تجربتكم مع مجفف الملابس ، ماهو الأفضل ؟

Question

السلام عليكم ، ماهو أفضل مجفف ملابس موجود بالسوق ، من ناحية الجودة وغيره ؟

Answer 1

أنا شفت ناس تمدح جنرال وناس ميتاج وناس ويرلبول

كلها أمريكية ورائعة وعن نفسي أحب الامريكي وأشوفه الأفضل

Answer 2

فيه ناس تقو اشتري غسالة فيها نظام التجفيف الحراري
وأقول لهم :

من تجربة الافضل تكون كل قطعة منفصله عن الثانيه
عشان اذا خربت واحده ما تخسري الثنتين او تتعطلي عن الثنتين ع الاقل تبقى واحده عندك تستفيدي

وكمان اللي تجي مع بعض في نفس الغساله تجفيفها ابدا مو مثل المجفف المنفصل

Answer 3

وبالنسبة لي اشوف ميتاج ممتازة عندي من خمس سنوات ونص تقريبا ومرتاحه عليها جدا وميزة ميتاج في نوع واحد منها يجي خطه 220 ما يحتاج تسوي له تسليك خاص مثل المكيف عكس المجففات البقية لازم يكون 3 فاز مثل المكيف

Comments

عندي مجفف الملابس ويرلبول وروعة ولا سوينا له توصيل ولا شي ، 220 مثله مثل أي جهاز

Answer 4

الغساله والمجفف قطعه واحده ما أنصح أحد يشتريها

خذ مجفف منفصل


هذا هي  عندي واتندمت اني شريتها بمجفف

أنا أخذتها عشان اوفر مكان

ولا كان اخذتها غساله بلحال

المجفف ياخذ 4 ساعات لو الغساله مليانه ملابس ويطووول وبطييييييئ

ولما دقيت عالشركة قالو لما يكو ن قطعه واحده يطول

قلت ماقلتو لي وقت الشراء ولا ماكان شريت

شوفيني الحين ابي اشتري مجفف منفصل

Answer 5

عندي ماركة سبيد كوين امريكيه
حوالي الف وثمان ميه
مره مرتاحه عليها
استخدمها متى ما غسلت ملابس.
كانت عند امي قبلي عشان كذا شريتها
وبعدي كل اخواتي شروها بس مو نفس الماركه
المهم امريكي ولها وكيل يجون يصلحونها
مع انها ما قد خربت حقتي ولا حتى حقت اهلي لها اكثر من عشر سنوات
يا اختي باختصار انا مع التقنيه والتكنولوجيا الحديثه
اي شي تقدري تريحي به نفسك اشتريه

Answer 6

أناحقي امريكي ويرلبول صار له عندي كم شهر تقريبا 5 شهوور
مرة ريحني بس خرب علي بنطلوين جنننز انشقوا بعد مالبستهم
والظاهر انو انا خليتهم مدة طويله بالنشافه
طبعا كل نوعية قماش لها مدة معينه في التنشيف
يعني ماتحطين جنز وقطن وثياب رجالي وبطانية مع بعض
وشي ثاني الملابس القطنية 100 % تتقلص بالمنشفه
خصوصا فنايل زوجي الدااخليه قصرت
وبعد فيها عييب انها تهري الملابس بس هي مرييحه مررة

Answer 7

انا عندي سامسونج له فتره معي تخلي الملابس غالبيتها ماتحتاج كوي

بصراحه قمه
والله العظيم تشيل عنك عبء كبير يعني لاتنشير ولاكوي والملابس الشتويه المحببه تشيلها

 وحجمها حلو

واذا عندك مساحه كبيره خوذي الامريكي ممتااااااااازه

Answer 8

الله يوفقك بشراء احسن مجفف

انا شريت مجفف الملابس سنجهاوس بس للان ماعرفلها كثير

بس والله ممتازة

Answer 9

أنا شريت مجفف ويرلبول ممتازبس عيبه وسخ الدنيا بالوبر الخفيف كانه غبار رغم انه فيه صفاي

مادري كيف اتصرف معه فيه مكان في الخلف فتحة دائرية افكر احط عليه خرطوم زي الي في المطبخ

Answer 10

عند امي سامسونج روعه ماشاءلله ولا تطلع حرارة قوية وريحة الصابون يثبت بالملابس
حقتي سيئة ال جي بس انا غسالة وجفافه مع بعض وتطول في التجفيف وحااارة لدرجة لما افك الباب الدخان ينزل والباب حار يحرق
والملابس تشمر وتطول في التجفيف 3ساعات ماحبيتها مرة

Answer 11

انتي تقصدين النشافة الأوتوماتك إذا كنتي تقصدينها ممتااااااازة جدا

ريحتني كثير وخاصة أني شقة والكنبات عندي عفنت من كثر ما نشرت عليها الملابس

بس الحين الحمدلله افتك اغسل وانشف والملابس اللي يبي لها كوي أكويها وأرتااااااااح والحمدلله

طبعا إذا حابة تشترينها أسألي مضبوط لا يخدعونك ويعطونك نشافة تنشف 70 بالمية

الا قولي لهم ابي مليون بالمية تنشيف يعني تطلعينهم وتطوينهم على طول بلا عنااااء

Answer 12

بصراحه روعه المجفف بس انا ما استخدمه للملابس الجديده لانه يبهت الوانها وتهتري بسرعه
صارله 3 سنوات ماخرب والا مره
اشتريه وانتي مغمضه موفقه حبيبتي

والأمريكي طبعا أفضل شي لكن غالي

Answer 13

انا اشتريت الغساله الاتوماتيك وبهذلوني اهل زوجي ما يشترونها الاالكساله لواشتري مجفف الملابس هذه وش بيقولون
وانا ودي اشتريها بس بجمع واشتري ويقولو الي يقولوه

Answer 14

عندي مجفف الملابس ويرلبول 10 كيلو الحمد مرتاحه معاها
لها عندي تقريبا سنه والحمد لله ماخربت

Answer 15

أنا عندي مجفف الملابس ويرلبول اللي فتحه مع فوق

روعه ومريحني صرت ما استغني عنه

الأمريكي بشكل عام جيد وقوي وجودته عالية ، اهربي من المجففات اللي فيها الكترونيات كثيرة ، علشان ماتتعبك بالأعطال

Answer 16

الأمريكي بشكل عام جيد وقوي ، صحيح أغلى لكن يريحك

ويرلبول  وغيره

هناك عدة شركات كورية وصينية وغيره ، لكن الأمريكي بمجال الغسالات ومجفف الكلابس والثلاجات هو الأفضل