اطرح سؤالاً

السلام عليكم ، ماهي أفضل مكنسة ذكية بالسوق ، وماهي تجاربكم معها ؟

إجابتك

أحب الناس إلى الله أنفعهم للناس ، هذا الموقع قائم على التعاون ، شارك واكتب رأيك ليستفيد منه الاخرون

اسمك الذي سيظهر (اختياري):
نحن نحرص على خصوصيتك: هذا العنوان البريدي لن يتم استخدامه لغير إرسال التنبيهات.

18 إجابة

 
أفضل إجابة
المكنسه الذكيه بشكل عام تطورت
وتؤدي اداء رائع
كنت ناوي اخذ مكنسة شاومي لكن مالقيتها بالسوق المحلي
ومع مشاكل الشحن والتأخير طلبت مكنسة EUFY G10 HYBRID من جرير و جدا ممتازه
سعرها في جرير ٩٩٩
اكسترا ٨٩٩
ركن الشريف وكيل المكنسه ب ٧٩٩
طبعا تكنس وتمسح الارضيات

انا سمعت عن lg حتى لو هي غاليه فهي اضمن من الوكيل بتاخذينها وعليها ضمان وكيد عندهم قطع غيار واكيد لهم صيانه يعني حلو لما تقررين تدفعين على شي تدفعين عليه وانتي مرتاحه انو كل الخدمات متوفره
أنا شريت منها 3 أنواع ..

1- نوع يكنس فقط
2- نوع يكنس ويمسح السيراميك
3- الاخير جاني هدية من نوع LG

مكانس الروبوت ماراح تناسبك إلا إذا :
1- الصالة عندك ومداخل الغرف على مستوى متقارب .. العتبات الرخام والفواصل بين الغرف بتفقدها نصف ميزتها .. و بتقعد تحوم حولك بمنطقة ضيقة

2- مكان متسع وفيه مساحات فارغة .. الغرف الضيقة والمليئة بالأثاث ماتنفع معها خاصة إني اختبرت جميع الأنواع السابقة بكنس المساحات الضيقة والزوايا وأطرف الأثاث وكلها سيئة .

3- إذا عندك أطفال مثل اللي معي فلا تشغلها إلا وقت انصرافكم للدوام .. الشباب عندي لقيتهم ماخذينها سكوتر
لي أكثر من أسبوعين في الموضوع هذا

وبعد بحث وتقصي
إليك المختصر

اللي تحتاج تعرفه في المكانس الذكية كالتالي :

* الأداء ( جودة التنظيف) تشمل قوة الشفط
* التنقل الذكي( السوفتوير) بحيث تجوب المنزل وتبتعد عن العوائق. يعني ما راح تنشب في مكان ما.
* حساس التنقل ( اما كاميرا والا رادار) طبعا الرادار افضل لانه يشتغل في الظلام بعكس الكامير
* حجم حاوية الغبار.
*سعة البطاريه
وأشياء أخرى ثانويه

بالنسبة لي اخترت هذي
Roborock S50
من أفضل الموجود مقابل السعر

التكلفة 1750
الإستلام بعد بكره ان شاء الله
عندك شركة Eufy ممتازة ومنتشرة عندنا بالسعوديه جرير واكسترا وانصحك بركن الشريف وكيل معتمد للشركة واسعاره ارخص من الباقي.
G10 للارضيات الصلبة
C30 للارضيات الصلبة والسجاد الخفيف : اتذكر عبدالله السبع سوى عنها تقرير بسيط


بالنسبة للمكنسة نفسها نستخدمها كتنظيف يومي او شبه يومي .. لكن نلجأ للتظيف الاعتيادي للبقع والمناطق الصعبة .. يعني تقدر تقول مستوى التنظيف فيها 70%.
عند اختيار المكنسة يهمك نقطة وحده مهمة جدا
يكون فيها حساس lidar
وهو عباره عن حساس ليزر يسمح المكنسة بالتنقل داخل البيت ورسم خريطة للبيت بدقة عاليه.
بعكس بعض المكانس اللي تستخدم الكاميرا، تكون تنقلاتها عشوائيه وتعلق كثير
بالمكانس مافي شركه في مكنسه معينه لان كل الشركات تنتج اكثر من نوعيه لبدجت مختلف

