ماهي أفضل أنواع ترويبة في السوق ؟

Question

ماهي أفضل أنواع الترويبة في السوق ، لأني حصلت أكثر من شركة  واحترت ؟

Answer 1

سافيتو جوده عاليه وانا استخدمتها في بيتي

Answer 2

أنا استخدمت ترويبة سافيتو ، وأشوف سمعتها حلوة ومرة ونصحني فيها شخص فاهم ، البائع حاول يعطيني ترويبة ثانية ويقول نفس الجودة لكن ماقتنعت ورحت محل ثانية أخذت ترويبة سافيتو

سافيتو افضل ترويبة في السوق

Answer 3

الترويبة مهمة ، وأحسنوا اختيارها

أهمية الترويبة :

1- تسمح بتمدد البلاط
2- تمنع تسرب الماء

Answer 4

هذا فيديو يتكلم عن الترويبة من المهندس عبدالغني الجدد

Answer 5

الترويبه الفرنسيه وقليل تجدها في المحلات

الاكيد في محلات البناء في بداية شارع الضهران من جهة شارع الستين

في محل اسمه الساحه وثاني اسمه البلادي

هالمحلات في الغالب لا يبيعون الا الاصلي من مواد البناء وخاصه اذا طلبتها منهم قلت ابي اصلي اسعارهم مرتفعه نوعا ما وخاصه الاصلي من كل شئ

Answer 6

الأفضل سافيتو
ولكن خذ النصيحة
اذا كان ارضيات اي نوع رخيص اخلطه مع رمل ابيض حتى توفر مبلغ محترم اذا كانت مساحة كبيرة وخصوصا مع
التعرجات وعيوب عدم الاستواء

الترويبة الاهم فيها مايمسك غبارها الأبيض على وجه البلاطة
يعني يادوب يعبي الفراغات ولاينثره على كامل البلاطة
لأنها اذا مسكت تقول مسامير ماتطلع أبدا يعني تشوف
البلاط اشهب

Answer 7

اهتم جدا في ترويبة الحمامت اجلكم الله, لو حفرة بسيط جدا قد رأس الأبرة راح تهرب ماء لسقف الحمام السفلي و تأخذ وقت طويل عشان تكتشفها.


بعد معاناة لمعرفة مكان التهريب اكنشفت انها من الترويبة و والله العظيم ان الفتحة صغيرة جدا. شلت الترويبة القديمة و ركبت ترويبة الا تستخدم بالمسابح مع سائل مقوي لها طبعا ضروري و لابد تكون الفتحات بين البلاط نضيفة وخالية من الأتربة.

Answer 8

والله ما افتكر اسم الترويبة لكن اخذتها من محلات العزل تجي كيس عشرة كيلو مع جالون سائل مثل الحليب, جالون لتر تخلطهم مع بعض و با اضافة الماء بنسب معينة موضحة على الكيس تكلفتها اعتقد في حدود 180 ريال, طبعا غالية جدا لكن استخدمتها للحمامات فقط

Answer 9

التروييه كل سنتين تحتاج تشييك كامل عملها لاينتهي

سمعت فيه شي بالايبوكسي للتروبيه لكن ناسي موضوعها
ابحث عنها باليوتيوب
الترويب بالايبوكسي
دورات المياه والمطالخ

Answer 10

الشيء اللي تركز عليه فقط هو حمامات الدور الثاني
او حمامات الملاحق ماتحتاج ترويبه لان مشاكلها كثيره بتسرب المياه وانتفاخ الاسقف لكن تحتاج عازل مائي يوضع بين فواصل البلاط
وافضلها هو السايكو بروف يجي على شكل بودره

Answer 11

منذ 16 سنة استخدمت لبلاط الحوش اسمنت ابيض بدلا من الغراء والترويبة وحتى الان لايوجد به اى عيوب

Comments

الترويبة ميزتها تتعطي مجال للبلاط يتمدد ويتقلص

هل الاسمنت الابيض يوفر هذه الميزة

لا أعلم

تم التعليق عليه منذ 2 سنوات

بواسطة منصور

---

الاسمنت الابيض ممتاز عن تجربه ولو طلع يتركب مره ثانيه وممكن انت تسويه في وقت ولا ياخذ منك دقيقه
الترويبه جيده لكن في نوع خاص بالحمامات والمطابخ اقوى من الترويبه العاديه
بصفه عامه من جهه نظري اي تروبيه تسد اللازم

تم التعليق عليه منذ 2 سنوات

بواسطة حمد

Answer 12

اسمنت ابيض اقوى، الترويبة اجمل ،

عن تجربة.. اهم شي ينظف الفواصل بشكل جيد حتى تدخل الترويبة بين الفواصل و تمسك بشكل جيد

Answer 13

انا بعمارتي سويت الترويبة سافيتو اسمها ترويبة سافيتو لكن هل هي الافضل الله اعلم

Answer 14

الاسمنت الابيض يستخدم للموزايكو في سطح الخزانات

داخل البيت استخدم ترويبه سافيتو ولايخلط معها اسمنت

داخل دورات المياه استخدم ترويبة ويبر الفرنسية او ترويبة مابي


بخصوص الفواصل بين البلاط 2 ملم داخل البيت

في الاحواش والاسطح 3 ملم الى 4 ملم مع وضع فواصل تمدد عرض 2 سم تحشى بحبل 2سم فوم اسفنج وتغطى بعصار ساندويتش السيكا

Answer 15

سافيتو ولابد من مبلط كويس واشرط عدم التطبيل للارضيات

Answer 16

سمعت عن ترويبة اسمها مابي ايطالية وش رايكم فيها؟

Answer 17

قويه وغاليه لكن لاتحتاجها
اي تروبيه او غراء راح يمشي معك

Answer 18

مافرقت اهم شي دور الارخص وحطة المهم البلاط لازم يعبية سمنت قبل التركيب علشان مايدخل فية هواء وتقدر تكشفة بسهولة خبط على البلاط اذا سمعت صوت اعرف فيى هواء واذا كانت صلبة وبدون صوت اعرف ان شغلة نظيف ع فكرة الاسمنت اقوي من الترويبة او السافيتو

Answer 19

ترويبه "مابي" قويه جدا قرات كثير عنها ، للاسف متوفره بالمدن الكبيره فقط والكيس يسوي ٢٠ متر مربع وغاليه بس تستاهل
انا ودي اوحد البيت كله كامل جدران وارضيه واحواش ترويبه اسمنت ابيض شكلي بستقر عليه

Answer 20

والله  كل الترويبات خراط  ولا فايده . الافضل اذا ترويبة بيضاء  خذ سمنت ابيض  واذا  الوان خذ اللي يناسب جيبك . بس خذ برميل cic بود بوينت تركيز عادي البرميل  سعره ممكن ١٧٠ ريال وكل سطل  حط معه كاسين شاهي واخلطه جيدا . وتوكل على الله