ما رأيكم بقدر الضغط الكهربائي ؟

Question

هل تنصحوني بقدر الضغط الكهربائي ، هل هو مفيد ؟
كذلك أريد معرفة ماهو أفضل قدر ضغط كهربائي من تجاربكم ؟

الأنواع كثيرة ومحتارة

Answer 1

بصراحة أنا جربته من زمان طبخت فيه مضغوط دجاج كم مرة بس ما عجبني صحيح الرز يطلع نثري بس الدجاج ما اعجبني طراوته يطلع كأنه بلاستيك
ركنته بالمخزن وما افكر اجربه مرة ثانية
يمكن ما استخدمته صح أو الاذواق تختلف

Answer 2

نفسي اشوف تجارب أكثر كان عندي امل اشتريه بس تراجعت
ودي بشي يختصر الوقت في الطبخ ومايصير فوضى قدور قالت لي وحدة هذا نفعها وللحين محتارة فيه
انا عندي قدر الضغط العادي

Answer 3

كنت مثلك قبل فترة وانا كثيرةعزايم فكانو جارتي دايم يقولو لي اشتريه وانا العادي م احبه قد انفجر ف بيت جارتي ولما شفت الاثار مرة خفت


والعام جاني هدية استخدمته بعد 9 شهور من وصوله لي م كنت متحمسة يومها بسوي ورق عنب لعزيمة ومتعبه جدااا واقعا فرق معي كثير حطيته ورحت نمت جلست بعد 4 ساعات جهز وطلع البخار وماكو ريحة ف المطبخ ولانار تخافين منها
حبييييته جدا جدا استخدمه للبقوليات لورق العنب اللحم
وهكذا بالنسبه لي اكثر امان ولا يحتاج اراقبه واطفيه بنفسي
او اخرج منه البخار وانتي وراحتك

Answer 4

بالنسبه لي رهيييب كبسه دجاج ١٣ دقيقه
وتوني مسويه فيه جريش ٤٠ دقيقه
لو انه بالعادي كان ساعه ونص
فك لي ازمه برمضان السحور ياسلام كبسه فيه لاقدور ولاشي ونفس الشي الشوربه رووعه ارتحنا من القدور
والشي الحلو فيه اذا استوى يقفل ويخليه على وضع التسخين مو العادي لو نسيتيه احترق
اخليه تسخين لين نتغدا كلنا لاحافظات ولانحميه حار من الكاتم

Answer 5

من تجربتي أعتبرها يدي اليمين بالمطبخ . معتمده عليها بعد الله و بالذات اذا خلص الغاز وماعندي أحد تفك أزمه ...
واذا جيت متاخره لبيتي او قايمه من النوم متأخر ارمي فيه اللحم او الدجاج وهو جامد بالقدر ...
اسوي الغداء و انا مرتاحه اكبسهم على بعض من دجاج و رز وخضار و أرجع انام ما أشيل هم النار و الحرق . هو يطفي نفسه ...
طبعا قدري شركة باصره ٨ لتر ب ٢٥٠ ريال ...

Answer 6

انا اشتريت واحد من اديسون هي أفضل نوعية موجودة حاليا
لكن الصراحة ما شفت له اي فائدة زائدة عن قدر الضغط العادي

Answer 7

اصلا قدر الضغط الكهربائي تاركته الان ما استخدمه
اضافة الى ان سعره غالي
والتوقيت الموجود فيه مايكفي لازم تزيدي عليه
يعني مثلا اللحمة موقت لها على 20 دقيقة
مستحيل لحمة تستوي في 20 دقيقة
فلازم تزيدي في التوقيت مثلا 10 دقايق او ربع ساعة
وكذا صار مافي فرق بينه وبين العادي

Answer 8

انا مخليته للايدام وورق العنب واحيانا الرز بس ماعرف اضبط كمية الماي للرز فيه فمايضبط أما المكرونة ماجربت ولا مرة

Answer 9

والله روعه
تو اليوم سويت فيه ورق العنب طلع لذيذ وذايب
وقد سويت فيه مكرونة رووعه مجربه..


يختصر عليك التعلم للطبخ


يعني اللي توووها تتعلم الطبخ هذا راح يفيدها

Answer 10

أنا اشتريت ماركة فليبس

اول شي اختصر على الزمن يعني صرت اطبخ كل شي في وقت اقل وصحي يعني اللحم ينطبخ من غير زيت والدجاج وكل شي.
الحلو فيه احط الاكل واعطيه الزمن واروح عادي مو مثل قدر الضغط العادي انساها على النار يحترق وتخرب الطبخة

Answer 11

هذا شرح قدر الضغط الهربائي

Answer 12

ها شوفي طبخ الدجاج في قدر الضغط الكهربائي

Answer 13

الكهربائي الي يجربه صدقني ما عاد يرجع للعادي .. كلهن لا شك يفن بالغرض (لكن مثل القير العادي و الأتوماتيك) .. يا خوك يكفيك الأمان (و الأمان بالله سبحانه) .. لكن فعلا الكهربائي تستعمله بنتي الصغيرة و الخدامة بدون خوف او قلق.

Comments

انتبه اخوي حتى الكهربائي ينفجر

تم التعليق عليه منذ 3 سنوات

بواسطة نصيحة

Answer 14

سيئ جدًا والله يضيع نكهة الطبخ وييهرس الأكل واذا قللت مويه طلع ناشف بصراحة مافي زي الغاااااز والقدر الضغط العادي