ماهي أفضل أنواع العسل الموجود في البقالات والسوبرماكت ؟؟

Question

أسأل عن أفضل أنواع العسل الموجودة في السوبرماركت والبقالات ، أعرف أنه الطبيعي أفضل ، لكن الطبيعي غالي ولا يستطيع الجميع شراؤه ؟

Answer 1

عسل الغابة السوداء ، معروف وجيد ، وهو من أفضل أنواع العسل في السوق ، وهو رخيص مو لأنه غير جيد ، لكن لأنه في ألمانيا العسل عندهم كثير ومتوفر بسبب كثر الاعشاب والنباتات

شف هذا الموضوع يفيدك

عسل الغابة السوداء

https://ar.tajrbati.com/index.php?qa=1928&qa_1=

Answer 2

هذا الفيديو يفيدك

أفضل عسل في البقالة والسوبرماركت

Comments

فيديو جميل ، عارفين والله العسل الطبيعي افضل ، وعارفين انه مبستر ومعرض لحرارة عالية علشان مايتبلور

لكن نبغى أفضلها

Answer 3

فيديو جميل ، يفيدك

والسعر مو دليل ، لأنه احيانا العسل يكون سعره رخيص لأنه متوفر

Answer 4

الأعسال المستوردة كثير منها مغشوش ولا بريال
العسل الألماني أكثره مغشوش يستورد من الصين ويتعبى في عبوات صنع في ألمانيا
ويجي الغشيم المسكين اللي  يشتري

Answer 5

لا نجليز الماني وريح نفسك ولا يشك احد ابدا انه مغشوش وسعره ممتاز والعثيم يضع عروض له بين كل فترة وفترة

Answer 6

الحمد لله من ٣ سنوات شريت ٢٠ خلية ١٠ منها افرنجي و١٠ شمراني
الإنتاج سدر في مثل هذه الأيام من كل سنه
تنتج تقريبا ١٥ كيلو صافي و١٣ كيلو شمع واقسمه طول السنه للبيت وللوالده
وسلمنا من التجار
ملاحظة اكتشفتها من خلال منحلي المتواضع
اللي يبيع عسل سدر بأقل من ٤٠٠ مايلقى فايدة
فأستغرب من المحلات اللي تبيع ب٣٠٠ و٢٥٠ كيف تخارج معهم الله أعلم

Answer 7

عسل لانجنيز الألماني
الوالد خبير عسل والله كان يشتري السدر علبة نيدو ب 3000 ريال
وجرب لانجنيز الغابة السوداء قام يشتريه بالجملة
والله فني مختبرات يقول فحصنا لانجنيز والله انه عسل اصلي ماعليه اضافه

Answer 8

.

فيه عسل نيوزلندي طبيعي 100% بسعر 25 ريال تقريباً 300 غرام من زمان عنه لكن يمدحه الدكتور محمد الاحمدي استاذ فسيولوجيا الجهد البدني المشارك/جامعة طيبة(جامعة الملك سعود سابقا)/حاصل على درجة الدكتوراه من الكلية الصحية دايم يتكلم عن المنتجات الصحية وينصح فيها ويحذر من الوجبات المعلبة وغير الصحية ويحذر من السكريات والحلويات ووكل ماهو غير صحي

ويباع هالعسل في التميمي والدانوب دايم احصله عندهم لكنه من فترة منقطع مدري رجع الحين والا لا

Answer 9

انا استغرب من انتشار محلات العسل واعلانات العسل في وسائل التواصل الاجتماعي شي مب طبيعي تحس ان العسل زي الماء صار سهل الحصول عليه لكن هل يعقل كل هالعسل طبيعي ؟؟؟ مستحيل طبعا وكل واحد يدّعي انه فاحصه ومعه شهادة فحص انه طبيعي تلاقيهم فاحصين عيّنه طبيعي فعلا لكن الباقي كله مخلوط سكر

Answer 10

والله ما اتوقع صعب تلقى عسل اصلي بسهولة

اغلبهم مضروب

لان الاصلي مو مجدي اقتصاديا والناس تفكر بالفلوس مو بالامانة والصحة

افضل لك خذ عسل الماني ولا مانوكا يقولون اقرب للاصلي وعليه مختبرات

او تاخذه من واحد تعرفه شخصيا نحال وتدفع مقدم لين يجيب وقت موسم العسل وتوصيه بعد

Answer 11

استيراد المانيا من العسل الصيني بكميات مهوله جدا تفوق ٨٠،٠٠٠ ثمانين الف طن من الصين وتصدر للخارج ٢٠،٠٠٠ عشرين الف طن
فهل يصدرون اليك افضل اعسالهم ويكتفون بالعسل الصيني

Answer 12

اقول لمن يريد ان يشتري عسل للتغذيه وليس للعلاج
للفطور وخلافه
اشتر دبس تمر مضمون افضل لك لرخص سعره وفوائده واما انك تشري عسل مغشوش بسعر سواء رخيص او غالي فلم تحصل على نصف فوائد دبس التمر.
والله أعلم

Comments

الدبس اذا تم عصره بالحرارة تذهب فوائد كثيره منه
لذلك احرص على الدبس المعصور بالبارد
او اعمل الدبس بنفسك
نصيحة على الطاير

Answer 13

أنا أخذت العسل الألماني

انا أخذته بعد كلام الدكتور جابر القحطاني . و بعد تجربة استفدت منه في زيادة النشاط . لكن انت متاكد انه ليس الافضل ولكن بسبب الغش المنتشر في العسل الطبيعي  فضلت هذا العسل

Answer 14

اغلب العسل اصلي وغير مغشوش كتحليل مختبري
المشكله ليست بالاختبار
المشكله بماذا كان يتغذى النحل هنا مربط الفرس
منها تقدر تحكم على العسل وجودته

Answer 15

انا استغرب لما اروح محلات النحل اشوف جوالين كبار عسل خصوصا محلات بويمن طيب وين الازهار الي يتغذي عليها النحل انا ما ادري كيف الناس تفكر
عندنا ما في ازهار تمشي من مدينة الي مدينة تشوف صحاري وين تتوقعون يتغذي النحل
كثير من الجنسيات يلبسون لباس الدين ويمدون اللحي عشان يوهمون الناس ان صادقين في بيع العسل وللاسف في السنوات الاخيرة قام بعض السعوديين يسوون نفس الشي هذي تجاره وفي ناس جنت منها مبالغ كبيرة ولا اعتقد في عسل تغذي علي ازهار الا شي جدا قليل لا يذكر الباقي يتغذي علي السكر المخلوط ب الماء وعند التحليل يبين اصلي لان تغذي علي السكر ولم يخلط السكر في العسل