اطرح سؤالاً
احترت في تركيب المكيف الصحراوي في المنزل ، البعض يقول تعب ورطوبة ومرض ، والبعض يقول مهم جداً في جونا ، فهو يساعد المكيفات بالتبريد ؟

إجابتك

أحب الناس إلى الله أنفعهم للناس ، هذا الموقع قائم على التعاون ، شارك واكتب رأيك ليستفيد منه الاخرون

اسمك الذي سيظهر (اختياري):
نحن نحرص على خصوصيتك: هذا العنوان البريدي لن يتم استخدامه لغير إرسال التنبيهات.

15 إجابة

 
أفضل إجابة
المكيف الصحراوي يصلح  للصالات الكبيرة وبئر السلم ويؤدي ذالك إلى عمل توازن في تبريد المنزل او البنايه مما يساعد على رفع كفاءة التبريد للمكيفات الفريون ويساهم في خفض تكلفة الفاتورة الكهربائية
تجربتي كان عندي مشروع أرانب بالبيت صغير  حق مزمزه..  وكنت حاط صحراوي لحاله داخل الغرفه مغلقه وكان التبريد ضعيف بحكم انه داخل الغرفه.. واضفت عليه مكيف فريون يشتغل بالتايمر.. فكانت النتيجه بروده عاليه وجو رطب ودك ترقد مع الأرانب
بعيداَ عن المكيف الصحراوي

