرفتهم ثلج

Answer 5

الباركية غالي جداً ... أما الفينيل أنواع الجيد منها شوي غالي واستعماله جيد مثل البلاط لكن مايتحمل الأثاث الذي يتحرك من مكانه بإستمرار قد ينقطع ... وإذا تسرب له الماء يتنفخ مثل الخشب ... موفقه

Answer 6

انا ركبت الفنيل اللي شكله مثل الباركية كأنه خشب في غرفة بناتي
الصراحة روعة ما تميزين ان اهو باركية او فينيل
بيكون احسن من الباركية ان ما يطلع صوت لما تمشين عليه
وما تصير الغرفة باردة في الشتاء

انا اخذته بنفس سعر الباركية

Answer 7

بالنسبة لي كنت بنفس دوامتك لكن اللي كنت ناوية أغيرهم هي الصالة وغرفة نومي أنا وعيالي
ورسيت على الفينيل لأنه يناسب ماديتنا  الفترة هذه وفي نفس الوقت أشكاله روعه
الصالة إخترنا لها شي يشبه الباركيه وغرفة أولادي أخذنا لهم شي فيه رسومات حدائق ومباني وطرق سيارات
وغرفة النوم تشبه السيراميك والكل إنهبل على الغرف لما شافها مع إنهم ما كانوا موافقين على الفينيل
اللي يقو لي باركيه( وطبعاً سعره مره غالي) وإللي يقول لي موكيت( وتنظيفه متعب بشكل خاصة مع الأطفال)

غير كذا أسهل في التنظيف من الموكيت بكثير وهذا اللي كنت أدوره

Answer 8

من واقع خبره وتجربه .. وتركيب في بيتي .. ركبت الباركيه نوعيه وسط .. ممتاز ماشاء الله جمال ومنظر .. وركبت الفنييل نوعيه ممتازه  مثل شكل الباركيه ونفس السعر .. لكن الجمال والشكل للباركيه .. لذلك انصح بالباركيه فهو أفضل شكل واجمل ..

Answer 9

عن نفسي أحب السيراميك

الفينيل مزعج من ناحية يجمع ماء تحته وحشرات وغير عملي لو تسحب عليه أي شي انقطع

الباركيه برأيي يصلح للمحلات ، مزعج وصوت

السيراميك عشقي .. وفيه منه رخيص وغالي وكل الاشكال اللي تناسب كل الأذواق

Answer 10

شوفي اختي الباركيه ممكن تنقلينه معك لاي مكان
فمو خساره عليه ......اما الفنييل انصحك بالسريع
عنده اشكال كثيره وبعضها كانها خشب باركيهه

Answer 11

خذي فينيل  
انا كان عندي في شقتي الاولانيه مررره ارتحت عليه ولازم يكون سمكه متين شوي
عشان ما ينتفخ معاك مخطط 8 في الدماام مليان محلات الفينيل والا شكال اللي تبينها
والباركيه سمعت انه يجيب الصراصير والله اعلم

Comments

أنا سمعت العكس انه الفينيل يجيب الصراصير

ويمكن كلهم .. يازين السيراميك بس

Answer 12

نصيحتي لك وعن تجربه لا تفرشين فينيل لانه سبب في تجمع الصراصير الصغيره في المنزل والله جربته وجنني بالصراصير مع اني فارشه النوع الغالي ومارتحت إلا يوم شلته ورميته ، السيراميك برأيي أفضل منهم كلهم

Answer 13

هذا فيديو يتكلم عن الفرق بين الفينيل والباركيه

Answer 14

هل يمكن وضع الفينيل الرول على اللباد العادي اللي يكون تحت الموكيت لاجل رفع سماكة الفينيل

Comments

نعم اخي ويعطي ليونه وسماكه وناس تسويه

لكن لازم تنتبه انه الفينيل بهذي الحالة يصير أسهل قطعه وخدشه

Answer 15

أنا سمعت الفينيل يشرب الماء اذا لم يجفف بسرعه ...  له صلاحية محدده خلال ثلاث سنوات ستضطر لتغييره
لا أعلم هذا الكلامم صحيح أو لا

أو هل فيه محا  يضمنه لي فتره طويلة بحيث استبدله اذا صار له هذا الشيء

Answer 16

كشكل الباركيه مررره رائع

لكن ما تشطفيه بالماء لانو ينتفخ اذا صار عليه سوائل وما انمسحت ع طووول

وسعره ارفع من الفينيل

يعني اختاري : يا شكل حلو أو شي عملي يتحمل الماء