شخصيا عندي Roborock s6
صار لها سنتين عندي ونزل الموديل الاجدد رقم 7 افضل

دوبي شريت للوالده deebot n8+ موجوده بامزون برايم توصل ثاني يوم

السبب الاساسي الي خلاني اختارها بدل روبورك عشان للاهل افضل شي قطع غياره متوفره اسهل
وكيلهم عنده متجر بامزون وموفر كل شي
روبورك انا اطلب لها من علي اكسبيريس
موجود بعض قطع الغيار بامزون بس مو كلهم
لكن في عيب بالديبوت برايي وباغلب مكانس الروبوت ينظفوا ع مسار واحد نفسه ترجع عليه المكنسه
ال Roborock عندها حركه X بمعنى لو طلبت منها تنظف الغرفه مرتين ورا بعض مره هتنظفها بالطول ومره بالعرض فالمسارات الي تمشي عليها تداخل وماراح يفوتها مكان
الديبوت لا نفس المسار هو هو هترجع عليه
نصيحه بشكل عام لما تدور على اي مكنسه روبوت الاشياء الي برايي مهمه
- رادار عشان ماتصدم بالاغراض
- اذا البيت فيه سيراميك او رخام كثير فتحتاجها تكون ممسحه كمان
- حاليا اغلب الموديلات الحديثه تجي مع منصه تفريغ بحيث انك ماتحتاج تنظفها بعد كل استخدام الي عندي موديل قديم يحتاج وصراحه يطفش واذا كنت تشغلها وتطلع دوامك او تنام ممكن بعدها تنسى فمنصه التفريغ جدا عمليه وبتحافظ على الفلتر فتره اطول
- قطع الغيار وتوفرها بمكان انت تقدر تطلب منه بسهوله لان لازم الفرش والفلتر يتغيروا بعد فتره
- موضوع الضمان راجع لك هل هو مهم او لا انا لما شريت لحالي من الصين واثقه من الشركه ومن معرفتي لاستخدامي , للوالده في عاملات بالبيت ممكن بسوء استخدام تخرب اكثر
ال جي عنده المكنسه الروبوت لو حابه انك تشتريها هي غاليه تقريبا ٢٠٠٠ ويمكن اكثر شوي
لكن انا فضلتها لانها من الوكيل تاخديها وعلى ضمان
افضل من الصيني اللي اكثره جربناه وطلع تعبان ولا ع قد الدعايه تبعه
انا ماخدت المكنسه شفتها عندهم واذا الله يسرها باشتريها
انا شريت  اوتو كلينز من اسواق كوم قبل كم شهر بس خربت وماتنهنيت بها ياليت الي تعرف وين تصلح تدلني
من زمان وأنا أبحث عن مجرب

لكن جميل جدا التجارب اللي في الموضوع

واللي توصلت له أنها لا تغني عن المكنسة العادية

يعني ممكن تنفض الغبار والأشياء البسيطة

وكما فهمت أنها تحتاج لتغيير بعض الفلاتر

ويبدو أن الانتظار أفضل حتى تتطور أكثر
خصوصا أنها لا تسد الحاجة بشكل كامل
لا انصح فيها ابدا ولا تغني عن المكنسه الاعتيادية و الأغلب راح يستخدمها كم مرة ثم يركنها بالدرج

واللي متعقد من حجم المكانس ام برميل و حوسة اسلاكها انصحه بمكانس دايسون اللي بدون سلك تشتغل على الشحن

وزنها خفيف وأداءها قوي جدا
معي مكنسة ecovacs 605 تنظف وتمسح الأرضيات الصلبة بعد.

الصراحة مريحة جداً وتنظيفها روووعة. كمية الأوساخ وأنتو بكرامة اللي تتجمع بعد التنظيف استغرب منه اقول شلون طلعت كل هالأوساخ

سعرها يوم آخذها حول 1400 ريال تقريباً
اذا تبين مكنسه اقتصاديه وعمليه روحي لانكر عندهم مكنسة EUFY كويسه حسب التجارب تاخذ في الغرفه 25 دقيقه تقريبا عشان تخلصها ومتوفره بالسعوديه قيمتها تقريبا 800 ريال

وواذا تبين افضل شوي عندك Roborock

من تجربتي للحين جدا جدا جدا ممتازه وقيمتها 2000 ريال وحسب تجربتي في غرفه فيها جلسه ارضيه يعني تقريبا تكنس 3 في 4 تاخذ 6 دفايق طبعا فيها شي واحد ممل كل كم يوم لازم تطلعين الشعر من الفرشه حقتها عشانه يتجمع فيها
انا الان محتاره بين شركه Roborock و EUFY

ابغا وحده تكنس الفرش العاديه وتمسح السيراميك
فيه شركة اسمها دريم تبع شاومي (روبوروك تبع شاومي كذلك)
دريم اسعارها اقل من المنافسين وأداءها ممتاز

لو كان لاستخدام شخصي وحاب الافضل وميزانيتك كويسه
roborck s7 max
اعلنوا عنها بدايه السنه بس لسه مانزلت احتمال اخر هذا الشهر او بدايه الشهر الجاي تنزل
فيها ميزه ماهي موجوده بكل مكنسات الروبوت حاليا
زياده على منصه التفريغ منصتها كمان تغسلها
بمعنى حتى مع خاصيه المسح هترجع المكنسه المنصه هتغسل الفوطه حقها وتبدل الماي الي فيها كمان ففعلا ماهتحتاج اي تدخل منك غير كل فتره والثانيه تعبي المنصه ماي
أين أجد ركن الشريف وهي نفس المكنسة أجدها عند افيدوني جزاكم الله خير
هذا موقعهم وفيه كل المعلومات عنهم

https://shareefcorner.sa/ar/
روبوتات شاومي و IMOU  جدا رائعين

اسئلة متعلقة

14 إجابة 329 مشاهدات

ماهي أفضل مكنسة كهربائية للبيت ؟؟ سانيو أو مكنسة هيتاشي أو مكنة باناسونيك ؟ المهم تكون عملية ولا فيها كثرة أعطال ؟...

14 إجابة 1,072 مشاهدات

هل تنصحوني بالمكنسة الذكية ؟ هل هي مفيدة ، أو بس خسارة فلوس ما هي أفضل ماركة مكنسة ذكية ؟ هل المكنسة الذكية عملية ؟ قولوا تجاربكم...

16 إجابة 1,654 مشاهدات

ماهي أفضل غسالة ملابس أتوماتيك ؟ ماهي أفضل شركة من حيث الجودة والسعر ؟ و ما ريأكم بغسالة الملابس أوتوماتيك ؟...

20 إجابة 2,842 مشاهدات

السلام عليكم ، أنا محتار ماهي أفضل أنواع السخانات الكهربائية من حيث الجودة والضمان ؟ الأنواع كثيرة ومحيرة...

 

لعشاق الأخبار : هذا تطبيق يمكنك من خلاله مشاهدة كل القنوات   smile 

اضغط هنا لتحميله من المتجر


...