يا جماعة  (فيه معلومة) من واقع تجربة دائماً دائما ثم دائماً اختر مكان تركيب مكيفك السبيلت على اساس ان يكون يدفع الهواء بطول الغرفة او الصالة وليس بعرضها برودة جيدة جدا + فاتورة اقل
الصحراوي غلط يحط بالسطح او في مكان غربي مايبرد
عندي بالصالة ركبته بالسطح واذا جاء الحر من 11 الصبح يبدا مايبرد
نزلت الصحراوي وركبته على الصالة مباشرة والصحراوي من بعد الظهر يكون في ظل
فرق 180 درجة
صار يبرد
والشيء المهم الناس تركب مروحة للصحراوي وهي سبب صوت الونين ومزعجة لكن مروحة الصحراوي العادية البكرة اقل صوت اذا مهتم بالتزييت كل فترة
صحيح ...عندي صحراوي مركبه في المطبخ
والاسبلت في الصاله ...اشغلها سوى
الجو يصير براد طبيعي في كامل البيت
المكيف الصحراوي يجيب لك ريحة الاكل وينشرها باليت ؟ إلا إذا ماتطبخون بالمطبخ طبخ ثقيل
المكيف الصحراوي يركب في الأماكن المفتوحة أو الأماكن ذات التهوية الكبيرة فقط و ليس في المنازل ولا حتى الصالات و شرط أساسي انا تكون الرطوبة قليلة
أو في المنازل بشرط ان يكون الحمل الحراري قليل و ان تكون ذات تهوية كافية و نسبة رطوبة قليلة
احسن شي تسويه تركب صحراوي في نص البيت يكون شغال ٢٤ ساعة واذا فيه احد جالس ولا شي يشغل الاسبيلت يساعد الصحراوي ويزيد بروده لان الحين فيه مشكله عندنا مثلا تروح الدوام الصبح ترجع العصر البيت يغلي من الحراره يبغالك ساعات لين الميكفات تبرد لو فيه صحراوي ٢٤ ساعة شغال مارح يكون هذه الحراره وترى يريح البرادات والثلاجات اللي في المطبخ يجيب لها هوا بدال ماتكون شغاله في الحر
ما يحكم  استخدام الصحراوي او الفريون  هو نسبة الرطوبة  الجوية في منطقتك , فالاماكن التي تكون قريبة من البحر هذه لايصلح لها الصحراوي اطلاقا , والعكس عندما تكون المنطقة جافة وصحراوية  فالصحراوي اكفأ من المكيفات العاملة بالغاز , لكن مشكلة الصحراوي الفعلية  هو انه بحاجة الى اكسوزت يعني لازم يكون فيه شفاط يسحب الهواء الرطب جدا من البيت  ويكون هذا الشفاط يعل تزامنيا مع المكيف الصحراوي من ناحية السرعة /الدرجة  فكلما زاد دفع المياه لهواء المكيف يجب ان تزيد سرعة الطرد  وبهذا لن يشعر احد  بأن المكيف صحراوي وسيكون الجو رائع والهواء لطيف .
طبعا يمكن  تكييف بيت بأكمله بالصحراوي شريطة ان تكون كل الغرف مفتوحة  وان يكون  هناك شفاطات طرد وان يكون المكيف او المكيفات كبيرة (لكن المشكلة ان البيوت لاتعد او تأسس لهذا النوع من التكييف)
وطبعا يجب عمل صيانة دورية للمكيف  وتنظيف و تغيير  لبادات القش  والفرتر ليكون الهواء نظيف .
بالنسبة لمشكلة التحكم بالسرعات التي تحدثت عنها  فيمكن تغيير مفتاح التحكم  من ديمر  لمتاح طقات.
وبالنسبة للجمع بين نوعين التكييف الغاز والصحراوي بمكان واحد  /صالة واحدة  فهذا غير صحيح ولا يصلح
ياغالي اذا تبي تبريد صح قفل على الصحراوي داخل صنوق وسوي فتحه مربعه يجبر الصحراوي انه يشفط هواء من الفتحه ووصل الفتحه حق الصندوق الي داخل البيت كذا يبرد اكثر ويوفر اكثر لانه يسحب هواد بارد من داخل البيت ويرجعه ابرد عمليه تكثيف لا كن كذا يشفط هواد حار من بري ويدخله البيت بدون ما يعمل تكثيف خذ كلام خبير تبريد بختصار مثل مكيف السياره لما تفتح سحب هواء من الخارج يكون تبريد ضعيف ويسحب ريحه لما تقفل وتخليه سحب من الغماره يعطيك تبريد اكثر ومن دون ما يسحب ريحه وفقك الله كلامي ذا من باب المساعده حب لا اخيك ماتحب لنفسك
لازم المكيف يسحب هواء من برا جاف ، لأنه إذا سحب هوا من الداخل كذا بتزيد الرطوبة مع الوقت زيادة قوية جداً
يعطيك العافيه من يوم طلعت على الدنيا والوالد مايستغني عن المكيف الصحراوي وسط الصاله ومن ميزاته يرطب البيت حتى المكيف السبلت يبرد الغرفه وهو على اقل مراوح
الصحراوي مشكلته الرطوبه العاليه اما الفوح الحار فهو من عدم عزل الجدران عزل كامل عن تجربه العزل ماهو خساره
عندي غرفة النوم فيها مكيف قديم  أيام الحر القوي يضعف ولا يبرد جبة مكيف صحراوي صغير سعره ٣٠٠ نعبيه مويه يدوي تقريبا ٦ لتر كل تعبيه تستمر ١٢ ساعه على أقل درجه
بس بصراحه صار فرق كبير في البروده داخل الغرفه أنا جربتها الشهرين ألي فاتت
كان حل مؤقت وحلو
الرطوبة يارجل في الغرفة تزداد بشكل مزعج
كان عندي صحرواي اتعبني في الصيانة الغيته كليا واشتريت اسبليت ال جي 38 الف وحده من  3 سنوات
ولان زي الفل  الصالة باردة وقوة دفع هائلة
مركب مكيف 24000 الف شي طبيعي ماراح يبرد  مساحة ستين متر مربع هي تحتاج خمسة طن اقل شي .
المكيف الصحراوي مفيد جدا ف الأماكن المفتوحة وخاصتا المناطق الجافه
أنا برغم عوازل بيتي الممتازة اضفت الصحراوي بغرض التهوية لاني ما اداني الكتمة، وفعليا الان الاجواء في بيتي من اروع ما يكون والبيت مهوى وبارد وشرح. الله الله بالمنتج المضبوط وممنوع منع بات مكيفات القش والغبار والانظمة القديمة العفنة، عليكم بالمكيفات المطورة.
ماشاء الله .. ممكن تجربتك مع اي نوع واهم المميزات والعيوب ؟

اسئلة متعلقة

9 إجابة 107 مشاهدات

استشارة .. وش أفضل للمكيف الصحراوي : 1- تمديد دكت للأماكن مثل الصالة والمطبخ وغيره 2- أو فتحة واحدة فوق الدرج والهواء ينتشر...

32 إجابة 847 مشاهدات

محتار وأرغب بسؤالكم هل تنصحون بالكيف الصحراوي ؟ البعض نصحني به وبأنه ضروري في المنزل وراح تحس ... بالصيانة ؟ مارأيكم بالمكيف الصحراوي في المنزل ؟...

5 إجابة 110 مشاهدات

أحتاج استشارة في تركيب مكيف صحراوي مع دكت داخل المنزل ؟ هل له فايدة وقيمه كبيرة مع وجود مكيفات ... بشوف هل أحتاج تمديد له في المخطط وإلا لا ؟...

12 إجابة 367 مشاهدات

ماهو أفضل مكيف صحراوي متنقل ، أرجوا منكم الإجابة ؟ الأنوةاع كثيرة واحترت...

 

لعشاق الأخبار : هذا تطبيق يمكنك من خلاله مشاهدة كل القنوات   smile 

اضغط هنا لتحميله من المتجر


...